A Ch'an̈ Schab'l Libro Samuel 18:22 - Chuj San Mateo Bible

²² Ix yalanpax vin̈aj Ahimaas d'a vin̈aj Joab chi': —Eloc val d'a a c'ool, cha in b'at d'a spatic vin̈ aj Etiopía chi', xchi vin̈. Ix tac'vipax vin̈aj Joab chi' icha tic: —¿Tas val yuj tza nib'ej tzach b'ati? ¿Toc ay tas ol ic' d'a jun lolonel chi'? xchi vin̈.

Chuj San Sebastian Bible

²² Xlajw cha, 'ix jaw win Ahimaas yal jun 'ejm xo 'ixtc 'a Joab: —'El cab' wal 'a a c'ojol, to tzin a chaj 'at yet' win etíope cha, xchi. —¿Tas wal yuj tza nib'j tzach 'at yet' winac? ¿tom 'ay jac tas 'oj ac' ganar yic tz'at alnc jun 'ab'x cha? xchi Joab.

A Ch'an̈ Schab'l Libro Samuel 18:22 ပူးပေါင်းရင်းမြစ်များ

A Ch'an̈ Schab'l Libro Samuel 18:21

Ix lajvi chi', ix yalan vin̈aj Joab d'a jun vin̈ soldado aj Etiopía: —Ixic, al d'a vin̈ rey tas ix il chi', xchi vin̈. Ix em n̈ojan vin̈ aj Etiopía chi' d'a yichan̈ vin̈aj Joab chi', ix b'at lemnaj vin̈ yal d'a vin̈ rey chi'.

A Ch'an̈ Schab'l Libro Samuel 18:23

—Malaj yelc'ochi, vach'chom malaj tas svic' d'ay, palta ol in b'at lemnajoc, xchi vin̈. —Ixic an, xchi vin̈aj Joab chi'. Val d'a jun rato chi' ix b'at lemnaj vin̈aj Ahimaas chi' d'a jun ac'lic, ix b'ab'laj vin̈ yuj vin̈ aj Etiopía chi'.

A Ch'an̈ Schab'l Libro Samuel 18:29

—¿Vach'am sc'ol vin̈aj Absalón ix ila'? xchi vin̈ rey chi'. Ix tac'vi vin̈aj Ahimaas chi' icha tic: —Toxon̈ej somsoman anima yic ix in checjicot yuj vin̈ a checab' aj Joab, majxo vab'i tas ix uji, xchi vin̈.

A Ch'an̈ B'ab'el Libro Yic Yab'ixal Eb' Rey 11:22

Stac'vi vin̈ rey chi' d'a vin̈ icha tic: —¿Tas yuj tza nib'ej tzach meltzaj d'a a chon̈ab' chi'? ¿Tom ay tas syac' palta d'ayach vuuj? xchi vin̈. Stac'vi vin̈aj Hadad chi': —Tz'acan yaj masanil d'ayin uuj, palta tzin tevi d'ayach to tzin a cha meltzajoc, xchi vin̈. Yuj chi' chaji meltzaj vin̈ yuj vin̈ rey chi'. A vin̈aj Hadad chi' ix och ajc'olal d'a vin̈aj Salomón chi'.

Ro 1:28

Yujto malaj sgana eb' ay yelc'och Dios d'a sat, yuj chi' tz'actajcan eb' yuj Dios chi', yic svach' juviel spensar eb'. Yuj chi' svach' c'ulejn̈ej juntzan̈ tas eb' man̈ smojoc.

Ef 5:4

An̈ejtona', max yal calan juntzan̈ tas q'uixvub'tac yalji, ma juntzan̈ chucal lolonel. Yujto a juntzan̈ chi', man̈ smojoc calani. Aocab' ac'oj yuj diosal scac' d'a Dios d'a yichan̈ to scala'.