A Ch'an̈ B'ab'el Libro Samuel 5:11 - Chuj San Mateo Bible

¹¹ Ix cham eb' anima d'a chon̈ab' Ecrón chi' yuj xivelal yed' yuj nivan yaelal ix yac' Jehová d'a yib'an̈ eb', yuj chi' ix avtajcot masanil eb' yajalil chon̈ab' filisteo yuj eb', ix yalan eb' d'a eb': Iq'uecb'at te' scaxail strato sDiosal eb' israel tic. Aq'uec meltzaj te' d'a eb', axo ta tz'aji tzon̈ cham co masanil yuuj, xchi eb'.

Chuj San Sebastian Bible

¹¹ 'Ix ya'n 'at eb' schecb' 'a eb' syajlil eb' filisteo cha, 'ix yaln eb' 'a eb' 'ixtic: 'Ijec 'el te scaxail strato sDiosal Israel tic 'a qui calec, tz'at eya'nc can pax 'a yet'l 'aj 'ay, sec ma'oj qui chamc qui masnil yu'uj, xchi eb'. Yujto xniwtj jun yab'il chi 'a scal eb' yuj Dios, yuj cha, 'ix xiw chan̈ eb'.

A Ch'an̈ B'ab'el Libro Samuel 5:11 ပူးပေါင်းရင်းမြစ်များ

Ex 10:7

Ix yalan eb' vin̈ ay yopisio yed' vin̈ rey chi': —¿B'aq'uin̈ ol yactej juntzan̈ vinac tic on̈ stzuntzani? ¿Tas yuj max actejel jun chon̈ab' chi' yic sb'at och eb' ejmelal d'a Jehová sDiosal chi'? ¿Tom max nachajvalel jab'oc uuj, ina toxo ix juvicanb'at co chon̈ab' tic? xchi eb'.

A Ch'an̈ B'ab'el Libro Samuel 5:10

Yuj chi' ix yic'b'at te' caxa chi' eb', ix b'at yac'ancan te' eb' d'a Ecrón. Ayic ix c'och te' ta', ix q'uex yav eb' anima ta', ix yalan eb': Ix eyic'cot te' scaxail strato sDiosal eb' israel d'a tic yic tzon̈ cham yuuj co masanil, xchi eb'.

A Ch'an̈ B'ab'el Libro Samuel 5:6

Ix lajvi chi', ix ac'jioch syaelal eb' aj Asdod chi' yuj Jehová yed' masanil eb' anima ay d'a yol smacb'en chi'. Ix pitzviq'ue ilya d'a eb' anima chi', ix laj q'ue quisc'oy d'a eb'.

A Ch'an̈ B'ab'el Libro Samuel 6:5

Yuj chi', tze b'o yechel quisc'oy chi' yed' yechel noc' ch'oov to toxo ix ixtaxb'at co lugar tic yuuj, tzeyic'anchaan̈ sDiosal eb' israel. Tope syac' nivanc'olal yic tz'och vaan jun yaelal tic d'ayon̈ yed' d'a co diosal yed' pax d'a yol co macb'en tic.