A Ch'an̈ Schab'l Libro Samuel 12:4 - Chuj San Mateo Bible

⁴ Ay jun c'u, ay jun vin̈ ton̈ej sb'eyeq'ui, ix ec' vin̈ yac' spaxyal vin̈ b'eyum chi'. A vin̈ b'eyum chi', maj syamlaj junoc noc' scalnel vin̈, ma junoc noc' svacax vin̈ yic syac'an schi vin̈ paxyalvum chi', te ya yel noc' yuj vin̈. Axo jun pitan̈ noc' yic vin̈ meb'a' chi' ix b'at yac' ic'joccot vin̈. A noc' ix yac' vin̈ schi jun vin̈ paxyalvum chi', xchi vin̈aj Natán chi' d'a vin̈aj rey David chi'.

Chuj San Sebastian Bible

⁴ Ax win rico cha, 'ay jun win b'eymal 'anma xjaw 'a winac, palta ma'ix yac' win rico chi schi win b'eymal 'anma chi junc scalnelu cha, mto junc swacax, sec tzwa win yet' winac, palta a no yic win meb'a chi 'ix yij 'eq'ui, 'ix sb'on schi win xjaw 'a win cha, xchi Natán.

A Ch'an̈ Schab'l Libro Samuel 12:4 ပူးပေါင်းရင်းမြစ်များ

A Ch'an̈ Schab'l Libro Samuel 12:3

Axo pax vin̈ meb'a' chi' jun, junn̈ej pitan̈ tzun scalnel vin̈ manb'il yuuj. A' vin̈ ix q'uib'tzitan noc'. A d'a yol spat vin̈ ix q'uib' noc' yed' eb' yuninal. A tas sva vin̈, tas yuc' vin̈, a chi' sva noc', syuc' noc'. Schelvay noc' vin̈, te xajan noc' yuj vin̈. Ichato yisil noc' vin̈.

A Ch'an̈ Schab'l Libro Samuel 12:5

Ix cot val yoval vin̈aj rey David chi', ix yalan vin̈ d'a vin̈aj Natán chi': —D'a yichan̈ Jehová Dios svala', a jun vin̈ icha chi' ix sc'ulej, smoj val scham vin̈.

Santiago 1:14

Palta a junjun on̈, yujn̈ej junoc tas b'aj squiloch co c'ool, a tzon̈ cuchb'ani. A juntzan̈ chi' tzon̈ montanb'at d'a chucal.

Jueces 19:17

Ayic ix yilanoch jun vin̈ levita chi' vin̈ icham vinac chi', ix sc'anb'an vin̈ icha tic: —¿B'ajtil ex coti, b'ajpax tzex b'ati? xchi vin̈ d'a vin̈.