A Ch'an̈ B'ab'el Libro Samuel 30:8 - Chuj San Mateo Bible

⁸ Ix sc'anb'an vin̈aj David chi' d'a Jehová icha tic: —¿Smoj am val in b'at d'a spatic juntzan̈ eb' vin̈ elc'um chi'? ¿Ol am val yamchaj eb' vin̈ vuuj? xchi vin̈. Ix tac'vi Jehová chi' d'a vin̈: —Ixic, ol yamchaj eb' vin̈ uuj, ol ic'anxicanec' masanil eb' ix yic'b'at eb' vin̈ chi', xchi d'a vin̈.

Chuj San Sebastian Bible

⁸ 'Ix sc'anb'n David 'a Jehová 'ixtic: —¿Smoj am in 'at 'a spatquil nan̈l eb' 'elc'm cha? ¿'Oj yamchjoc am eb' wu'uj? xchi David cha. —'Ixc 'a spatquil eb', 'oj yamchjc eb' o'oj, ax 'e'n can 'ec' smasnil eb' x'ijx 'at cha, xchi Jehová 'a David.

A Ch'an̈ B'ab'el Libro Samuel 30:8 ပူးပေါင်းရင်းမြစ်များ

Gn 14:16

Ix yic'anxiec' vin̈aj Abram jantac tastac ix yiq'uec' eb' chi', ix ec'xican vin̈aj Lot yed' masanil tas ay d'ay yed' pax eb' ix ix yed' juntzan̈xo eb' ix ic'jib'at yuj eb' vin̈ rey chi'.

A Ch'an̈ Schab'l Libro Samuel 5:19

Ix sc'anb'an vin̈aj David chi' d'a Jehová icha tic: —¿Tzam yal vac'an oval yed' eb' filisteo chi'? ¿Ol am ac'och eb' d'a yol in c'ab'? xchi vin̈. Ix tac'vi Jehová chi': —Ixic, ac' oval yed' eb'. A in ol vac'och eb' d'a yol a c'ab', xchi d'a vin̈.

A Ch'an̈ Schab'l Libro Samuel 5:23

Yuj chi' ix sc'anb'ejxi vin̈aj David chi' d'a Jehová. Ix tac'vixi Jehová chi' d'a vin̈: —Man̈ ach c'och d'a sat eb', palta to a d'a spatictac eb' ol ach cotoc. A b'aj ay juntzan̈ te' bálsamo tzach coti.

Salmos 50:15

Ayic ay eyaelal, avtejinec, ol ex in colo', a exxo ol in eyic'chaan̈, xchi Dios.

Salmos 91:15

Ayic ol in eyavtani, ol in tac'voc d'ayex. A in ol in cajnaj eyed'oc, ol ex in colanel d'a syaelal, ol ex vic'anchaan̈.

Ex 15:9

Ix yalan eb' ajc'ol chi' icha tic: Ol on̈ tzac'laj d'a spatic eb' masanto ol yal syamchaj eb' cuuj. Ol quic'anec' tastac ay d'a eb', ol co pucaneq'ui, ichato ol cac' b'ud'joc co c'ool yuuj. Ol quic'anq'ueta q'uen quespada d'a yol yatut, ol co satanel eb', xchi eb'.

Nm 27:21

A d'a vin̈aj Eleazar ol yal vin̈, axo vin̈aj Eleazar chi' ol c'anb'an d'ayin yuj vin̈. A inxo Jehová in tic ol val yed' q'uen Urim tas ol yutej sb'a vin̈. Axo vin̈ ol alan d'a eb' chon̈ab' chi' tas ol aj eb', xchi Jehová chi'.

Jueces 20:18

Ix b'at eb' israel chi' b'aj ayec' scajnub' Dios yic sc'anb'an eb' mach in̈tilal eb' sb'ab'laj och yac' oval yed' eb' yin̈tilal Benjamín chi'. Ix yalan Jehová to a eb' yin̈tilal Judá sb'ab'laj ochi.

Jueces 8:4

Ix emc'och vin̈aj Gedeón yed' 300 eb' vin̈ soldado d'a sti' a' Jordán, vach'chom te c'unb'inacxo eb' vin̈, palta ixto b'atn̈ej tzac'an eb' vin̈ d'a spatic eb' ajc'ol chi', masanto ix c'axpajec' eb' vin̈ d'a a'.

A Ch'an̈ B'ab'el Libro Samuel 10:22

Yuj chi', ix sc'anb'an eb' d'a Jehová tato ayec' vin̈ ta'. Ix yalani to ayec' vin̈, to ix sc'ub'ejel sb'a vin̈ d'a scal juntzan̈ spa eb'.

A Ch'an̈ B'ab'el Libro Samuel 14:37

Yuj chi' ix sc'anb'an vin̈aj Saúl chi' d'a Dios: —¿Tom tzon̈ b'atxi cac' oval yed' eb' filisteo? ¿Ol am ac'och eb' d'a yol co c'ab'? xchi vin̈. Palta maj tac'voclaj Jehová chi' d'a vin̈ d'a jun ac'val chi'.

A Ch'an̈ B'ab'el Libro Samuel 23:2

ix b'at sc'anb'an yab' vin̈ d'a Jehová icha tic: —¿Tzam in a chab'at vac' oval yed' juntzan̈ filisteo chi'? xchi vin̈. Ix tac'vi Jehová: —Ixic ac' oval, tza colancanel chon̈ab' Keila tic, xchi d'a vin̈.

A Ch'an̈ B'ab'el Libro Samuel 23:4

Yuj chi' ix sc'anb'ejxi vin̈ d'a Jehová. Ix tac'vixi d'a vin̈, ix yalani: —Ixic d'a chon̈ab' Keila chi'. A in ol vac'och eb' filisteo chi' d'a yol a c'ab', xchi.

A Ch'an̈ B'ab'el Libro Samuel 28:6

Yuj chi' ix sc'anb'ej vin̈ d'a Jehová, palta maj tac'voclaj d'a vin̈ d'a vayichal, ma d'a eb' sacerdote, ma d'a eb' schecab' Dios.

A Ch'an̈ B'ab'el Libro Samuel 30:18

Masanil tastac ix yelq'uejcot eb' chi', ix yic'xicanec' vin̈aj David chi'. Icha chi' ix aj yic'anpaxcanec' eb' ix yetb'eyum vin̈ schavan̈il.

A Ch'an̈ B'ab'el Libro Samuel 30:19

Malaj junoc anima ix yic'b'at eb' amalecita chi' to maj ec'xican yuj vin̈aj David chi': Eb' vin̈ vinac, eb' ix ix yed' eb' unin, masanil tastac ix yic'xicanec' vin̈.