A Ch'an̈ B'ab'el Libro Samuel 9:12 - Chuj San Mateo Bible

¹² Ix tac'vi eb' ix: —Ayec' vin̈ d'a eyichan̈b'at chi', palta tato tze pil val jab'ocxo eyip olto ilchaj vin̈ eyuuj. Toto val sjavi vin̈ d'a yol chon̈ab' tic yujto ay q'uin̈ ol och d'a tzalan b'aj tz'och ejmelal.

Chuj San Sebastian Bible

¹² —N', atn 'a tic cajn winac, yaj win 'a eyojltac 'at cha. C'olc eyip toq'ue 'ayt 'ec' winac. At wal sjaw 'a yol chon̈b' tic, yujto 'ay xajmb'al eb' 'anma tic 'oj yac' 'a lum tzaln yic 'emmquilal.

A Ch'an̈ B'ab'el Libro Samuel 9:12 ပူးပေါင်းရင်းမြစ်များ

Gn 31:54

Ix yac'an juntzan̈ silab' vin̈ d'a Dios d'a schon jun tzalan chi', ix yavtancot eb' ajun yed'oc chi' vael. Masanil eb' ix va'i, a d'a chon tzalan chi' ix ec' ac'val yuj eb'.

1 Cr 16:39

Ix canpax vin̈aj sacerdote Sadoc yed' eb' vin̈ yetsacerdoteal ajun yed'oc yic syilan eb' vin̈ yoch ejmelal d'a scajnub' Dios d'a Gabaón, aton jun an̈ej Jehová ay yico'.

A Ch'an̈ B'ab'el Libro Samuel 10:5

Slajvi chi', ol ach q'uec'och d'a chon̈ab' Gabaa, b'aj tz'ochtaxon ejmelal d'a Jehová, ata' ay jun yed'tal jun macan̈ eb' filisteo. Ayic ol ach och d'a yol chon̈ab' chi', ol ilan jayvan̈ eb' vin̈ schecab' Jehová van yemuli, syalan slolonel Dios eb' vin̈, b'ab'el eb' vin̈ van yac'anoch salterio, pandereta, flauta yed' arpa.

A Ch'an̈ B'ab'el Libro Samuel 16:2

—¿Tas val tz'aj in b'ati? Ta syab' jun tic vin̈aj Saúl chi', tzam in smilcham vin̈, xchi vin̈aj Samuel chi'. Ix tac'vi Jehová chi' d'a vin̈: —Ic'b'at junoc noc' cob'es vacax tzach b'ati, tzalani to ac'oj silab' d'a Jehová tzach c'ochi.

A Ch'an̈ B'ab'el Libro Samuel 2:35

Ol vac'och junxo sacerdote, to tz'acan ol sc'anab'ajej tas tzin nib'ej, ol vac'an najtilax yopisio yed' eb' yin̈tilal, ol vac'anoch yopisio yed' jun rey ol in siq'ueli.

A Ch'an̈ B'ab'el Libro Samuel 20:6

Tato tzin sc'anb'ej vin̈ a mam chi', tzal d'a vin̈ to a d'ayach ix in c'ana' to tzin b'atcan d'a Belén in chon̈ab', yujto a masanil eb' in c'ab' voc ol ac'anoch q'uin̈ ichataxon d'a junjun ab'il.

A Ch'an̈ B'ab'el Libro Samuel 7:17

Slajvi chi', smeltzaj vin̈ d'a Ramá, b'aj cajantaxoni. Ata' sch'olb'itejpax eb' yetchon̈ab' vin̈. Ix sb'oanq'ue jun altar yic Jehová vin̈ ta'.