A Ch'an̈ Schab'l Libro Samuel 12:24 - Chuj San Mateo Bible

²⁴ Ix lajvi chi', ix yac'an snivanil sc'ol ix Betsabé vin̈aj David chi', ix vay vin̈ yed' ix, ix scuchanoch yune' ix. Ix alji junxo yune' ix, Salomón ix yac' ix b'iej. Te xajan ix aj jun unin chi' yuj Jehová.

Chuj San Sebastian Bible

²⁴ 'Ix ya'n David sniwnal sc'ojl Betsabé, 'ix wayx win yet' 'ix yistzil cha. Xlajw cha, x'alj junx yune 'ix yet' David, 'ix ya'n eb' sb'ic Salomón. Ax jun 'unn cha, caw wal chamc'ojlb'il yuj Jehová.

A Ch'an̈ Schab'l Libro Samuel 12:24 ပူးပေါင်းရင်းမြစ်များ

A Ch'an̈ Schab'l Libro Samuel 12:25

Ix schecanb'at vin̈aj Natán Jehová yal d'a vin̈aj rey David chi' to xajan jun unin chi' yuuj. Yuj chi' Jedidías ix sb'iej jun unin chi' yuj Jehová.

A Ch'an̈ Schab'l Libro Samuel 5:14

A eb' yuninal vin̈ ix alji d'a Jerusalén chi', aton eb' tic: Vin̈aj Samúa, vin̈aj Sobab, vin̈aj Natán, vin̈aj Salomón, vin̈aj Ibhar, vin̈aj Elisúa, vin̈aj Nefeg, vin̈aj Jafía, vin̈aj Elisama, vin̈aj Eliada yed' vin̈aj Elifelet.

A Ch'an̈ Schab'l Libro Samuel 7:12

Ayic ol lajvoc ec' a q'uinal, ayic mucb'il achxo, ol vac'och junoc uninal reyal a q'uexuloc, tec'tec' val ol vutej yopisio chi'.

A Ch'an̈ B'ab'el Libro Yic Yab'ixal Eb' Rey 1:10

Palta axo vin̈aj Natán schecab' Dios, maj avtajlaj vin̈ yuj vin̈. Maj yavtejpaxlaj vin̈aj Benaía vin̈ yed' eb' soldado stan̈van vin̈aj rey David chi', ma vin̈aj Salomón yuc'tac vin̈.

A Ch'an̈ B'ab'el Libro Yic Yab'ixal Eb' Rey 1:11

Ix lajvi chi' ix b'at vin̈aj Natán chi' yal d'a ix Betsabé snun vin̈aj Salomón chi', ix yalan vin̈: —¿Tom manto ab'i to toxo ix yac'och sb'a vin̈aj Adonías reyal d'a elc'altac? Palta man̈ yojtacocpax vin̈aj rey David.

1 Cr 29:1

Ix lajvi chi', ix yalan vin̈aj rey David chi' d'a masanil eb' anima molanec' chi' icha tic: Ex vetchon̈ab', an̈ej val vin̈ vuninal aj Salomón tic ix sic'jiel yuj Dios, palta yune' quelemto vin̈. Axo pax jun munlajel tic te nivan, yujto a jun templo chi' man̈ yicoc anima, palta to scajnub' Jehová Dios ol ajoc.

1 Cr 3:5

Ayic ayoch vin̈ reyal d'a Jerusalén chi', 13 to eb' vin̈ yuninal vin̈ ix alji, aton eb' vin̈ tic: Vin̈aj Simea, vin̈aj Sobab, vin̈aj Natán yed' vin̈aj Salomón. A eb' vin̈ tic, yune' eb' vin̈ ix Betsabé, ix yisil vin̈aj Amiel.

Nehemías 13:26

Icha val tic aj yochnac smul vin̈aj Salomón ochnac reyal d'a co chon̈ab' tic. Malaj junocxo rey lajan yed' vin̈ d'a juntzan̈xo nación, te xajan vin̈ yuj Dios, yuj chi' ac'jinacoch vin̈ co reyaloc yuuj, palta cuchb'ajnacb'at vin̈ d'a chucal yuj eb' ix ch'oc chon̈ab'il chi'.

Pr 4:3

Ayic quelem unin in, ayinto ec' d'a yol spat in mam, yelxo val xajanab'il in yuj ix in nun.

Mt 1:6

A vin̈aj Isaí chi' smam vin̈aj David, aton vin̈ rey. A vin̈aj David chi' smam vin̈aj Salomón. A ix snun vin̈aj Salomón chi' aton ix yetb'eyumcan vin̈aj Urías.

Dt 33:12

Ix yalanpax vin̈ yuj eb' yin̈tilal Benjamín icha tic: Te xajan eb' yin̈tilal Benjamín yuj Jehová, d'a junc'olal ayec' eb'. A scolvaj yed' eb'. A ayoch stan̈vumaloc eb', xchi vin̈.