1 Cr 13:3 - Chuj San Mateo Bible

³ yic vach' b'at quic'cot te' scaxail strato co Diosal. Yujto atax d'a stiempoal vin̈aj Saúl ix b'atcan te' satc'olal cuuj, xchi vin̈aj David chi'.

Chuj San Sebastian Bible

³ sec tz'at qui'c cot te scaxail strato Jehová qui Diosalec, yujto atxo can 'a yol stiempoal Saúl, ata 'ix 'atcn satc'ojlal te cujec, xchi David cha.

1 Cr 13:3 ပူးပေါင်းရင်းမြစ်များ

1 Cr 13:2

Ix lajvi chi' ix yalan vin̈ d'a masanil eb' yetisraelal icha tic: Ex vetisraelal, tato scha e c'ool, schaanpax sc'ol Jehová co Diosal, scavtej eb' quetisraelal ay d'a yol co macb'en tic, eb' aytocan d'a juntzan̈xo lugar. Scavtej pax masanil eb' sacerdote yed' juntzan̈xo eb' levita ayec' d'a schon̈ab' yed' d'a slum b'aj sva noc' smolb'etzal noc' eb',

1 Cr 13:4

Masanil eb' chon̈ab', ix cha sc'ol eb' to icha chi' tz'aji, yujto vach' jun pensar chi' ix yab' eb'.

1 Cr 15:13

Yujto a d'a sb'ab'elal, man̈oc ex ix eyic'cot te', yuj chi' ix cot yoval sc'ool Jehová co Diosal d'a quib'an̈, yujto man̈ chamoc ix co c'anb'ej cab'i tas sco c'ulej, xchi vin̈.

Salmos 132:6

A d'a Efrata ix cab' yab'ixal te' scaxail strato Dios, axo d'a yol lum smacb'en vin̈aj Jaar ix ilchaj te' cuuj.

A Ch'an̈ B'ab'el Libro Samuel 14:18

A d'a jun tiempoal chi' ayec' te' scaxail strato Jehová d'a scal eb' israel, yuj chi' ix yal vin̈aj Saúl chi' d'a vin̈aj Ahías: —Ic'cot te' scaxail strato Jehová yic sco c'anb'ej d'ay, xchi vin̈.

A Ch'an̈ B'ab'el Libro Samuel 14:36

Ix lajvi chi', ix yalan vin̈ d'a eb' soldado icha tic: —Coyec caq'uecxi oval yed' eb' filisteo d'a jun ac'val tic, ol quic'anec' masanil tastac ay d'a eb', masanto yic ol sacb'oc, ol co milcham eb' smasanil, man̈xa junoc pitzan ol canoc, xchi vin̈. Ix yalan eb' smasanil icha tic: —Yic'ocab' icha tas tzal chi', xchi eb'. Palta ix yalan vin̈ sacerdote icha tic: —Ayic manto on̈ b'atec, vach' ta sco c'anb'ej d'a Dios, xchi vin̈.

A Ch'an̈ B'ab'el Libro Samuel 22:10

A vin̈aj Ahimelec chi', ix sc'anb'ej vin̈ d'a Jehová yuj vin̈aj David chi', ix ac'ji svael vin̈ yuj vin̈. Ix yac'anpax q'uen yespada vin̈aj Goliat vin̈ filisteo vin̈ d'a vin̈, xchi vin̈aj Doeg chi'.

A Ch'an̈ B'ab'el Libro Samuel 22:15

¿Tocval b'ab'elto tzin c'anb'ej d'a Dios yuj vin̈? Mamin rey, malaj b'aj tzin och ajc'olal d'ayach, yuj chi' mocab'a tas tza na' d'a in patic yed' d'a spatic eb' in c'ab' voc, yujto man̈ vojtacoc jab'oc tas yaj jun lolonel tic, xchi vin̈.

A Ch'an̈ B'ab'el Libro Samuel 23:2

ix b'at sc'anb'an yab' vin̈ d'a Jehová icha tic: —¿Tzam in a chab'at vac' oval yed' juntzan̈ filisteo chi'? xchi vin̈. Ix tac'vi Jehová: —Ixic ac' oval, tza colancanel chon̈ab' Keila tic, xchi d'a vin̈.