A Ch'an̈ Schab'l Libro Samuel 14:22 - Chuj San Mateo Bible

²² Yuj chi' ix em n̈ojan vin̈aj Joab chi' d'a yichan̈ vin̈ rey chi' d'a sat luum, yuj sch'oxanel vin̈ to nivan yelc'och vin̈ rey chi' d'a sat vin̈. Ix yalan vach' lolonel vin̈ d'a vin̈ rey chi' icha tic: —A ticnaic mamin rey, ix nachajel vuuj to ay velc'och d'ayach, yujto ix a cha ab' tas tzin nib'ej ix val d'ayach, xchi vin̈.

Chuj San Sebastian Bible

²² Ax Joab, 'ix 'em n̈ojn 'a sat lum 'a yojltac win rey cha, yic tzch'oxn 'el syiclumal, 'ix yaln swach' paxti 'ixtc 'a winac: —A ticnec mamin rey, 'ix wojquej 'eli to 'ay wel'ch 'ayach, yujto 'ix a chaj ab' tas tzin nib'j wal 'ayach, xchi winac.

A Ch'an̈ Schab'l Libro Samuel 14:22 ပူးပေါင်းရင်းမြစ်များ

Gn 47:7

Ix yic'anpaxb'at vin̈ smam vin̈aj José d'a yichan̈ vin̈ rey chi', yic vach' tz'ojtacajel vin̈ yuj vin̈. Ichato chi' ix yac'an stzatzil sc'ol vin̈ rey chi' vin̈aj Jacob chi'.

Gn 6:8

An̈ej val vin̈aj Noé vach' d'a yichan̈ Jehová.

A Ch'an̈ Schab'l Libro Samuel 14:21

Yuj chi' ix avtaj vin̈aj Joab chi' yuj vin̈ rey chi': —Toxo ix in na'a, elocab'c'och icha tas tza nib'ej chi'. Ixic, b'at ic' meltzaj vin̈aj quelem Absalón chi', xchi vin̈ rey chi' d'a vin̈.

A Ch'an̈ Schab'l Libro Samuel 14:23

Ix lajvi chi', ix b'at vin̈aj Joab chi' d'a chon̈ab' Gesur yic b'at yic'anxicot vin̈aj Absalón chi' vin̈, yic sjax vin̈ d'a Jerusalén.

A Ch'an̈ Schab'l Libro Samuel 14:4

Ix b'at ix d'a yichan̈ vin̈ rey chi', ix em n̈ojan ix d'a sat luum yuj sch'oxanel yemnaquilal ix d'a vin̈, ix yalan ix: —Mamin rey, colvajan̈ ved'oc, xchi ix.

A Ch'an̈ Schab'l Libro Samuel 19:39

Masanil eb' ajun yed' vin̈ rey chi', ix c'axpajec'ta eb' d'a yol a' Jordán, ix c'axpajpaxec' vin̈ rey chi', ix stz'ub'ancanelta sti' vin̈aj Barzilai chi' vin̈, ix yalan vach' lolonel vin̈ d'a yib'an̈ vin̈, ix paxcan vin̈ d'a spat.

Nehemías 11:2

Ix lajvi chi', ix yalan vach' lolonel eb' chon̈ab' d'a yib'an̈ eb' b'ecan sc'ol scajnaj d'a Jerusalén chi'.

Job 29:11

Ayic tzin yilan eb', syab'an eb' tas svala', syalan vach' lolonel eb' d'a in patic,

Job 31:20

axo xil noc' in calnel svac' b'ojoc, svac'anoch sq'uixinaloc eb'. Yuj chi' syac' yuj diosal eb' d'ayin.

Pr 31:28

A eb' yune' ix yed' vin̈ yetb'eyum, syal vach' lolonel eb' d'a ix, syalan eb' icha tic:

Rt 2:2

Ix yal ix Rut chi' d'a ix Noemí icha tic: —Tzin tevi d'ayach, comonoc tzin a chab'ati, b'at vila' talaj ay b'aj van sjochchaj ixim cebada, talaj scha sc'ol eb' vin̈ aj munlajel chi' tzin sic' jayeoc sjolom quic d'a spatictac eb' vin̈, xchi ix. —Ixic, xchi ix.

A Ch'an̈ B'ab'el Libro Samuel 20:3

Ix och ijan vin̈aj David chi' yalani: —Yojtac vin̈ a mam chi' to te vach' cac'ani, yuj chi' max yal-laj vin̈ d'ayach, max yal-laj sc'ol vin̈ tzojtaquejeli, yic max ach cusi. Palta yojtacxo Jehová to ayxo och chamel d'a vib'an̈, xchi vin̈.