A Ch'an̈ B'ab'el Libro Samuel 5:9 - Chuj San Mateo Bible

⁹ Ayic ix b'at yac'ancan te' eb' ta', ix javi jun nivan somc'olal d'a yib'an̈ jun chon̈ab' chi' yuj Jehová. Ix pitzvipax quisc'oy chi' d'a eb' unin yed' d'a icham anima.

Chuj San Sebastian Bible

⁹ A yic xlajw 'at ya'nc can eb', ax Jehová 'ix 'a'n 'och eb' 'anma chi 'a somc'ojlal. 'Ix laj mal 'elt jun tzo'n̈ yab'il chi 'a eb'. 'Ix 'elt 'a eb' nene 'unin yet' 'a eb' 'ichmtac 'anma'.

A Ch'an̈ B'ab'el Libro Samuel 5:9 ပူးပေါင်းရင်းမြစ်များ

Salmos 78:66

Ix ac'ji ganar eb' ajc'ool yuuj, ix b'at eb' elelal. Ix q'uixvicanel eb' d'a masanil tiempo.

Am 5:19

A d'a jun c'ual chi', lajan val ol aj eb' anima icha junoc mach tz'el lemnaj d'a junoc noc' choj, axo b'aj ayec' junoc noc' oso b'en̈ej sc'ochi, ma icha yic tz'och junoc mach d'a yol spat, tz'och ijan d'a sat q'uilab' yalani, axo pax junoc noc' chan schi'an ta'.

Dt 2:15

A yoval sc'ol Jehová chi' ix cot d'a yib'an̈ eb', yuj chi' ix cham eb' smasanil.

A Ch'an̈ B'ab'el Libro Samuel 12:15

Tato pit ol eyutej e b'a d'a tas syal Jehová jun, tato max e c'anab'ajej, ol yac'och yaelal d'a eyib'an̈ icha ix utaj eb' co mam quicham.

A Ch'an̈ B'ab'el Libro Samuel 5:10

Yuj chi' ix yic'b'at te' caxa chi' eb', ix b'at yac'ancan te' eb' d'a Ecrón. Ayic ix c'och te' ta', ix q'uex yav eb' anima ta', ix yalan eb': Ix eyic'cot te' scaxail strato sDiosal eb' israel d'a tic yic tzon̈ cham yuuj co masanil, xchi eb'.

A Ch'an̈ B'ab'el Libro Samuel 5:11

Ix cham eb' anima d'a chon̈ab' Ecrón chi' yuj xivelal yed' yuj nivan yaelal ix yac' Jehová d'a yib'an̈ eb', yuj chi' ix avtajcot masanil eb' yajalil chon̈ab' filisteo yuj eb', ix yalan eb' d'a eb': Iq'uecb'at te' scaxail strato sDiosal eb' israel tic. Aq'uec meltzaj te' d'a eb', axo ta tz'aji tzon̈ cham co masanil yuuj, xchi eb'.

A Ch'an̈ B'ab'el Libro Samuel 5:6

Ix lajvi chi', ix ac'jioch syaelal eb' aj Asdod chi' yuj Jehová yed' masanil eb' anima ay d'a yol smacb'en chi'. Ix pitzviq'ue ilya d'a eb' anima chi', ix laj q'ue quisc'oy d'a eb'.

A Ch'an̈ B'ab'el Libro Samuel 6:11

Ix lajvi chi', ix yac'anq'ue te' scaxail strato Jehová chi' eb' yed' jun te' cajón b'aj ayem oro icha yechel noc' ch'oov yed' yechel quisc'oy chi'.

A Ch'an̈ B'ab'el Libro Samuel 7:13

A d'a jun c'u chi' ix ac'ji ganar eb' filisteo yuj eb' israel chi'. Yuj chi' man̈xa junelocxo ix och eb' d'a yol slugar eb' israel yac' oval. Yacb'an pitzanto vin̈aj Samuel chi', ayn̈ejoch Jehová xib'tan eb' filisteo chi'.