A Ch'an̈ Schab'l Libro Samuel 15:25 - Chuj San Mateo Bible

²⁵ Ix yalan vin̈ rey d'a vin̈aj Sadoc chi' icha tic: —Iq'uecxioch te' caxa d'a yol chon̈ab' tic. Tato ol och Jehová ved'oc, ol in meltzajxoc, ol vilanxioch te' yed' scajnub' Jehová.

Chuj San Sebastian Bible

²⁵ Palta xyaln win rey chi 'ixtc 'a Sadoc: —'Ij meltzjoc te scaxail strato Dios tic 'a yol chon̈b' cha. Toto 'oj 'och Jehová wet'oc, ax in yi'n meltzjoc, toto 'ixta', 'oj wilx c'och te 'a yol scajnub' cha.

A Ch'an̈ Schab'l Libro Samuel 15:25 ပူးပေါင်းရင်းမြစ်များ

A Ch'an̈ Schab'l Libro Samuel 6:17

Axo yic ix javi te' scaxail trato chi' yuj eb', ix sb'oanoch te' eb' d'a yol jun mantiado b'ob'il yuj vin̈aj David chi'. Ix lajvi chi' ix yalan vin̈ to sn̈usjitz'a silab' yed' pax silab' yic junc'olal yed' Jehová.

A Ch'an̈ Schab'l Libro Samuel 7:2

ix yalan vin̈ d'a vin̈aj Natán schecab' Jehová: —Tic tzila' to nab'a c'ute' ayoch d'a in palacio tic, axo pax te' scaxail strato Dios jun, a d'a yol jun mantiado ayoch te', xchi vin̈.

Salmos 122:1

Man̈xo jantacoc ix in tzalaj yed' eb' ix alan d'ayin icha tic: Con̈ d'a stemplo Jehová, xchi eb'.

Salmos 122:9

Yujto xajan scajnub' Jehová co Diosal vuuj, yuj chi' ol vac' vip in sayanec' tas tz'och svach'iloc Jerusalén tic.

Salmos 26:8

Mamin Jehová, tzin xajanej a templo b'aj cajan ach eq'ui. Ata' tz'alchajel snivanil elc'ochi.

Salmos 84:10

Yelxo val te vach' tzin aj junoc c'ual d'a slac'anil a cajnub', d'a yichan̈ pax mil c'ual najat ay in eli. In gana to tzin aj in tan̈vej spuertail a cajnub' chi' d'a yichan̈ to tzin aj d'a spat eb' sc'ulan chucal.

Ex 15:13

Yuj a nivan vach'c'olal tzon̈ a cuchb'an a on̈ a chon̈ab' on̈ ix a colcanel tic. Yed' a poder tzon̈ ic'anb'at d'a a cajnub' to ictaxon yaji.

Ex 33:12

Ix yalan vin̈aj Moisés chi' d'a Jehová: —Mamin Jehová, a ach ix al d'ayin to a in tzin cuchb'ej jun a chon̈ab' tic, palta maj al-laj d'ayin mach ol a chec colvaj ved'oc. Ix alani to ojtac in to ay a tzalajc'olal ved'oc alani.

Ex 33:13

Yuj chi', tato yel icha chi', ac' vojtaquejeli tas nab'il uuj, yic cham tzach vojtaquejeli, ol vac'ann̈ej tzalajb'oc a c'ool. Ojtac val to a jun chon̈ab' tzac'canoch d'a yol in c'ab' tic to a chon̈ab' yaji, xchi vin̈.

Is 38:22

Ix lajvi chi', ix sc'anb'an vin̈aj Ezequías chi' d'ayin icha tic: —¿Tas junoc yechel ol vila' yic ol nachajel vuj to a Jehová ol ac'an b'oxoc in c'ool, yic syal in b'at d'a stemplo? xchi vin̈.

Jeremías 25:30

Ach Jeremías, al masanil juntzan̈ lolonel tic d'a eb': A Jehová icha sc'an̈ c'u, icha chi' ol aj yavajemta d'a satchaan̈, aton d'a scajnub' to yicn̈ej yaji. Icha val yel yav eb' tec'umel yal uva, icha chi' ol aj yel yav scot yoval d'a masanil anima cajan d'a sat luum tic.

Jeremías 7:4

Man̈ eyac'och e pensar d'a eb' tz'esani, eb' tz'alan icha tic: Cojtac val to malaj tas ol on̈ ic'anoc, yujto ayec' scajnub' Jehová d'a tic, aton val stemplo tic, scomon chiej eb'.