A Ch'an̈ Schab'l Libro Samuel 13:32 - Chuj San Mateo Bible

³² Palta a vin̈aj Jonadab yuninal vin̈aj Simea, yuc'tac vin̈aj rey David chi', ix yal vin̈ d'a vin̈ rey chi' icha tic: —Mamin rey, man̈ a na' icha chi'. Maj chamlaj eb' vin̈ uninal chi' smasanil, an̈ej vin̈aj Amnón ix chami, yujto icha chi' ix aj snaan vin̈aj Absalón d'a spatic vin̈, yictax ix yixtan ix Tamar vin̈.

Chuj San Sebastian Bible

³² Palta ax win Jonadab, win yunnal Simea yu'tac David, a win 'ix aln 'ixtic: —Mamin rey, man̈ a na to xcham eb' onnal smasnil. Cojn win Amnón 'ix chami, yujto 'ixta xon xyutj Absalón chi snan 'a yib'n̈ winac, yic yixtn win chi 'unx Tamar, yanb' ni Absalón cha.

A Ch'an̈ Schab'l Libro Samuel 13:32 ပူးပေါင်းရင်းမြစ်များ

Gn 27:41

Atax ta' ix chichoncanoch sc'ool vin̈aj Esaú d'a vin̈aj Jacob chi' yuj tas ix alchajcan d'a yib'an̈ vin̈ yuj smam chi'. Yuj chi' ix snaan vin̈aj Esaú chi' icha tic: Toxo ol cham vin̈ in mam tic, ol lajvoc chi' ol in milancham jun vuc'tac chi', xchi vin̈.

A Ch'an̈ Schab'l Libro Samuel 13:3

Palta ay jun vin̈ yamigo vin̈ scuchan Jonadab, yuninal vin̈aj Simea yuc'tac vin̈aj David chi', te jelan vin̈ d'a chucal.

A Ch'an̈ Schab'l Libro Samuel 13:33

Yuj chi' man̈ a na' to masanil eb' vin̈ uninal ix chami, palta an̈ej vin̈aj Amnón ix chami, xchi vin̈.

Salmos 7:14

Ilecnab' val tas sna eb' chuc d'a eb' yetanimail, an̈ej ixtoj anima syac' eb'.

A Ch'an̈ B'ab'el Libro Samuel 16:9

Ix yic'ancot junxo vin̈ yuninal vin̈aj Isaí chi' scuchan Sama d'a yichan̈ vin̈, ix yalanxi vin̈: —Man̈oclaj junxo vin̈ tic ix siq'uel Jehová, xchi vin̈.