A Ch'an̈ Schab'l Libro Samuel 15:21 - Chuj San Mateo Bible

²¹ Ix tac'vi vin̈aj Itai chi': —Mamin rey, svac' in ti' d'a yichan̈ Dios yed' d'a ichan̈, yaln̈ej b'aj ol ach c'ochoc, taxon̈ej tzon̈ chami, mato vach' tzon̈ aji, ol in b'atn̈ej ed'oc a in a checab' in tic, xchi vin̈.

Chuj San Sebastian Bible

²¹ 'Ix ta'w win Itai chi 'ixtc 'a win rey: —'A sat Jehová tzwaln 'aych mamin rey, tzann̈j 'aj 'oj a 'ati, 'oj in 'at et'oc, toxn̈ej wach' mto chamel, 'oj in 'atn̈j et'oc, xchi winac.

A Ch'an̈ Schab'l Libro Samuel 15:21 ပူးပေါင်းရင်းမြစ်များ

A Ch'an̈ Schab'l Libro Samuel 15:22

—Ichocab'ta', coyec, b'ab'lajan̈ec, xchi vin̈aj David chi'. Yuj chi' ix b'atn̈ej vin̈aj Itai chi' yed' eb' ajun yed' vin̈ rey chi'. Ajun eb' yuninal vin̈ rey chi' yed' eb' ix yetb'eyum vin̈.

A Ch'an̈ Schab'il Libro Yic Yab'ixal Eb' Rey 2:2

Ix yalan vin̈ d'a vin̈aj Eliseo chi' icha tic: —Canan̈ d'a tic, yujto tzin schecb'at Jehová d'a Betel, xchi vin̈. Ix tac'vi vin̈aj Eliseo chi': —Svac' in ti' d'ayach d'a yichan̈ Jehová to ol in b'atn̈ej ed'oc, xchi vin̈. Yuj chi' ix b'at eb' vin̈ schavan̈il d'a Betel chi'.

A Ch'an̈ Schab'il Libro Yic Yab'ixal Eb' Rey 2:4

Ix lajvi chi', ix yalanxi vin̈aj Elías chi' d'a vin̈aj Eliseo chi' icha tic: —Canan̈ d'a tic, yujto tzin schecb'at Jehová d'a Jericó, xchi vin̈. Ix tac'vixi vin̈aj Eliseo chi': —Svac' in ti' d'ayach d'a yichan̈ Jehová to ol in b'atn̈ej ed'oc, xchi vin̈. Yuj chi' ix b'atxi eb' vin̈ schavan̈il d'a Jericó chi'.

A Ch'an̈ Schab'il Libro Yic Yab'ixal Eb' Rey 2:6

Ix lajvi chi' ix yalanxi vin̈aj Elías chi' d'a vin̈aj Eliseo chi' icha tic: —Canan̈ d'a tic, yujto tzin schecb'at Jehová d'a a' Jordán, xchi vin̈. Ix tac'vixi vin̈aj Eliseo chi': —Svac' in ti' d'ayach d'a yichan̈ Jehová to ol in b'atn̈ej ed'oc, xchi vin̈. Yuj chi' ix b'atn̈ej eb' vin̈ schavan̈il.

A Ch'an̈ Schab'il Libro Yic Yab'ixal Eb' Rey 4:30

Ix yalan ix snun vin̈ unin chi': —Svac' in ti' d'ayach d'a yichan̈ Jehová to max in b'at d'a tic tato max ach b'at ved'oc, xchi ix.

Pr 17:17

A eb' vach' yac'antaxon qued'oc, ayn̈ejoch eb' qued'oc. Ayic ay co yaelal, icha val co c'ab' coc syutej sb'a eb' d'ayon̈.

Pr 18:24

Tato te ay camigo, ay smay tzon̈ ixtaxel yuj eb'. Palta ay pax eb' camigo yelxo te vach' d'a yichan̈ eb' co c'ab' coc.

A Tas Sc'ulejnac Eb' Schecab' Jesús Hechos 11:23

Axo ix c'och vin̈, ix yilan vin̈, te nivan svach'c'olal Dios ix yac' d'a eb'. Yuj chi' ix te tzalaj vin̈ yuj eb'. Ix ac'ji stec'anil eb' yuj vin̈. Ix yalan vin̈ to tec'an syutej sb'a eb', syac'anpax och spensar eb' d'a Cajal Jesús d'a masanil tiempo.

A Tas Sc'ulejnac Eb' Schecab' Jesús Hechos 21:13

Palta ix yal vin̈ d'ayon̈: —¿Tas yuj tzex oq'ui? ¿Tas yuj tzeyac'och in cusc'olal? Malaj yelc'ochi tato tzin stzec' eb'. Vach'chom tzin smilcham eb' d'a Jerusalén chi' yujn̈ej valanel yab'ixal Cajal Jesús, ol in b'ecn̈ej in b'a d'a yol sc'ab' eb', xchi vin̈.

2 Co 7:3

Man̈ yujoc vac'anoch junoc tas d'a eyib'an̈ svalanb'at juntzan̈ tic d'ayex. Yujto toxo ix val d'ayex to te naan ex cuuj. Yuj chi', vach'chom pitzan on̈, mato tzon̈ chami, palta junn̈ej caj eyed'oc.

A Ch'an̈ B'ab'el Libro Samuel 20:3

Ix och ijan vin̈aj David chi' yalani: —Yojtac vin̈ a mam chi' to te vach' cac'ani, yuj chi' max yal-laj vin̈ d'ayach, max yal-laj sc'ol vin̈ tzojtaquejeli, yic max ach cusi. Palta yojtacxo Jehová to ayxo och chamel d'a vib'an̈, xchi vin̈.

A Ch'an̈ B'ab'el Libro Samuel 25:26

Palta jun, a Jehová ix ach cachan vanajoc ayic d'in̈an a milancham anima yuj a pactzitan schucal eb' d'a a patic. Elocab' d'a sc'ol Jehová to a eb' ayoch ajc'olal d'ayach yed' eb' snib'ej tzach ixtani, cotocab' d'a yib'an̈ eb' icha val tz'aj scot d'a yib'an̈ vin̈aj Nabal chi'.