A Ch'an̈ Schab'l Libro Samuel 14:32 - Chuj San Mateo Bible

³² Ix tac'vi vin̈aj Absalón chi' d'a vin̈: —Ix ach vavtej, yic sb'at a c'anb'ej d'a vin̈ rey tas yuj ix b'at in cot d'a chon̈ab' Gesur. Te vach' ama, tato ix in canxon̈ej ta'. In gana svil vin̈ rey chi'. Tato ay in mul, syal in smilancham vin̈, xchi vin̈.

Chuj San Sebastian Bible

³² 'Ix ta'w Absalón 'ixtc 'a Joab: —Ach 'at wa' cotoc, sec tz'at a c'anb'c 'a win rey tas yuj in 'at paxtc 'a chon̈b' Gezur. Q'uinloc ma'ay, yel xo am wach' ata 'ayn 'ec' ta'. A ticnec tzin nib'j wil in b'a yet' win rey, toto 'ay mach 'aj 'ay in mul, tztac' cab' in chami, xchi winac.

A Ch'an̈ Schab'l Libro Samuel 14:32 ပူးပေါင်းရင်းမြစ်များ

Gn 3:12

Ix tac'vixi vin̈ icha tic: —A ix ix, ix ac' vetb'eyumoc, a ix, ix ac'an te' d'ayin, yuj chi' ix in lo te', xchi vin̈.

A Ch'an̈ Schab'l Libro Samuel 13:37

Axo vin̈aj Absalón chi', ix b'atcan vin̈ elelal. A d'a vin̈aj Talmai yuninal vin̈aj Amiud sreyal Gesur ix c'ochcan vin̈. Oxe' ab'il ix can vin̈ ta'. Axo pax vin̈aj rey David chi', junjun c'u ix oc' vin̈ yuj schamel vin̈ yuninal.

A Ch'an̈ Schab'l Libro Samuel 14:31

Ix b'at vin̈aj Joab d'a spat vin̈aj Absalón chi', ix yalan vin̈: —¿Tas yuj ix a checb'at eb' a checab' sn̈ustz'a tas avab'il vuuj? xchi vin̈.

Salmos 36:2

Yujto syaloch sb'a eb' vach'il, man̈ ojtacab'iloc smul eb' chi' snaani. Max snalaj eb' yactejcan schucal chi'.

Ex 14:12

Ixto cal d'ayach ayic ayon̈to ec' ta' to man̈ iq'uec' tiempo d'ayon̈. B'ecan co c'ol co munlaj d'a eb' aj Egipto chi'. Yelxo val vach' to d'a eb' aj Egipto chi' tzon̈ munlajn̈ej, d'a yichan̈ pax to d'a lum tz'inan lum tic tzul on̈ chamoc, xchi eb'.

Ex 16:3

Ix yalan eb' icha tic: —Comonoc ix el d'a sc'ol Dios to a d'a Egipto on̈ chamcani. Ata' tzon̈ em c'ojan d'a stz'ey lum chenal chib'ej, tzon̈ va'i, masanto tzon̈ te b'ud'ji. Palta a exxo tic ix on̈ eyic'cot d'a taquin̈ luum tic yic tzon̈ cham co masanil yuj vejel, xchi eb'.

Ex 17:3

Palta axo eb' chon̈ab' yelc'olal scham eb' yuj taquin̈tial, yuj chi' ix q'ue yav eb' d'a vin̈aj Moisés chi', ix yalan eb': —¿Tas yuj ix on̈ iq'uelta d'a Egipto? ¿Tom yuj co cham yuj taquin̈tial yed' eb' cuninal yed' pax noc' co molb'etzal noc'? xchi eb'.

Pr 28:13

A eb' sc'ub'ejel smul, man̈ vach'oc tz'elc'och eb'. Axo eb' syalq'ueta smul jun, syactanpaxcan eb', tz'ac'ji nivanc'olal eb'.

Jeremías 8:12

Max q'uixvi eb' sc'ulan juntzan̈ tas max techaj vilani. Malaj jab'oc sq'uixvelal eb', man̈ yojtacoc eb' tas jun q'uixvelal chi'. Yuj chi', a in val Jehová in svala', a val yic ol vac'an syaelal eb', ol satcanel eb', xchi Jehová, xa chi.

Mt 25:44

Yuj chi', icha tic ol yal eb' d'ayin: Mamin, ¿b'ac'n̈i ix ach quila' ayic ix och a vejel, ayic ix tacji a ti' chi', ayic ix ach b'eyeq'ui, ayic malaj a pichul chi', ayic penaay ach, ayic preso aji? ¿Tom ay b'aj maj on̈ colvaj d'ayach? xcham eb' d'ayin.

Ro 3:19

Cojtac to a jantacn̈ej tas tz'ib'ab'ilcan d'a ley, a tz'alan d'a eb' ayoch d'a yol sc'ab', yic vach' malaj junoc mach syal scolan sb'a. Palta ol ch'olb'itaj eb' anima smasanil yuj Dios.

A Ch'an̈ B'ab'el Libro Samuel 15:13

Yuj chi' ix b'at vin̈aj Samuel chi' ta'. Axo ix c'och vin̈, ix yalan vin̈aj Saúl chi' d'a vin̈ icha tic: —Yac'ocab' svach'c'olal Jehová d'a ib'an̈. Toxo ix in c'anab'ajej tas ix yala', xchi vin̈.

A Ch'an̈ B'ab'el Libro Samuel 20:8

Ina to toxo ix cac' co ti' d'a yichan̈ Jehová to vach' cac'ani, yuj chi' tzin c'an jun tic d'ayach. Palta tato yel ay in mul, syal in a milanchamoc, man̈ yovaliloc tzin ic'b'at d'a yichan̈ vin̈ a mam chi', xchi vin̈.