A Ch'an̈ Schab'l Libro Samuel 13:37 - Chuj San Mateo Bible

^37-38 Axo vin̈aj Absalón chi', ix b'atcan vin̈ elelal. A d'a vin̈aj Talmai yuninal vin̈aj Amiud sreyal Gesur ix c'ochcan vin̈. Oxe' ab'il ix can vin̈ ta'. Axo pax vin̈aj rey David chi', junjun c'u ix oc' vin̈ yuj schamel vin̈ yuninal.

Chuj San Sebastian Bible

^37-38 Ax Absalón, 'ix 'atcn 'eloc, axta xc'och cajn 'a yatut win Talmai, win yunnal Amiud sreyl Gezur, axta xcan win 'a 'oxe ab'il. Ax rey David, 'o'ln̈ej tzb'o win 'a junjn c'u yuj win yunnal cha.

A Ch'an̈ Schab'l Libro Samuel 13:37 ပူးပေါင်းရင်းမြစ်များ

A Ch'an̈ Schab'l Libro Samuel 13:34

Yacb'an chi' ix b'at vin̈aj Absalón chi' elelal. Ay jun vin̈ quelem ayq'ue d'a yib'an̈ smuroal chon̈ab' chi' yic smaclani, ix q'ue q'uelnaj vin̈, ix yilan vin̈ to ay juntzan̈ anima tz'emta d'a pac'an d'a sat vitz d'a sb'eal Horonaim, yuj chi' ix yalb'at vin̈ d'a vin̈ rey chi'.

A Ch'an̈ Schab'l Libro Samuel 13:36

Ato val slajvi yalan vin̈aj Jonadab chi' ix c'och eb' vin̈ yuninal vin̈ rey chi'. Ayic ix c'och eb' vin̈, ix q'ue sjaj eb' vin̈ yoq'ui, ix te oc'pax vin̈ rey chi' yed' eb' yetyajalil.

A Ch'an̈ Schab'l Libro Samuel 14:13

Ix yalan ix icha tic: —Mamin rey, ¿tom man̈ vanoc ac'an chucal d'a schon̈ab' Dios? Ayic ix alani to tza b'o yaj tas tz'aj vin̈ vune', van a ch'oxaneli to man̈ tojoloc a pensar yujto maxtzac a cha meltzaj vin̈ uninal aycanb'at elelal d'a junxo ch'oc chon̈ab'il.

A Ch'an̈ Schab'l Libro Samuel 14:23

Ix lajvi chi', ix b'at vin̈aj Joab chi' d'a chon̈ab' Gesur yic b'at yic'anxicot vin̈aj Absalón chi' vin̈, yic sjax vin̈ d'a Jerusalén.

A Ch'an̈ Schab'l Libro Samuel 14:32

Ix tac'vi vin̈aj Absalón chi' d'a vin̈: —Ix ach vavtej, yic sb'at a c'anb'ej d'a vin̈ rey tas yuj ix b'at in cot d'a chon̈ab' Gesur. Te vach' ama, tato ix in canxon̈ej ta'. In gana svil vin̈ rey chi'. Tato ay in mul, syal in smilancham vin̈, xchi vin̈.

A Ch'an̈ Schab'l Libro Samuel 15:8

Ayic ayinto ec' d'a Gesur d'a yol yic Siria, vac'nac in ti' d'a Jehová, valannac d'ay, tato tz'el d'a sc'ool to tzin meltzaj d'a Jerusalén, yovalil ol vac' junoc in silab' d'ay, xchi vin̈.