A Ch'an̈ Schab'l Libro Samuel 19:9 - Chuj San Mateo Bible

⁹ Masanil macan̈il eb' yin̈tilal Israel chi' ix laj yal eb' icha tic: A vin̈aj rey David tic ix on̈ colanel d'a yol sc'ab' eb' filisteo yed' d'a juntzan̈xo eb' cajc'ool, axo ticnaic, yuj vin̈aj Absalón, ix el vin̈ elelal d'a co macb'en tic.

Chuj San Sebastian Bible

⁹ Smasnil eb' chon̈b' cha, xlaj yal junjn c'aj eb' 'ixtic: A win rey David on̈ colnec 'elt 'a yol sc'ab' eb' 'ajc'ojol, atn eb' filisteo; ax ticnec 'atnc 'elc 'a yol chon̈b' tic yuj yunnal, atn win Absalón.

A Ch'an̈ Schab'l Libro Samuel 19:9 ပူးပေါင်းရင်းမြစ်များ

A Ch'an̈ Schab'l Libro Samuel 15:14

Yuj chi', ix yal vin̈ rey chi' d'a masanil eb' yajal yaj yed' vin̈ d'a Jerusalén chi': —Coyec, con̈ elec d'a vin̈aj Absalón chi'. Tato maay, man̈xo ol yal-laj co colan co b'a d'a vin̈. Co pilec quip yic man̈xo ol on̈ yamchaj yuj vin̈ yic tzon̈ smilancham yed' masanil anima d'a yol chon̈ab' tic, xchi vin̈ rey chi'.

A Ch'an̈ Schab'l Libro Samuel 18:17

Ix lajvi chi', ix yic'anb'at snivanil vin̈aj Absalón chi' eb', ix b'at yac'anoch eb' d'a yol jun olan d'a caltac te' chi', ix q'uecan jun nivan b'ulan̈ q'uen d'a yib'an̈ yuj eb'. Axo pax eb' soldado vin̈aj Absalón chi' ixto cani, ix el eb' elelal, ix paxcan eb' d'a spat.

A Ch'an̈ Schab'l Libro Samuel 19:10

A vin̈aj Absalón chi' ix co comon aq'uejoch co reyaloc, toxo ix champax vin̈ d'a oval. ¿Tas sco tan̈vejec, yuj chi' max quic'xicot vin̈aj rey David chi' co reyaloc? xchi eb'.

A Ch'an̈ Schab'l Libro Samuel 19:40

Ix lajvi chi' ix b'at vin̈ rey chi' d'a Gilgal, ajun vin̈aj Quimam chi' yed' vin̈ yed' masanil eb' aj Judá, ajun pax nan̈alxo eb' israel.

A Ch'an̈ Schab'l Libro Samuel 22:44

Tzin a colel d'a yoval eb' ch'oc chon̈ab'il, tzin ac'ancanoch yajaliloc juntzan̈ nivac chon̈ab'. A eb' anima man̈ vojtacoclaj, a eb' tzin ac'an servil.

A Ch'an̈ Schab'l Libro Samuel 5:20

Ix c'och vin̈ yed' eb' soldado b'aj ayec' eb' filisteo chi'. Ata' ix ac'ji ganar eb' yuj vin̈. Yuj chi' ix yal vin̈: A Jehová ix jacanb'at jun b'e d'a vichan̈ d'a scal eb' vajc'ol tic, icha val tz'aj sb'at n̈epnaj junoc a' eluma', xchi vin̈. Yuj chi' Baal-perazim ix sb'iejcan jun lugar chi'.

Salmos 18:43

Tzin a colel d'a yoval eb' ch'oc chon̈ab'il, tzin ac'ancanoch yajaliloc juntzan̈ nivac chon̈ab'. A eb' anima man̈ vojtacoclaj, a eb' tzin ac'an servil.

Ex 32:24

Yuj chi' ix valan d'a eb': Machtac ex ay q'uen oro d'ayex, ma q'uen uchiquin, iq'uequeli, tzeyic'ancoti, xin chi d'a eb'. Ix lajvi chi', ix yic'ancot eb' d'ayin, ix vac'an ulax d'a cal c'ac', axo ix aji ix comon elta jun yechel vacax tic, xchi vin̈ d'a vin̈.

A Ch'an̈ B'ab'el Libro Samuel 17:50

Icha chi' ix aj yac'ji ganar vin̈ yuj vin̈aj David chi'. An̈ej yed' jun c'olan q'uen q'ueen yed' jun ch'an̈ mejmeech ix milji vin̈ yuj vin̈. Malaj yespada vin̈aj David chi',

A Ch'an̈ B'ab'el Libro Samuel 18:25

Ix yalanxi vin̈aj Saúl chi' d'a eb' ay yopisio chi': —Alec d'a vin̈, max stuplaj ix visil tic vin̈ icha sb'eyb'al eb' anima, an̈ej syic'cot 100-oc sjolom svinaquil eb' vin̈ filisteo vin̈ d'ayin. Icha chi' tz'aj in pacan in b'a d'a eb' vajc'ol chi', xe chi d'a vin̈, xchi vin̈ rey chi'. Icha chi' ix yutej vin̈ rey chi' yalani yic smiljicham vin̈aj David chi' yuj eb' filisteo chi'.

A Ch'an̈ B'ab'el Libro Samuel 19:5

Ix ila' to ix sb'ec sb'a vin̈ schami ayic ix smilancham vin̈ filisteo vin̈, icha chi' ix aj scolchaj co chon̈ab' tic yuj Jehová. A jun chi' ix il val. Ix ach te tzalaji. ¿Tas yuj tza na' a milcham vin̈, ina to malaj jab'oc smul vin̈ d'ayach? xchi vin̈.