A Ch'an̈ Schab'l Libro Samuel 16:2 - Chuj San Mateo Bible

² Ix sc'anb'an vin̈ rey chi' d'a vin̈: —¿Tas juntzan̈ ed'nac chi'? xchi vin̈. Ix tac'vi vin̈aj Siba chi': —Mamin rey, a noc' b'uru tic ol cuchan eb' al uninal. Axo ixim pan yed' sat te te' sloji tic, yic eb' a soldado yaji, axo pax vino tic ol yuq'uej eb' sc'unb'i sb'ey b'aj cuseltacxo tic, xchi vin̈.

Chuj San Sebastian Bible

² 'Ix yaln win rey chi 'ixtc 'a win Siba cha. —¿Tas yuj et' jun tzo'n̈ tic? xchi winac. —A e no b'uru tic, scuchmal eb' onnal yaj e no'; ax 'ixm pan tic yet' te lob'tzal te tic, a eb' a checb' ajun et' tic, a eb' 'oj c'uxnoc, ax te yal uva tic, yic eb' tzc'unb'i, eb' tztacj sti sb'ey 'a lum cusltac lum tic, a eb' tz'u'ni, xchi win Siba cha.

A Ch'an̈ Schab'l Libro Samuel 16:2 ပူးပေါင်းရင်းမြစ်များ

Gn 21:29

Yuj chi' ix sc'anb'an vin̈aj Abimelec chi': —¿Tas yuj tziq'uelta noc' calnel chi'? xchi vin̈.

Gn 33:8

Ix sc'anb'an vin̈aj Esaú d'a vin̈aj Jacob chi' icha tic: —¿Tas tza na d'a yib'an̈ juntzan̈ noc' noc' ix in cha d'a yol b'e? xchi vin̈. —Ic yaj noc' smasanil yic tz'och junc'olal d'a co cal, xchi vin̈aj Jacob chi'.

A Ch'an̈ Schab'l Libro Samuel 15:1

Ayic ix ec' jun tiempoal, ix aj jun scarruaje vin̈aj Absalón stoc'ji yuj noc' chej, ix sayan 50 eb' soldado vin̈ yic stan̈vaj vin̈ yuj eb'.

A Ch'an̈ Schab'l Libro Samuel 15:23

Masanil anima, ayic ix yilan eb' sb'at vin̈ rey chi' yed' eb' soldado, ix te oc' eb' sic'lab'il. Ix ec' eb' anima van yel chi' d'a yol a' Cedrón, ix b'at eb' d'a sb'eal lum luum cuseltacxo.

A Ch'an̈ Schab'l Libro Samuel 17:29

yed'nacpax noc' yal chab' eb' vin̈, noc' queso, noc' crema yed' pax noc' calnel. Masanil juntzan̈ chi' ix yic'b'at eb' vin̈ yab'lej vin̈aj rey David yed' masanil eb' ajun yed' vin̈. Yujto spetoj vin̈ yed' masanil eb' anima chi' d'a tz'inan luum, yuj chi' ix sna eb' vin̈ icha tic: Tecan c'unb'inac yaj eb', tzam tacjilaj sti' eb', tzam ochpaxlaj svejel eb', xchi eb' vin̈.

A Ch'an̈ Schab'l Libro Samuel 19:26

Ix tac'vi vin̈aj Mefi-boset chi': —Mamin rey, yujto chuclaj voc, yuj chi' ix val d'a vin̈ in checab' aj Siba to syac'och stz'um noc' in b'uru vin̈, tzin q'ue d'a yib'an̈ noc' yic tzin b'at ed'oc valani, palta ix smusej in sat vin̈.

Ez 37:18

Tato ol sc'anb'ej eb' etchon̈ab' d'ayach icha tic: Al d'ayon̈ tas syalelc'och jun tza ch'ox tic, ta xchi eb',

Jueces 10:4

A vin̈aj Jair chi', 30 eb' vin̈ yuninal vin̈, yib'an̈n̈ej noc' b'uru tz'ec' junjun eb' vin̈ yuninal vin̈ chi'. Ay junjun schon̈ab' eb' vin̈ d'a yol smacb'en Galaad chi'. A yuj 30 schon̈ab' eb' vin̈ chi', ix b'inajcan icha tic: A juntzan̈ schon̈ab' vin̈aj Jair, xchi.

Jueces 5:10

Ex nivac vinac tzex q'ue d'a yib'an̈ noc' sacsac b'uru te vach' stz'aam ayq'uei, alec tas ix sc'ulej Jehová. Alecpax a ex tzex b'eyi.

A Ch'an̈ B'ab'el Libro Samuel 14:28

Ix yalan jun vin̈ soldado d'a vin̈: —A vin̈ a mam ix yal vin̈ d'ayon̈ icha tic: Tato ay junoc mach ay jab'oc tas syab'lej, catab'ajocab'cani, yuj chi' lajanxon̈ej yel quip co masanil, xchi jun vin̈ soldado chi'.

A Ch'an̈ B'ab'el Libro Samuel 25:27

Axo ticnaic jun, tzin tevi d'ayach to a jab' silab' svic'cot tic d'ayach, tza pucb'at d'a eb' vin̈ a checab' ajun tic ed'oc.