A Ch'an̈ Schab'l Libro Samuel 11:11 - Chuj San Mateo Bible

¹¹ Ix tac'vi vin̈: —Max yal-laj in comon b'at d'a in pat yic tzin va'i, tzin vaypax yed' ix vetb'eyum yacb'an a te' scaxail strato Jehová yed' eb' vetsoldadoal yic Israel yed' eb' yic Judá, a te' xiltac te' ayq'ue d'a yib'an̈ eb', icha pax chi' vin̈ vajalil vin̈aj Joab yed' eb' yetyajalil, a d'a ac'lic b'aj svay eb'. Mamin rey, max yal-laj in c'ol to vach' b'aj ol in vayoc, xchi vin̈aj Urías chi'.

Chuj San Sebastian Bible

¹¹ 'Ix ta'w win Urías 'ixtic: —Matz tac' in comn 'at 'a watut, yic tzin wa'i tzwu'n tas tzwuq'uej, tzin way yet' wistzil ya' sb'a a te scaxail strato Jehová, yet' eb' soldado quit israelal yet' eb' 'aj Judá, mantiado yaj yet'l eb', ax eb' a soldado yet' Joab, 'a'lic 'aj tzway eb'. Yuj cha, matz tac' in b'on 'icha tzal chi mamin rey, xchi winac.

A Ch'an̈ Schab'l Libro Samuel 11:11 ပူးပေါင်းရင်းမြစ်များ

A Ch'an̈ Schab'l Libro Samuel 11:10

Axo d'a junxo c'u, ix alji d'a vin̈ rey chi' to maj b'at vaylaj vin̈aj Urías chi' d'a spat d'a jun ac'val chi'. Yuj chi' ix sc'anb'ej vin̈ rey chi' d'a vin̈: —¿Tas yuj maj xid' ach vay d'a a pat, ina to ayxotax a b'atcani? xchi vin̈ rey chi' d'a vin̈.

A Ch'an̈ Schab'l Libro Samuel 14:19

Yuj chi' ix sc'anb'ej vin̈ rey chi' d'a ix icha tic: —¿Tom man̈oc vin̈aj Joab ix b'oan al jun tic? xchi vin̈. Ix tac'vi ix: —Ichaton chi' mamin rey, ix a naeli. A vin̈ a checab' chi' ix in checancoti, a vin̈ ix alanpax d'ayin tastac tzul val tic d'ayach.

A Ch'an̈ Schab'l Libro Samuel 20:6

Yuj chi' ix yalan vin̈aj rey David chi' d'a vin̈aj Abisai: —Tecan to ec'b'al ol on̈ yixtej vin̈aj Seba tic d'a yichan̈ icha ix sc'ulej vin̈aj Absalón. Yuj chi' cuchb'ej masanil eb' soldado, tzach b'at d'a spatic vin̈, axo talaj tz'aji tz'och vin̈ scol sb'a d'a junoc chon̈ab' ayoch smuroal, tz'el vin̈ d'ayon̈, xchi vin̈.

A Ch'an̈ Schab'l Libro Samuel 7:2

ix yalan vin̈ d'a vin̈aj Natán schecab' Jehová: —Tic tzila' to nab'a c'ute' ayoch d'a in palacio tic, axo pax te' scaxail strato Dios jun, a d'a yol jun mantiado ayoch te', xchi vin̈.

A Ch'an̈ Schab'l Libro Samuel 7:6

Atax yic ix vic'anelta eb' e mam eyicham d'a Egipto masanto ticnaic, malaj b'aj ix in aj d'a yol junoc pat, an̈ej d'a yoltac mantiado in eq'ui.

Nm 32:6

Ix yalan vin̈aj Moisés chi' d'a eb': —¿Tom e gana tzex can d'a tic yacb'an sb'at eb' quetchon̈ab' d'a oval?

Jn 13:14

C'ayb'um in d'ayex. Yajal vaj d'ayex. Palta ina ix in b'iquel eyoc tic. Yuj chi' smoj icha chi' tzeyutej e b'a junjun ex.

2 Ti 2:12

Tato scac' techaj syaelal yed'oc, ol on̈ och yajalil yed'oc. Tato ay on̈ scala' to man̈ on̈ yicoc, ol yal paxi to man̈ on̈ yicoclaj.

A Ch'an̈ B'ab'el Libro Samuel 1:26

Ix yalan ix Ana chi' icha tic: —Ac' nivanc'olal d'ayin mamin, a in ton tic ulnac in ec' d'a a tz'ey d'a junel, ayic in lesalvinac d'a Jehová.

A Ch'an̈ B'ab'el Libro Samuel 14:18

A d'a jun tiempoal chi' ayec' te' scaxail strato Jehová d'a scal eb' israel, yuj chi' ix yal vin̈aj Saúl chi' d'a vin̈aj Ahías: —Ic'cot te' scaxail strato Jehová yic sco c'anb'ej d'ay, xchi vin̈.

A Ch'an̈ B'ab'el Libro Samuel 17:55

Ayic ix yilan vin̈aj Saúl sb'at vin̈aj David yac' oval yed' vin̈ filisteo chi', ix sc'anb'an vin̈ d'a vin̈aj Abner, yajalil eb' soldado: —Abner, ¿mach smam jun vin̈ quelem tic? xchi vin̈.

A Ch'an̈ B'ab'el Libro Samuel 20:3

Ix och ijan vin̈aj David chi' yalani: —Yojtac vin̈ a mam chi' to te vach' cac'ani, yuj chi' max yal-laj vin̈ d'ayach, max yal-laj sc'ol vin̈ tzojtaquejeli, yic max ach cusi. Palta yojtacxo Jehová to ayxo och chamel d'a vib'an̈, xchi vin̈.

A Ch'an̈ B'ab'el Libro Samuel 25:26

Palta jun, a Jehová ix ach cachan vanajoc ayic d'in̈an a milancham anima yuj a pactzitan schucal eb' d'a a patic. Elocab' d'a sc'ol Jehová to a eb' ayoch ajc'olal d'ayach yed' eb' snib'ej tzach ixtani, cotocab' d'a yib'an̈ eb' icha val tz'aj scot d'a yib'an̈ vin̈aj Nabal chi'.

A Ch'an̈ B'ab'el Libro Samuel 4:4

Yuj chi' ix yac'b'at juntzan̈ checab' eb' d'a Silo yic b'at yic'ancot te' scaxail strato Jehová Yajal d'a Smasanil eb', aton jun sch'ox stziquiquial d'a snan̈al chavan̈ querubín d'a yib'an̈ te' caxa chi'. Ayic ix yic'ancot te' caxa chi' eb', tzac'anoch vin̈aj Ofni yed' vin̈aj Finees yuninal vin̈aj Elí d'a spatic te'.