A Ch'an̈ Schab'l Libro Samuel 16:10 - Chuj San Mateo Bible

¹⁰ Ix yalan vin̈ rey chi': —Malaj eyalan eyic d'a jun vin̈ tic a ex yune' ex ix Sarvia tic. Tato tzin sb'aj vin̈, a am Jehová tz'ac'an yal vin̈. Tato icha chi', malaj mach syal scachanoch vaan vin̈, xchi vin̈ rey chi'.

Chuj San Sebastian Bible

¹⁰ 'Ix ta'w win rey chi 'ixtic: —A jun tic, may eyaln eyic ax yune ex Sarvia tic 'a 'a. A jun 'ixta in sb'ajn cha, tecn a Jehová tz'a'n yala'. Toto 'ixta', ¿mach wal junc 'oj stac' stenn 'och wa'an? xchi.

A Ch'an̈ Schab'l Libro Samuel 16:10 ပူးပေါင်းရင်းမြစ်များ

Gn 50:20

A ex val tic, te chuc e pensar, ix e c'ulan juntzan̈ chuc pensaril chi' d'ayin, palta a Dios ix q'uexan jun e chuc pensaril chi' d'a vach'il, yic tzijtum eb' anima scolchajeli, ichaton van quilan tic.

A Ch'an̈ Schab'l Libro Samuel 19:22

Ix tac'vi vin̈ rey chi' icha tic: —¿Tas val eyoch a ex yune' ex ix Sarvia tic d'a jun lolonel tic? Man̈xo eyac' somchaj in c'ool. A ticnaic vojtacxo to ol in ochxoc sreyaloc eb' vetisraelal, yuj chi' malaj junoc mach syal scham d'a yol co chon̈ab' tic ticnaic, xchi vin̈.

A Ch'an̈ Schab'l Libro Samuel 19:23

Ix yalan vin̈ rey chi' d'a vin̈aj Simei chi' icha tic: —Svac' in ti' d'a yichan̈ Jehová to man̈ ol ach in mil-laj, xchi vin̈.

A Ch'an̈ Schab'l Libro Samuel 3:39

Yuj chi' vach'chom a Dios ix in sic'anoch reyal, palta ste el vip svab' yuj schuc spensaril eb' vin̈ yune' ix Sarvia. Aocab' Jehová ol ac'an spac d'a jun mach ix c'ulan chucal tic, xchi vin̈.

A Ch'an̈ B'ab'el Libro Yic Yab'ixal Eb' Rey 17:18

Ix yalan ix d'a vin̈aj Elías chi' icha tic: —Ach schecab' Dios, ¿tas alan ic d'ayin? ¿Tom yuj snachajcot in mul yed' scham tzun vune' tic, yuj chi' ach javi? xchi ix.

A Ch'an̈ B'ab'el Libro Yic Yab'ixal Eb' Rey 2:5

Ojtacxo tas ix in yutej vin̈aj Joab yune' ix Sarvia, ix smilcham chavan̈ eb' vin̈ yajalil eb' soldado quetisraelal vin̈: Aton vin̈aj Abner yuninal vin̈aj Ner yed' vin̈aj Amasa yuninal vin̈aj Jeter. Man̈oclaj d'a scal oval ix miljicham eb' vin̈ yuj vin̈, palta ichato d'a oval chi' ix cham eb' vin̈. Ichato ix b'on̈chajb'at stzec'ul vin̈ yed' xan̈ab' yuj schiq'uil eb' vin̈.

A Ch'an̈ Schab'il Libro Yic Yab'ixal Eb' Rey 18:25

An̈ejtona', ¿tom tza na' to tzon̈ comon javi co satel jun chon̈ab' tic tato man̈oc Jehová ayoch qued'oc? Aton val ix on̈ checancot ul ex co sateli.

Job 9:12

Tato ay tas syiq'uec' d'a junoc mach, ¿mach syal scachanoch vaan? ¿mach syal sc'anb'an d'ay tas sc'ulej?

Salmos 39:9

Icha val eb' max ujilaj sloloni, icha chi' ix vutej in b'a. Man̈xalaj tas ix elta d'a in ti', yujto a ach tic ix ac'och juntzan̈ tic d'ayin.

Ec 8:4

An̈ej vin̈ rey chi' syal yalan slajvub' junoc lolonel, malaj mach syal sc'anb'an yab'i tas sc'ulej vin̈.

Lm 3:37

Max elc'ochlaj tas sco na' tato man̈oc Jehová tz'alani.

Dn 4:35

A d'a yichan̈, malaj val jab'oc tas syal yuj eb' cajan d'a sat luum tic. Sc'ulejn̈ej tas snib'ej d'a scal eb' ayec' d'a satchaan̈ yed' d'a scal eb' cajan d'a sat luum tic. Malaj mach syal syamanoch vaan sc'ab' syalan d'ay, ¿tas yuj icha chi' tza c'ulej? man̈ xchioc.

Mt 16:23

Palta ix och val q'uelan Jesús d'a vin̈, ix yalani: —Elan̈ d'a in stz'ey ach Satanás, yujto a gana tzac' somchajel in pensar. Man̈oclaj juntzan̈ tas yic Dios b'aj tzac'och a pensar. An̈ej juntzan̈ yic anima tza na'a, xchi d'a vin̈.

Mt 8:29

Ix q'ue yav eb' vin̈ d'a Jesús: —Ach Yuninal Dios, ¿tas och d'ayon̈? ¿Tom tzach ja ac'och yaelal d'a quib'an̈ yacb'an manto c'och stiempoal? xchi eb' d'ay.

Jn 18:11

Axo ix yalan Jesús d'a vin̈aj Pedro chi': —Aq'uem q'uen espada chi' d'a yol yatut. ¿Tom man̈ ol vac' in b'a d'a jun yaelal syac'cot in Mam d'a vib'an̈ tic a naani? xchi d'a vin̈.

Ro 9:20

Palta max yal-laj calan icha chi'. Malaj junoc mach syal stelan sb'a yed' Dios. A junoc lum chen, ¿tom syal yalan luum icha tic d'a mach stz'acani, tas yuj icha tic tzin utej, tom xchi luum?

A Sb'ab'el Carta San Pedro 2:23

Ayic ix b'uchji, maj spaclaj sb'a. Ayic ix och d'a syaelal, maj yal-laj tato ol spac sb'a. An̈ej d'a yol scab' Dios ix yac'och sb'a, yujto an̈ejton jun Juez te tojol.

A Ch'an̈ B'ab'el Libro Samuel 26:19

Tzin tevi d'ayach to tza cha ab' tas ol vala': Tato a Jehová ix ach ac'anoch ajc'olal d'ayin, comonoc val tz'el d'a sc'ool schaan junoc silab' yic tzin yac'an nivanc'olal. Palta tato anima ay yic jun tic jun, aocab' Jehová scatab'ani. Yujto ix in spechel eb' d'a in macb'en d'a jun lum luum to yic Jehová yaji, icha val to tzin spechcanb'at eb' yic svac'an servil juntzan̈ comon dios.