A Ch'an̈ Schab'l Libro Samuel 19:13 - Chuj San Mateo Bible

¹³ Ix yalanxi vin̈ rey chi' to sb'at alchaj d'a vin̈aj Amasa icha tic: A ach tic ayto vuj in b'a ed'oc, yuj chi' a ticnaic, a ach ol ach och yajaliloc eb' soldado sq'uexuloc vin̈aj Joab. Tato max elc'och tas van valan tic, aocab' Dios tz'ac'ancot yaelal d'a vib'an̈, xchi vin̈.

Chuj San Sebastian Bible

¹³ 'Ix yal David cha, to tz'at alxc 'a win Amasa 'ixtic: Ach tic, quicanto qui b'a et'oc, yuj cha, a yic 'oj b'ey 'a cojltac tic, ach tzach 'och syajlilc eb' in soldado sjelc Joab. Toto matz tz'el'ch tas tzwal tic, jaw cab' yailal 'a wib'n̈ yuj Dios, xchi David cha.

A Ch'an̈ Schab'l Libro Samuel 19:13 ပူးပေါင်းရင်းမြစ်များ

Gn 29:14

Ix yalan vin̈aj Labán chi' d'a vin̈ icha tic: Val yel te a on̈to och ed'oc, xchi vin̈. Jun ujal ix can vin̈ yed' vin̈aj Labán chi'.

A Ch'an̈ Schab'l Libro Samuel 17:25

Ix yac'och vin̈aj Amasa vin̈aj Absalón chi' yajaloc eb' soldado sq'uexuloc vin̈aj Joab. A vin̈aj Amasa chi' yuninal vin̈ jun vin̈ ismaelita scuchan Itra, yic'lajnac sb'a vin̈ yed' jun ix scuchan Abigail yune' ix Nahas snulej ix Sarvia, snun vin̈aj Joab.

A Ch'an̈ Schab'l Libro Samuel 18:11

Ix tac'vi vin̈aj Joab chi' d'a vin̈: —Tato ix il icha chi', ¿tas yuj maj a vach' milejcham vin̈? Tato icha chi', yovalil svac' spac d'ayach, svac'an lajun̈eoc ciclo plata d'ayach yed' jun nivan tzec'ul, xchi vin̈.

A Ch'an̈ Schab'l Libro Samuel 20:4

Ix lajvi chi', ix yalan vin̈ rey chi' d'a vin̈aj Amasa: —B'at molb'ejcot masanil eb' vin̈ vinac yic Judá, axo chab'ej tzach javi yed' eb' vin̈ d'a tic, xchi vin̈.

A Ch'an̈ Schab'l Libro Samuel 3:27

Ayic ix jax vin̈aj Abner chi' d'a Hebrón, axo vin̈aj Joab chi' ix chaan vin̈ sjavi d'a spatiquel chon̈ab' chi', ix ic'jib'at vin̈ yuj vin̈ d'a stz'eyb'at sti' jun chon̈ab' chi', yic slolon eb' vin̈ ta' sch'ocoj. Ata' ix stipoch yespada vin̈aj Joab chi' d'a sc'ol vin̈, ix cham vin̈, yic syac'anec' spac vin̈ yuc'tac vin̈aj Joab chi'.

A Ch'an̈ Schab'l Libro Samuel 5:1

Ix lajvi chi', ix javi masanil eb' yin̈tilal Israel d'a vin̈aj David d'a Hebrón. Ix yalan eb' d'a vin̈ icha tic: A on̈ tic te ayto cuj co b'a ed'oc.

A Ch'an̈ Schab'l Libro Samuel 8:16

A eb' ix ac'an yajalil yed' vin̈, aton eb' tic: Vin̈aj Joab yune' ix Sarvia, yajal vin̈ d'a eb' soldado smasanil, vin̈aj Josafat yuninal vin̈aj Ahilud, tz'ib'um yaj vin̈ d'a vin̈ rey chi'.

A Ch'an̈ B'ab'el Libro Yic Yab'ixal Eb' Rey 19:2

Yuj chi', ix schecanb'at jun schecab' ix d'a vin̈aj Elías chi', ix yalanb'at ix icha tic: Aocab' eb' dios tz'ac'ancot yaelal d'a vib'an̈ tato manto ach cham vuuj yab' icha tic q'uic'an, icha ix utej a milancham eb' vin̈ schecab' in diosal chi', xchi ix.

1 Cr 12:18

Ix och Yespíritu Dios d'a vin̈aj Amasai yajalil eb' vin̈ 30 soldado b'inajnac, yuj chi' ix yal vin̈ icha tic: Scac' val och co b'a ed'oc ach David yuninal vin̈aj Isaí. A ach tic yed' eb' ayoch ed'oc, vach'n̈ej ol aj eyelc'ochi, yujto a co Diosal scolvaj val ed'oc, xchi vin̈ d'a vin̈aj David chi'. Yuj chi' ix chaji eb' vin̈ yuj vin̈aj David chi', ix ac'ji yopisio eb' vin̈ d'a scal eb' vin̈ yajalil eb' vin̈ soldado chi' yuj vin̈.

Rt 1:17

A b'aj ol ach chamoc, ata' ol in champaxoc, ata' ol in mucnajoc. Yac'ocab' in yaelal Jehová tato tzach vactejcani, masanto a chamel ol ic'an co pojan co b'a, xchi ix Rut chi'.