A Ch'an̈ Schab'l Libro Samuel 15:7 - Chuj San Mateo Bible

⁷ Chan̈e' ab'il ix sc'ulej vin̈ icha chi', ix lajvi chi', ix yalan vin̈ d'a vin̈ rey chi' icha tic: —Mamin rey, tzin c'an d'ayach to tzin a chab'at d'a Hebrón, yic vach' tzin c'anab'ajej in ti' vac'nac d'a Jehová.

Chuj San Sebastian Bible

⁷ Ax yic xlajw chan̈e ab'il 'ixta xyutj sb'a win cha, 'ix yaln win Absalón chi 'ixtc 'a win rey cha: —Tzin tew 'ayach, to tzac' in permiso yic tzin 'at 'a chon̈b' Hebrón, sec tz'at wac' 'el'choc in ti wa'jnac 'a Jehová.

A Ch'an̈ Schab'l Libro Samuel 15:7 ပူးပေါင်းရင်းမြစ်များ

A Ch'an̈ Schab'l Libro Samuel 3:2

A eb' yuninal vin̈aj David ix alji d'a Hebrón, aton sb'i eb' tic d'a stzolal: Vin̈aj Amnón yune' ix Ahinoam aj Jezreel, vin̈aj Quileab, yune' ix Abigail, ix yetb'eyumcan vin̈aj xilb'a Nabal, aj Carmel, vin̈aj Absalón yune' ix Maaca yisil vin̈aj Talmai sreyal Gesur, vin̈aj Adonías yune' ix Haguit, vin̈aj Sefatías yune' ix Abital yed' vin̈aj Itream yune' ix Egla. Aton sb'i eb' ix yetb'eyum vin̈aj David tic yed' eb' yuninal ix alji ayic ayec' vin̈ d'a Hebrón.

Pr 21:27

Max schalaj sc'ool yofrenda eb' chuc Jehová, ocxom val eb' syac' yofrenda yed' schuc pensaril.

Is 58:4

Ayic tzex comon och d'a tzec'ojc'olal chi', an̈ej telajb'ail yed' oval tzeyac'a', tze mac'lan e b'a yuj e chuc pensaril. Tocval ol vab' e lesal d'a jun e tzec'ojc'olal tzeyac' chi'.

Mt 2:8

Ix lajvi yab'an vin̈, ix checjib'at eb' vin̈ yuj vin̈ d'a chon̈ab' Belén. Ayic manto b'at eb' vin̈, ix stz'acan yal vin̈ icha tic: —Ixiquec d'a Belén chi'. Cham val e c'anb'an eyab'i b'ajtil ayec' jun unin chi'. Slajvi schax chi' eyuuj, tzul eyalan d'ayin, yic ol in b'at vac'paxem in b'a d'ay, xchi vin̈.

Mt 23:13

A exxo tic ex c'ayb'um d'a ley Moisés yed' ex fariseo, te chuc eyico'. Chab' sat ex. Tze macoch vaan eb' anima, yic max och eb' d'a yol sc'ab' Dios aj satchaan̈. Max ex och a ex tic. Max e chapaxoch eb' sgana yochi.

A Ch'an̈ B'ab'el Libro Samuel 16:13

Ix lajvi chi', ix yic'ancot noc' sch'aac vin̈aj Samuel chi', aton b'aj ayem aceite. D'a yichan̈ eb' vin̈ yuc'tac vin̈ chi' smasanil ix yac'q'ue aceite vin̈aj Samuel chi' d'a sjolom vin̈. A vin̈ chi' David sb'i vin̈. Atax d'a jun c'u chi' ix och Yespíritu Jehová d'a vin̈. Axo yic ix lajvi sva eb', ix meltzajxi vin̈aj Samuel chi' d'a Ramá.