A Ch'an̈ Schab'l Libro Samuel 13:26 - Chuj San Mateo Bible

²⁶ Ix yalanxi vin̈aj Absalón chi': —Tato val yel max yal-laj a b'ati, elocab' d'a a c'ol a chaanb'at vin̈ vuc'tac aj Amnón ved'oc, xchi vin̈. —¿Tas yuj tza nib'ej sb'at vin̈ uc'tac aj Amnón chi' ed'oc? xchi vin̈aj rey David chi' d'a vin̈.

Chuj San Sebastian Bible

²⁶ Yuj cha, xyaln win Absalón chi 'ixtic: —Toto caw matz ach 'at wet'oc, comnoc tz'el a c'ojl a'n 'at ni wu'tac Amnón wet'oc, xchi. 'Ix sc'anb'n win rey chi 'a 'ixtic: —¿Tas yuj tza nib'j tz'at ni Amnón chi et'oc? xchi.

A Ch'an̈ Schab'l Libro Samuel 13:26 ပူးပေါင်းရင်းမြစ်များ

A Ch'an̈ Schab'l Libro Samuel 13:25

Ix tac'vi vin̈ rey chi' d'a vin̈ icha tic: —Maay ach vuninal, max yal-laj co b'at co masanil ed'oc. Tecan nivan tas b'at co lajeli, xchi vin̈. Ix och val tean vin̈aj Absalón chi' d'a vin̈, palta maj yal-laj sc'ol vin̈ ix b'ati, an̈ej vach' lolonel ix yal vin̈ d'a vin̈.

A Ch'an̈ Schab'l Libro Samuel 13:27

Ix och val tean vin̈aj Absalón chi' d'a vin̈, yuj chi' ix schecb'at vin̈aj Amnón chi' vin̈ yed' juntzan̈xo eb' vin̈ yuc'tac.

A Ch'an̈ Schab'l Libro Samuel 20:9

Ix syaman xil sti' vin̈aj Amasa chi' vin̈ yed' svach' c'ab' yic stz'ub'anelta sti' vin̈ vin̈, ix sc'anb'an vin̈ d'a vin̈: —¿Vach' am ix ach ajelc'och vuc'tac? xchi vin̈aj Joab chi'.

A Ch'an̈ Schab'l Libro Samuel 3:27

Ayic ix jax vin̈aj Abner chi' d'a Hebrón, axo vin̈aj Joab chi' ix chaan vin̈ sjavi d'a spatiquel chon̈ab' chi', ix ic'jib'at vin̈ yuj vin̈ d'a stz'eyb'at sti' jun chon̈ab' chi', yic slolon eb' vin̈ ta' sch'ocoj. Ata' ix stipoch yespada vin̈aj Joab chi' d'a sc'ol vin̈, ix cham vin̈, yic syac'anec' spac vin̈ yuc'tac vin̈aj Joab chi'.

Salmos 55:21

C'ununi slolon vin̈, palta axo d'a spensar vin̈, an̈ej oval sgana vin̈. Te c'ununi syutej vin̈ sloloni, palta icha q'uen espada te jay ye, icha chi' yaj slolonel vin̈ chi'.

Pr 26:24

A eb' chuc spensar, vach'n̈ej syutej eb' sloloni, palta axo d'a spensar eb', ata' ayec' schucal pensaril eb' chi',

Jeremías 9:7

Yuj chi' a in Jehová Yajal in d'a Smasanil svala': ¿Tasto val junocxo syal in c'ulan yed' in chon̈ab' tic? An̈ej to ol vac'och eb' d'a syaelal, icha tz'aj yac'jioch q'uen plata d'a cal c'ac', yic tz'el schucal q'ueen.