A Ch'an̈ Schab'l Libro Samuel 13:4 - Chuj San Mateo Bible

⁴ Ay jun c'u ix sc'anb'ej vin̈ d'a vin̈aj Amnón chi': —Ach yuninal rey, ¿tas tzach ic'ani? ¿Tas yuj junjun c'u tzach te tz'onb'i yuj cusc'olal? Al d'ayin tas tzach ic'ani, xchi vin̈. Ix tac'vi vin̈aj Amnón chi': —Ste can val in gana d'a ix Tamar, yanab' vin̈ schab'il vuc'tac aj Absalón, xchi vin̈.

Chuj San Sebastian Bible

⁴ 'Ay jun c'ual, 'ix sc'anb'n win Jonadab chi 'a win Amnón chi 'ixtic: —Ach yunnal rey, ¿tas yuj caw tacnc a c'ojol? 'A junjn c'u 'ipn a tz'onb' cha'an̈. ¿Tom matz tac' aln 'ayin tas yuj 'ixta tzach 'aji? xchi winac. 'Ix ta'w win Amnón chi 'ixtc 'a winac: —Caw wal tzin nib'j 'och 'unx Tamar, 'unx yanb' ni wu'tac Absalón, xchi winac.

A Ch'an̈ Schab'l Libro Samuel 13:4 ပူးပေါင်းရင်းမြစ်များ

A Ch'an̈ Schab'l Libro Samuel 13:3

Palta ay jun vin̈ yamigo vin̈ scuchan Jonadab, yuninal vin̈aj Simea yuc'tac vin̈aj David chi', te jelan vin̈ d'a chucal.

A Ch'an̈ Schab'l Libro Samuel 13:5

Axo ix yalan vin̈aj Jonadab chi' d'a vin̈ icha tic: —A ticnaic, ec'an̈ jichan d'a a ch'at, tza tz'acan penaayax a b'a. Ayic ol javoc vin̈ a mam ach yila', tzal d'a vin̈ icha tic: Tzin tevi d'ayach to tza checcot ix Tamar ix vanab', yic syac' jab'oc in vael ix, aocab' ix sb'oani, yic vach' ol vila', ol in vaani, ol in chaan d'a ix, xa chi d'a vin̈, xchi vin̈.

A Ch'an̈ B'ab'el Libro Yic Yab'ixal Eb' Rey 21:5

Ix c'och ix Jezabel, ix yetb'eyum vin̈ d'a stz'ey, ix sc'anb'an ix: —¿Tas yuj schichon a c'ool, max yal a c'ol tzach va'i? xchi ix.

A Ch'an̈ B'ab'el Libro Yic Yab'ixal Eb' Rey 21:7

Ix tac'vi ix d'a vin̈: —¿Tas yuj stac a c'ol yuj jun chi'? ¿Tom man̈ sreyaloc Israel aj jun? Man̈ ac' pensar yuj jun chi'. Q'uean̈ vaan, va'an̈. A in ol viq'uec' jun lum chi', ol vac'an lum d'ayach, xchi ix.

Is 3:9

Scheclajpaxel d'a sat eb' to lajan smul eb' icha eb' aj Sodoma, max sc'ub'ejel jab'oc eb'. Ob'iltac eb'. Munil val a eb' tz'ic'ancot d'a yib'an̈.

Jeremías 8:12

Max q'uixvi eb' sc'ulan juntzan̈ tas max techaj vilani. Malaj jab'oc sq'uixvelal eb', man̈ yojtacoc eb' tas jun q'uixvelal chi'. Yuj chi', a in val Jehová in svala', a val yic ol vac'an syaelal eb', ol satcanel eb', xchi Jehová, xa chi.

Lv 18:9

Malajocab' junoc vin̈ vinac smulan yed' yanab': Yanab' yuj smam, ma yuj snun, vach'chom d'a yol spat aljinac ix, mato ch'oc b'aj aljinac, man̈ smojoc smulan yed' ix.

Lv 20:17

Tato ay junoc vin̈ vinac syic' yanab' yetb'eyumoc, yanab' yuj smam ma yanab' yuj snun, a chavan̈ eb' chi', d'a val yichan̈ eb' yetchon̈ab' eb' satjieli, yujto a mach smulan yed' yanab', yelxo val q'uixvelal tas sc'ulej eb' chi', yuj chi' a mach icha chi' sc'ulej, a smul chi' scotcan d'a yib'an̈.

Miqueas 7:3

Cuchb'um eb' d'a eb' sc'ulan chucal. A eb' yajal yed' eb' juez, sc'an tumin eb' d'a elc'altac d'a eb' tz'och smul d'a yetanimail. A eb' nivac yelc'ochi, a tas sja d'a spensar eb', a chi' syal eb' d'a eb' yajal chi', yuj chi' lajan tz'aj spensar eb' tas syutej yixtan eb' yetanimail chi'.

Lc 12:32

A ex tic, icha in calnel eyaji. Vach'chom jayvan̈ exn̈ej, palta man̈ ex och ilc'olal, yujto a co Mam Dios ix ex ac'an och d'a yol sc'ab', yujto icha chi' ix el d'a sc'ool.