A Ch'an̈ Schab'l Libro Samuel 18:10 - Chuj San Mateo Bible

¹⁰ C'ocb'il val ay jun vin̈ soldado ix ilani, ix b'at yalan vin̈ d'a vin̈aj Joab icha tic: —Locancan vin̈aj Absalón d'a scal sc'ab' jun te' mach' ix vila', xchi vin̈.

Chuj San Sebastian Bible

¹⁰ Ax x'aji, 'ay jun win soldado chi xyil sb'a 'a win Absalón cha, 'ix 'at yalnc 'a Joab 'ixtic: —'Ix 'ilchj win Absalón wu'uj, t'un̈n can sjolm win 'a sc'ab' jun te ma'ach', xchi.

A Ch'an̈ Schab'l Libro Samuel 18:10 ပူးပေါင်းရင်းမြစ်များ

Gn 12:6

Ix cotn̈ej vin̈ d'a yol yic Canaán chi' masanto ix javi vin̈ d'a Siquem b'aj ay jun te' ji d'a yol yic More. A jun te' chi' chajul yuj eb' cananeo cajan ta'.

A Ch'an̈ Schab'l Libro Samuel 18:11

Ix tac'vi vin̈aj Joab chi' d'a vin̈: —Tato ix il icha chi', ¿tas yuj maj a vach' milejcham vin̈? Tato icha chi', yovalil svac' spac d'ayach, svac'an lajun̈eoc ciclo plata d'ayach yed' jun nivan tzec'ul, xchi vin̈.

A Ch'an̈ Schab'l Libro Samuel 18:9

Ayq'ue vin̈aj Absalón chi' d'a yib'an̈ jun noc' smula. Ayic ix schalan sb'a vin̈ yed' eb' soldado vin̈aj rey David chi', ix meltzaj vin̈ d'a spatic. Axo ix aji, a d'a yalan̈ sc'ab' jun te' mach' ix ec' n̈icnaj noc'. Ix can n̈ac'naj sjolom vin̈ d'a scal xachul te' sc'ab' chi', ix can locan vin̈, axo noc' chej chi' ix b'atn̈ej noc'.

A Ch'an̈ Schab'l Libro Samuel 21:6

A eb' ucvan̈ chi' ol co milcham eb', ol cac'anq'ue locan eb' d'a yichan̈ Jehová d'a Gabaa d'a schon̈ab' vin̈aj Saúl chi', aton vin̈ sic'nacoch Jehová reyal, xchi eb'. Ix stac'vej vin̈aj rey David chi' yac'an d'a eb'.

Job 31:3

¿Tom man̈oc d'a eb' chuc yed' d'a eb' b'aj malaj yelc'och Dios sjavi yaelal?

Gl 3:13

Ay ton cot yoval sc'ool Dios d'a quib'an̈ yuj jun ley chi', palta a Cristo ix on̈ colanel d'a yol sc'ab' yoval sc'ool chi', yujto schanac och yoval sc'ool Dios chi' d'a yib'an̈ co q'uexuloc. Yujto syal d'a Slolonel Dios chi': A junoc mach sd'un̈b'ajq'ue d'a te te', ay val cot yoval sc'ool Dios d'a yib'an̈, xchi.