A Ch'an̈ Schab'l Libro Samuel 13:1 - Chuj San Mateo Bible

^1-2 A vin̈aj Absalón yuninal vin̈aj rey David, ay jun ix yanab' vin̈ scuch Tamar, te vach' yilji ix. Axo ix aji, a vin̈aj Amnón yuninal pax vin̈aj rey David chi', ix te can sgana vin̈ d'a ix Tamar schab'il yanab', yuj chi' ix te chucb'i sc'ol vin̈ yuj snaub'tan̈an ix. Te ayoch yilumal ix yujto cob'esto ix, yuj chi' ix sna vin̈aj Amnón chi' to ajaltac sc'uman ix vin̈.

Chuj San Sebastian Bible

¹ A win Absalón yunnal David, 'ay jun 'ix yanb' win Tamar sb'i, caw wal wach' yilx 'ix. Ax x'aji, ax junx win yunnal David tzcuch Amnón, a win xya'ch snab'en 'a 'ix.

A Ch'an̈ Schab'l Libro Samuel 13:1 ပူးပေါင်းရင်းမြစ်များ

Gn 29:18

Axo vin̈aj Jacob chi', ix can sgana vin̈ d'a ix Raquel chi', yuj chi' ix yal vin̈ icha tic: —Tzin can uqueoc ab'il in caj ix Raquel, ix chab'il isil tic, xchi vin̈.

Gn 29:20

Icha chi' ix aj scajan uque' ab'il ix vin̈. Maj yab' vin̈ yec' jun tiempoal chi', yujto te ay sgana vin̈ d'a ix.

Gn 34:3

Yujto te ay sgana vin̈ d'a ix, yuj chi' ix montaj ix yuj vin̈ d'a vach'il.

Gn 6:2

Axo eb' vin̈ yuninal Dios, ayic ix yilan eb' ix yisil eb' anima chi' eb' vin̈, te vach' yilji eb' ix, ix laj sic'lan eb' vin̈ machtac eb' ix syic' eb' vin̈.

A Ch'an̈ Schab'l Libro Samuel 11:2

A d'a jun yemc'ualil, ix q'ue vaan vin̈aj rey David chi' d'a sat sch'at, ix q'ue vin̈ matz'anel d'a span̈anil yib'an̈ spat. Ayic ayec' vin̈ ta', ix yilanb'at jun ix ix vin̈, van sb'ican sb'a ix, te vach' yilji ix ix yil vin̈.

A Ch'an̈ Schab'l Libro Samuel 13:15

Ayic ix lajvi yixtan ix vin̈, te chuclaj ix aj yilanoch ix vin̈, d'a yichan̈ ix aj scan sgana vin̈ d'a ix d'a sb'ab'elal, yuj chi' ix yal vin̈ d'a ix icha tic: —Q'uean̈ vaan, elan̈ d'a tic d'a elan̈chamel, xchi vin̈ d'a ix.

A Ch'an̈ Schab'l Libro Samuel 14:27

Ay oxvan̈ yuninal vin̈ yed' jun yisil. A ix yisil vin̈ chi', Tamar sb'i ix, te vach' yilji ix.

A Ch'an̈ B'ab'el Libro Yic Yab'ixal Eb' Rey 11:1

A vin̈aj rey Salomón chi', man̈ocn̈ej ix yisil vin̈ sreyal Egipto chi' ix yic' vin̈, palta ayto juntzan̈xo eb' ix ix ch'oc chon̈ab'il ix yic' vin̈, aton eb' ix moabita, eb' ix amonita, eb' ix edomita, eb' ix aj Sidón yed' eb' ix hitita.

1 Cr 3:9

Yanab' pax ix Tamar juntzan̈ eb' vin̈ tic. Ch'oc pax yaj juntzan̈xo eb' vin̈ yuninal vin̈ yed' juntzan̈xo eb' ix schab'il yetb'eyum max b'inajlaj d'a scal eb' vin̈ tic.

Pr 31:30

A svach'il yilji snivanil junoc ix ix, ay b'aj ton̈ej tzon̈ smontej. Man̈ jantacoc svach'il yilji sat ix, palta junn̈ej rato sq'uexmaj yilji, axo ix ix ay yelc'och Jehová d'a yol sat, smojton val nivan yelc'och ix.

Pr 6:25

Man̈ ac'och a pensar d'a svach'il yilji ix, man̈ a cha somchajel a c'ool yuj chajtil tzach aj yilanoch ix.