A Ch'an̈ B'ab'el Libro Samuel 4:19 - Chuj San Mateo Bible

¹⁹ Axo ix yalib' vin̈, ix yetb'eyum vin̈aj Finees, toxo tz'alji yune' ix, yuj chi' ayic ix yab'an ix to ix ic'jib'at te' scaxail strato Dios, ix champax vin̈ yalib' ix yed' vin̈ yetb'eyum ix, ix cot syail sc'ol ix, ix alji yune' ix chi'.

Chuj San Sebastian Bible

¹⁹ Ax 'ix yalb' win Elí cha, atn 'ix yistzil win Finees, jab'xoj yalj yune 'ix. A yic xyab'n 'ix to x'ec' te scaxail strato Dios yuj eb' filisteo, xcham win yichmil 'ix, xcham pax win yalb' 'ix cha, yujn̈ej cha, xcot syal sc'ojl 'ix. 'Ix 'alj yune 'ix cha.

A Ch'an̈ B'ab'el Libro Samuel 4:19 ပူးပေါင်းရင်းမြစ်များ

Gn 3:16

Ix yalanxi Dios d'a ix icha tic: —Ol vac' a yaelal ayic yab'ix ach, axo yic ol aljoc une', ol vac'an nivtaj a yaelal chi'. Vach'chom ay yaelal ol ila', ol a nib'ejn̈ejoch vin̈ etb'eyum. A vin̈ ol och ajaloc, xchi Dios.

Gn 35:17

Yic val ayoch ix d'a ilc'olal yuj yab'an syail, axo ix vetz'vajum ix alani: Man̈ ach xivoc, toxo ix alji junxo a vinac unin, xchi ix.

A Ch'an̈ B'ab'el Libro Yic Yab'ixal Eb' Rey 14:1

A d'a jun tiempoal chi', ix ilyaan vin̈aj Abías yuninal vin̈aj Jeroboam.

Salmos 78:64

A eb' vin̈ sacerdote, ix miljicham eb' vin̈ d'a q'uen espada. Maj oc'laj eb' ix yetb'eyum eb' vin̈ ix cham chi'.

Jeremías 26:6

yuj chi', icha vutejnac in cajnub' d'a Silo, icha chi' ol vutej jun templo tic. Ol vac'b'at catab' d'a yib'an̈ jun chon̈ab' tic d'a scal masanil juntzan̈xo chon̈ab' ay d'a yolyib'an̈q'uinal, xchi Jehová, xa chi d'a eb'.

A Ch'an̈ B'ab'el Libro Samuel 4:18

Ayic ix yab'an vin̈aj Elí tas ix aj te' scaxail strato Dios chi', ix b'at pac'naj vin̈ d'a spatic sc'ojnub' d'a sti' spuertail chon̈ab' chi', ix c'occhaj sb'aquil sjaj vin̈, yujto al snivanil vin̈, te icham vinacxo pax vin̈, yuj chi' ix cham vin̈. 40 ab'il ix yac' yajalil vin̈ d'a Israel.

A Ch'an̈ B'ab'el Libro Samuel 4:20

Ayic ix yilan eb' ix tz'ilan b'o sc'ol ix chi' to van scham ix, ix yalan eb' d'a ix: Man̈ ach xivoc, yujto vinac unin une' tic, xchi eb' ix, palta majxo tac'voclaj ix, ichato maxtzac yab' ix.