A Ch'an̈ B'ab'el Libro Samuel 3:6 - Chuj San Mateo Bible

⁶ Ix avajxi Jehová d'a vin̈: —Samuel, xchi. Ix q'uex van vin̈, ix b'atxi vin̈ b'aj ayec' vin̈aj Elí chi', ix yalanxi vin̈: —Ina in tic, ¿tas yuj tzin avtej? xchi vin̈. —Ach vuninal, malaj ach tzach vavtej. B'at vayan̈xi, xchi vin̈aj Elí chi'.

Chuj San Sebastian Bible

⁶ 'Ix 'awj pax Jehová jun 'ejm xo 'ixtic: —¡Samuel! xchi. 'Ix q'uex wan win 'unn cha, 'ix 'atx 'a 'aj 'ayc' Elí, xyaln 'ixtic: —Tic tzin jawi, ¿tas tzal 'ayin? xchi. —Ach 'un, may ach tzach wawtej, 'ixc wayoc, xchi.

A Ch'an̈ B'ab'el Libro Samuel 3:6 ပူးပေါင်းရင်းမြစ်များ

Gn 43:29

Axo ix yilanoch vin̈aj Benjamín vin̈, aton vin̈ junn̈ej snun vin̈ yed'oc, ix yalan vin̈: —¿A am vin̈ eyuc'tac tzac'an unin ix eyal tic d'ayin? xchi vin̈. —Aton vin̈, xchi eb' vin̈. —Yac'ocab' svach'c'olal Dios d'a ib'an̈, xchi vin̈ d'a vin̈aj Benjamín chi'.

A Ch'an̈ Schab'l Libro Samuel 18:22

Ix yalanpax vin̈aj Ahimaas d'a vin̈aj Joab chi': —Eloc val d'a a c'ool, cha in b'at d'a spatic vin̈ aj Etiopía chi', xchi vin̈. Ix tac'vipax vin̈aj Joab chi' icha tic: —¿Tas val yuj tza nib'ej tzach b'ati? ¿Toc ay tas ol ic' d'a jun lolonel chi'? xchi vin̈.

Mt 9:2

Ata' ay jun vin̈ sicb'inac eli, ix ic'jib'at vin̈ d'a sat svaynub' yuj juntzan̈ eb' vin̈ vinac d'a Jesús. Axo ix yilan Jesús to ix yac'och eb' d'a sc'ool. Yuj chi' ix yalan d'a vin̈ sicb'inac el chi': —Ach vetanimail, tec'tec' tzutej a b'a. Ix ac'jican lajvoc a mul, xchi d'a vin̈.

A Ch'an̈ B'ab'el Libro Samuel 3:5

Ix b'at lemnaj vin̈ b'aj ayec' vin̈aj Elí chi', ix yalan vin̈: —Ina in tic, ¿tas yuj tzin avtej? xchi vin̈. —Malaj in tzach vavtej, ixic b'at ec'anxi jichan, xchi vin̈aj Elí chi'. Ix b'at ec'xi jichan vin̈ b'aj vaynac chi'.

A Ch'an̈ B'ab'el Libro Samuel 3:7

A vin̈aj Samuel chi' manto yojtacoc Jehová vin̈, yujto manta b'aj slolon juneloc d'a vin̈.

A Ch'an̈ B'ab'el Libro Samuel 4:16

Ix yalan vin̈: —In petoj d'a scal oval, elelal ix aj in coti, xchi vin̈ soldado chi'. Ix yalan vin̈aj Elí chi' d'a vin̈: —¿Tas val ix uji? xchi vin̈.