A Ch'an̈ B'ab'el Libro Samuel 5:1 - Chuj San Mateo Bible

¹ A d'a Eben-ezer ix yiq'uec' te' scaxail strato Dios eb' filisteo chi', ix c'och te' yuj eb' d'a Asdod.

Chuj San Sebastian Bible

¹ A 'a Eben-ezer ata 'ix yij 'ec' eb' filisteo te scaxail strato Dios, axta xc'och yuj eb' 'a chon̈b' Asdod.

A Ch'an̈ B'ab'el Libro Samuel 5:1 ပူးပေါင်းရင်းမြစ်များ

Salmos 78:61

Ton̈ej ix yila' ix ic'jib'at scaxail strato yuj eb' ajc'ool, aton sch'oxnab'il stziquiquial yed' spoder.

Is 20:1

A vin̈aj Sargón sreyal Asiria, ix schecb'at eb' soldado vin̈ yed' jun yajalil eb' d'a chon̈ab' Asdod, yic syac'an oval eb' d'ay. Ix yac' ganar jun chon̈ab' chi' eb'.

Am 3:9

Laj alequel d'a scuartel chon̈ab' Asdod yed' d'a scuartel chon̈ab' Egipto: Cotan̈ec d'a jolomtac vitz d'a spatictac chon̈ab' Samaria. Ilec val somchaj eb' anima yuj yixtan yetanimail, xe chi.

A Tas Sc'ulejnac Eb' Schecab' Jesús Hechos 8:40

Axo vin̈aj Felipe chi', a d'a chon̈ab' Azoto ix c'och vin̈. Ix lajvin̈ej chi', ix b'atxi vin̈. Ix laj ec' yalancanel vach' ab'ix yic colnab'il vin̈ d'a juntzan̈xo chon̈ab', masanto ix c'och vin̈ d'a chon̈ab' Cesarea.

Josué 11:22

Yuj chi' man̈xo junoc anima chaan̈ steel yin̈tilal vin̈aj Anac ixto can d'a yol smacb'en Israel, axon̈ej d'a Gaza, d'a Gat yed' d'a Asdod ixto can jayvan̈xo eb'.

Josué 13:3

aton lum sb'atn̈ej d'a a' Sihor, d'a stojolal b'aj sjavi c'u d'a Egipto, masanto sc'och d'a smojonal yic Ecrón d'a stojolal norte, aton juntzan̈ lum chi' yic eb' cananeo. A d'a jun macan̈ chi' ay ovan̈ eb' vin̈ yajalil eb' filisteo, aton eb' vin̈ yajal yaj d'a Gaza, d'a Asdod, d'a Ascalón, d'a Gat yed' d'a Ecrón. Axo smacb'en eb' aveo

A Ch'an̈ B'ab'el Libro Samuel 4:1

Ayic slolon vin̈aj Samuel chi', axo masanil eb' chon̈ab' smaclej val eb' yab'i. A d'a jun tiempoal chi' ix smolb'ej sb'a eb' filisteo, yic syac'an oval eb' yed' eb' israel, ix sb'oanq'ue scampamento eb' d'a Afec. Yuj chi' ix smolb'ejpax sb'a eb' israel chi', ix och eb' smac sat eb', ix sb'oanq'ue scampamento eb' d'a slac'anil Eben-ezer.

A Ch'an̈ B'ab'el Libro Samuel 4:11

Ix yic'ancanec' te' scaxail strato Dios eb' filisteo chi', ix smilancham vin̈aj Ofni eb' yed' vin̈aj Finees chi', aton eb' yuninal vin̈aj Elí.

A Ch'an̈ B'ab'el Libro Samuel 4:22

Yuj chi' ix yalan ix: Ix ic'jiec' sb'inajnaquil Israel, xchi ix, yujto ix ic'jicanb'at te' scaxail strato Jehová.

A Ch'an̈ B'ab'el Libro Samuel 6:1

Uque' ujal ix ec' te' scaxail strato Jehová d'a scal eb' filisteo chi'.

A Ch'an̈ B'ab'el Libro Samuel 7:12

Ix lajvi chi', ix sayan jun q'uen q'ueen vin̈aj Samuel chi', ix yac'anem q'uen vin̈ d'a scal Mizpa yed' Sen. Eben-ezer ix yac' vin̈ sb'iej, ix yalan vin̈: Masanto ticnaic ix colvajn̈ej Jehová qued'oc, xchi vin̈.