A Ch'an̈ B'ab'el Libro Samuel 4:18 - Chuj San Mateo Bible

¹⁸ Ayic ix yab'an vin̈aj Elí tas ix aj te' scaxail strato Dios chi', ix b'at pac'naj vin̈ d'a spatic sc'ojnub' d'a sti' spuertail chon̈ab' chi', ix c'occhaj sb'aquil sjaj vin̈, yujto al snivanil vin̈, te icham vinacxo pax vin̈, yuj chi' ix cham vin̈. 40 ab'il ix yac' yajalil vin̈ d'a Israel.

Chuj San Sebastian Bible

¹⁸ A yic xyab'n win Elí yuj te scaxail strato Dios cha, 'ix 'at pa'njoc win 'a spatquil 'a sti spuertail chon̈b' cha. 'Ix stecn c'uychjoc sjaj yujto caw 'al sniwnal. Yuj cha, 'ix chami, yujto caw 'ichm winc xo. Chawinc ab'il 'ix yac' yajlil 'a yib'n̈ chon̈b' Israel.

A Ch'an̈ B'ab'el Libro Samuel 4:18 ပူးပေါင်းရင်းမြစ်များ

Salmos 26:8

Mamin Jehová, tzin xajanej a templo b'aj cajan ach eq'ui. Ata' tz'alchajel snivanil elc'ochi.

Salmos 42:10

Svab' val syail, icha val to smac'jipoj in b'aquil b'aj tzin yixtej eb' ajc'ool chi'. Junjun rato sb'uchvaj eb' d'ayin sc'anb'an eb': ¿B'ajtil ay jun a Diosal chi'? xchi eb'.

Salmos 42:3

C'ual d'ac'val voq'ui. Axon̈ej voq'uel tic ayoch in vaeloc, yacb'an sb'uchvaj eb' anima d'ayin sc'anb'ejn̈ej eb': ¿B'ajtil ay jun a Diosal chi? xchi eb'.

Salmos 69:9

Te pitz'anoch in c'ool in ya'ilan a cajnub'. Ayic sb'uchvaj eb' d'ayach, a in jun svab' pax syail.

Lv 10:3

Ix lajvi chi', ix yalan vin̈aj Moisés chi' d'a vin̈aj Aarón: —Aton jun tic syalelc'och slolonel Jehová ix yala': A yuj eb' tzin ac'an servil, ol in ch'ox in b'a, to A inxon̈ej ochi. A d'a masanil in chon̈ab' ol in ch'ox in tziquiquial, xchi Jehová, xchi vin̈. Ix em numnaj vin̈aj Aarón chi', man̈xalaj tas ix yal vin̈.

Jueces 15:20

A vin̈aj Sansón chi', 20 ab'il ix och vin̈ yajaliloc eb' israel chi', yacb'an ayoch eb' d'a yol sc'ab' eb' filisteo.

A Ch'an̈ B'ab'el Libro Samuel 4:13

Axo ix javi vin̈, c'ojanem vin̈aj Elí d'a sc'ojnub' d'a ti' b'e smaclan junoc ab'ix, yujto ayoch vin̈ d'a ilc'olal yuj te' scaxail strato Dios. Axo ix javi jun vin̈ soldado chi', ix och ijan vin̈ yalan d'a eb' chon̈ab' tas van yuji. Ayic ix yab'an jun chi' eb', ix q'ue n̈ilnaj eb' yel yav.

A Ch'an̈ B'ab'el Libro Samuel 4:17

Ix yalan vin̈ soldado chi': —Ix on̈ el d'a eb' filisteo, man̈ jantacoc anima ix cham d'a co cal. Ix champax eb' vin̈ uninal schavan̈il, axo te' scaxail strato Dios, ix yic'canb'at te' eb' vin̈ filisteo chi', xchi vin̈.

A Ch'an̈ B'ab'el Libro Samuel 4:19

Axo ix yalib' vin̈, ix yetb'eyum vin̈aj Finees, toxo tz'alji yune' ix, yuj chi' ayic ix yab'an ix to ix ic'jib'at te' scaxail strato Dios, ix champax vin̈ yalib' ix yed' vin̈ yetb'eyum ix, ix cot syail sc'ol ix, ix alji yune' ix chi'.