A Ch'an̈ Schab'l Libro Samuel 18:32 - Chuj San Mateo Bible

³² Ix sc'anb'an vin̈ rey chi' d'a vin̈: —Xalpax vin̈aj quelem Absalón ¿vach'am sc'ol vin̈? xchi vin̈ rey chi'. Ix tac'vi vin̈ aj Etiopía chi': —Mamin rey, tzoc val cot d'a yib'an̈ masanil eb' ayoch ajc'olal d'ayach icha ix aj scot d'a yib'an̈ vin̈ chi', xchi vin̈.

Chuj San Sebastian Bible

³² Xlajw cha, sc'anb'n win rey chi 'ixtc 'a win etíope cha: —¿Ax win quelm Absalón wach' am sc'ojl win 'ix ela? xchi. —Comnoc wal 'icha x'aj slajw 'el jun quelm winc cha, 'ixta cab' pax tz'aj slajw 'el smasnil eb' xmeltzj 'och 'ajc'ojlal chi 'aych mamin rey, xchi win etíope cha.

A Ch'an̈ Schab'l Libro Samuel 18:32 ပူးပေါင်းရင်းမြစ်များ

A Ch'an̈ Schab'l Libro Samuel 18:21

Ix lajvi chi', ix yalan vin̈aj Joab d'a jun vin̈ soldado aj Etiopía: —Ixic, al d'a vin̈ rey tas ix il chi', xchi vin̈. Ix em n̈ojan vin̈ aj Etiopía chi' d'a yichan̈ vin̈aj Joab chi', ix b'at lemnaj vin̈ yal d'a vin̈ rey chi'.

A Ch'an̈ Schab'l Libro Samuel 18:29

—¿Vach'am sc'ol vin̈aj Absalón ix ila'? xchi vin̈ rey chi'. Ix tac'vi vin̈aj Ahimaas chi' icha tic: —Toxon̈ej somsoman anima yic ix in checjicot yuj vin̈ a checab' aj Joab, majxo vab'i tas ix uji, xchi vin̈.

Salmos 109:20

Mamin Jehová, ichaocab' tic tzutej eb' ayoch ajc'olal d'ayin, aton eb' tz'alan in pecal.

Dn 4:16

Ol ixtaxel spensar. Lajanxo ol aj spensar icha spensar noc' noc'. A jun macan̈ yaelal chi', uque' ab'il ol yac'a'.

Dn 4:19

Axo vin̈aj Daniel chi', aton vin̈ scuchpax Beltsasar, quen am man̈ junoc hora ix can numan vin̈. Ix somchajq'ue spensar vin̈, palta ix valan d'a vin̈: Beltsasar, man̈ ac' pensar yuj jun in vayich chi' yed' tas syalelc'ochi, xin chi. Ix yalan vin̈ d'ayin: Ay mamin rey, comonoc val d'a yib'an̈ eb' ayoch ajc'olal d'ayach ol em tas syalelc'och jun a vayich tic.

Jueces 5:31

Mamin Jehová, ichocab' chi' tz'aj satel eb' ayoch ajc'olal d'ayach. Axo eb' tzach xajanani, lajanocab' eb' icha scopopial yoc c'u, xchi ix Débora yed' vin̈aj Barac d'a sb'it chi'. Ayic ix lajvican jun oval chi', 40 ab'il man̈xalaj oval.

A Ch'an̈ B'ab'el Libro Samuel 25:26

Palta jun, a Jehová ix ach cachan vanajoc ayic d'in̈an a milancham anima yuj a pactzitan schucal eb' d'a a patic. Elocab' d'a sc'ol Jehová to a eb' ayoch ajc'olal d'ayach yed' eb' snib'ej tzach ixtani, cotocab' d'a yib'an̈ eb' icha val tz'aj scot d'a yib'an̈ vin̈aj Nabal chi'.