A Ch'an̈ Schab'l Libro Samuel 18:29 - Chuj San Mateo Bible

²⁹ —¿Vach'am sc'ol vin̈aj Absalón ix ila'? xchi vin̈ rey chi'. Ix tac'vi vin̈aj Ahimaas chi' icha tic: —Toxon̈ej somsoman anima yic ix in checjicot yuj vin̈ a checab' aj Joab, majxo vab'i tas ix uji, xchi vin̈.

Chuj San Sebastian Bible

²⁹ —¿Wach' am sc'ojl win quelm Absalón 'ix ela? xchi win rey cha. —A yic in schecn cot Joab, win a checab', toxn̈ej tzsomlji eb' 'anma xwila, yuj cha, man̈ wojcoc tas 'ix uji, xchi win Ahimaas cha.

A Ch'an̈ Schab'l Libro Samuel 18:29 ပူးပေါင်းရင်းမြစ်များ

A Ch'an̈ Schab'l Libro Samuel 18:22

Ix yalanpax vin̈aj Ahimaas d'a vin̈aj Joab chi': —Eloc val d'a a c'ool, cha in b'at d'a spatic vin̈ aj Etiopía chi', xchi vin̈. Ix tac'vipax vin̈aj Joab chi' icha tic: —¿Tas val yuj tza nib'ej tzach b'ati? ¿Toc ay tas ol ic' d'a jun lolonel chi'? xchi vin̈.

A Ch'an̈ Schab'l Libro Samuel 18:30

Ix lajvi chi' ix yalan vin̈ rey chi' d'a vin̈: —B'esec' jab'oc a b'a d'a chi', tzach can ta', xchi vin̈. Ix sc'anab'ajan vin̈ yochcan lin̈an ta'.

A Ch'an̈ Schab'l Libro Samuel 18:32

Ix sc'anb'an vin̈ rey chi' d'a vin̈: —Xalpax vin̈aj quelem Absalón ¿vach'am sc'ol vin̈? xchi vin̈ rey chi'. Ix tac'vi vin̈ aj Etiopía chi': —Mamin rey, tzoc val cot d'a yib'an̈ masanil eb' ayoch ajc'olal d'ayach icha ix aj scot d'a yib'an̈ vin̈ chi', xchi vin̈.

A Ch'an̈ Schab'l Libro Samuel 20:9

Ix syaman xil sti' vin̈aj Amasa chi' vin̈ yed' svach' c'ab' yic stz'ub'anelta sti' vin̈ vin̈, ix sc'anb'an vin̈ d'a vin̈: —¿Vach' am ix ach ajelc'och vuc'tac? xchi vin̈aj Joab chi'.

A Ch'an̈ Schab'il Libro Yic Yab'ixal Eb' Rey 4:26

Ixic b'at cha ix, tza c'anb'an d'a ix tato vach' sc'ol ix yed' vin̈ yetb'eyum yed' vin̈ nene' unin, xchi vin̈. Ix b'at vin̈ scha ix. Ix sc'anb'an vin̈ d'a ix, ix yalan ix to vach' sc'ol eb'.