A Ch'an̈ Schab'l Libro Samuel 19:19 - Chuj San Mateo Bible

¹⁹ Ix yalan vin̈ icha tic: —Mamin rey, tzin tevi d'ayach to tzin ac' nivanc'olal yic maxtzac a nacot in mul ix och d'ayach a in a checab' in tic, ayic ix ach el d'a Jerusalén. Mocab' cot oval d'ayin.

Chuj San Sebastian Bible

¹⁹ 'Ix yaln win 'ixtic: —Tzin tew 'aych mamin rey, to tzin ac' niwnc'ojlal an a checb' in tic, sec man̈xtzac a na cot in mul 'ix 'och 'ayach, yic ach 'el 'a Jerusalén. Man̈ cot cab' owl 'ayin.

A Ch'an̈ Schab'l Libro Samuel 19:19 ပူးပေါင်းရင်းမြစ်များ

A Ch'an̈ B'ab'el Libro Samuel 22:15

¿Tocval b'ab'elto tzin c'anb'ej d'a Dios yuj vin̈? Mamin rey, malaj b'aj tzin och ajc'olal d'ayach, yuj chi' mocab'a tas tza na' d'a in patic yed' d'a spatic eb' in c'ab' voc, yujto man̈ vojtacoc jab'oc tas yaj jun lolonel tic, xchi vin̈.

2 Co 5:19

A jun tic syalelc'ochi to a Dios ayoch yed' Cristo, ayic ix uleq'ui, yic tz'och eb' anima masanil junc'olal yed'oc. Maxtzac ac'jioch co mul d'a quib'an̈ yuj Dios. A ac'jinaccan jun ab'ix tic d'a yol co c'ab', yic tzec' caleli chajtil tz'aj yoch eb' anima junc'olal yed'oc.

Mt 27:4

Yuj chi', ix yalan vin̈ d'a eb' vin̈: —Ix och val in mul, yujto ix vac'och Jesús chi' d'a yol sc'ab' chamel, palta malaj jab'oc smul, xchi vin̈. Palta ix yalan eb' vin̈: —A on̈ tic, malaj coch d'a a mul chi'. A chumxo d'a chi', xchi eb' vin̈.

Jeremías 31:34

Man̈xo yovaliloc ay junoc ex ol eyal d'a eb' eyetchon̈ab' icha tic: Ojtaquejel Jehová, man̈xo xe chioc. Yujto a in Jehová in svala' to e masanil ol in eyojtaquejeli, vach'chom eb' unin, ma eb' icham anima. Ol vac' nivanc'olal schucal eb', man̈xa b'aq'uin̈ ol in nacot smul eb', xchi Jehová.

Is 43:25

Palta a in tic, yuj val snivanil velc'ochi, yuj chi' tzin sucsat e chucal chi', man̈xa b'aq'uin̈ ol in nacot e mul chi'.

Ec 10:4

Tato a junoc yajal scot yoval d'ayon̈ yuj co paltail, mocab' elan̈chameloc sco c'anel co b'a d'a copisio. Tato emnaquil scutej co b'a, tzon̈ ac'ji nivanc'olal vach'chom nivan co paltail chi'.

Salmos 79:8

Man̈ ac' co tupel smul eb' co mam quicham. Ac'cot a vach'c'olal d'a quib'an̈ d'a elan̈chamel, yujto man̈xo animaoc caj scab'i.

Salmos 32:2

Te vach' yic eb' syal Jehová to man̈xalaj smul eb' d'a yichan̈, aton eb' maxtzac c'ub'anel smul d'a eb' yetanimail.

A Ch'an̈ Schab'l Libro Samuel 13:33

Yuj chi' man̈ a na' to masanil eb' vin̈ uninal ix chami, palta an̈ej vin̈aj Amnón ix chami, xchi vin̈.

A Ch'an̈ Schab'l Libro Samuel 13:20

Ix sc'anb'an vin̈ snulej ix scuchan Absalón d'ay: —¿Tom ach yixtej vin̈ a nulej aj Amnón chi'? Tato icha chi' ach vanab', eman̈ numan b'ela. Mocab' ach te oc' yuj ilc'olal yuj jun chi', yujto a nulej vin̈, xchi vin̈ d'a ix. Yuj chi' ix can ix d'a spat vin̈ snulej chi'. Te cusc'olal ix ajcan ix.

A Ch'an̈ B'ab'el Libro Samuel 26:21

Ichato chi' ix yalan vin̈aj Saúl chi': —Ach David, svojtaquejel ticnaic ma to a in ix och in mul. Icha junoc malaj spensar, icha chi' svutej in b'a, te chuc tzin c'ulej d'ayach. Yuj chi', meltzajan̈. Man̈xo ol vac'laj chucal d'ayach, yujto a d'a jun c'u tic ix a ch'oxeli to ay velc'och d'a yol a sat, xchi vin̈.

A Ch'an̈ B'ab'el Libro Samuel 25:25

Man̈ ac'och vin̈aj Nabal chi' d'a a c'ool. A jun vin̈ chi', quistal vin̈, smojton val sc'ulan vin̈ icha sb'i chi'. Malaj spensar vin̈, yuj chi' an̈ej chucal pensar syal vin̈. A in pax a checab' in tic, maj vil-laj eb' vin̈ a checab' ix a checb'ati.

Nm 12:11

Yuj chi' ix yalan vin̈ d'a vin̈aj Moisés chi' icha tic: Mamin, ac' val nivanc'olal d'ayon̈, yujto yuj co man̈ pensaril ix och co mul.

A Ch'an̈ Schab'l Libro Samuel 19:18

Elan̈chamel ix c'axpajec' eb' d'a sjayil a' yic syic'anec'ta eb' yuninal vin̈ rey chi' eb' yed' ix yetb'eyum vin̈. Ix colvajpax eb' d'a b'ajtac syal vin̈ rey chi'. Ayic mantzac c'axpajec'ta vin̈ rey d'a yol a' chi', ix c'och vin̈aj Simei, ix em n̈ojan vin̈ d'a yichan̈ vin̈.