1 Ti 5:16 - Chuj San Mateo Bible

¹⁶ A eb' creyente ta', tato ay junoc ix chamnac yetb'eyum d'a yol spat eb', yovalil scolvaj eb' d'a ix. Yujto man̈ smojoc tato a iglesia tz'ac'an sgasto ix. A eb' ix d'a val yel sch'ocoj, an̈ej eb' ix b'aj syal scolvaj iglesia, yujto max tzac'van iglesia yac'an sgasto eb' ix smasanil.

Chuj San Sebastian Bible

¹⁶ A eb' creyente chi ta', [toxn̈ej winac,] toxn̈ej 'ix, toto 'ay junc 'ix chamnc yichmil 'ay 'a yol yatut eb', yowlal caw tzcolwj eb' 'a 'ix. Yujto man̈ smojoc, toto a iglesia tz'a'n sgasto 'ix. A eb' caw sch'ocoj, an̈j eb' 'aj tztac' scolwj iglesia, yujto matz tza'wni iglesia ya'n sgasto eb' smasnil.

1 Ti 5:16 ပူးပေါင်းရင်းမြစ်များ

1 Ti 5:10

An̈ej eb' ix chequel yaj d'a yichan̈ eb' yetcreyenteal to vach' sb'eyb'al eb' ix, eb' ix vach' yutejnac sq'uib'tzitan yune', eb' ix vach' yutejnac sb'a d'a eb' slaj ec' d'ay, eb' ix ac'jinac servil eb' yetcreyenteal d'a emnaquilal, eb' ix oc'nac sc'ool d'a eb' ayoch d'a syaelal, eb' ix vach'n̈ej yutejnac sb'a d'a masanil tiempo. An̈ej eb' ix chi' syal yoch scuentaoc iglesia chi'.

1 Ti 5:8

Tato ay eb' creyente max colvaj d'a smam snun, ma d'a eb' ay d'a yol spat eb', a eb' chi', malaj yelc'och sc'ayb'ub'al Cristo d'a eb'. Ec'alxo schucal eb' d'a yichan̈ eb' man̈ creyenteoc.

1 Ti 5:9

A eb' ix chamnac yetb'eyum sval tic, syal yoch eb' ix scuentaoc iglesia. An̈ej eb' ix 60 ab'ilxo sq'uinal, eb' ix junn̈ej vin̈ yetb'eyum yic'nac.