A Ch'an̈ B'ab'el Libro Samuel 3:4 - Chuj San Mateo Bible

⁴ ix avaj Jehová d'a vin̈aj Samuel chi', ix yalani: —Samuel, xchi. —Oy, xchi vin̈.

Chuj San Sebastian Bible

⁴ 'ix 'awtx Samuel yuj Jehová 'ixtic: —¡Samuel! xchi. —¡Waj 'a tic! xchi winac.

A Ch'an̈ B'ab'el Libro Samuel 3:4 ပူးပေါင်းရင်းမြစ်များ

Gn 22:1

Ix lajvi yec' jun tiempoal, ix ac'ji proval vin̈aj Abraham yuj Dios, ix avtaj vin̈, ix tac'vi vin̈ icha tic: —Ina vajec' tic Mamin, xchi vin̈.

Gn 22:11

Axo yángel Jehová ix avajemta d'a satchaan̈ icha tic: —Abraham, Abraham, xchi. —¿Tas xchi Mamin? xchi vin̈.

Salmos 99:6

A vin̈aj Moisés yed' vin̈aj Aarón, ec'nac eb' vin̈ d'a scal eb' sacerdote Dios chi'. A vin̈aj Samuel ec'nac vin̈ d'a scal eb' lesalvinac d'a Jehová. Ix tac'vi d'a eb' ayic ix sc'anan scolval eb'.

Ex 3:4

Ayic ix yilan Jehová to van snitzancot sb'a vin̈, ix avajelta d'a scal te' c'ac' chi': —Moisés, Moisés, xchi. —Oy, Mamin, xchi vin̈.

Is 6:8

Ix lajvi chi' ix yalan Jehová chi' icha tic: ¿Mach junoc ol in checb'ati? ¿Mach val junoc ol och co checab'oc? xchi. Yuj chi' ix in tac'vi d'ay: Ina in tic Mamin, chequinb'ati, xin chi.

A Tas Sc'ulejnac Eb' Schecab' Jesús Hechos 9:4

Yuj chi' ix telvi vin̈ d'a sat luum. Ix yab'an vin̈ yoch jun lolonel. Ix yalan icha tic: —Saulo, Saulo, ¿tas yuj tzin ixtej? xchi d'a vin̈.

1 Co 12:28

Yuj chi' ay on̈ ix yac' copisio Dios d'a yiglesia. D'a sb'ab'elal, schecab' Cristo caji. Schab'il, tz'ac'ji copisio calanel slolonel Dios. Yoxil, ay on̈ c'ayb'um on̈. An̈ejtona', ay on̈ sco ch'oxel milagro. Ay on̈ syal cac'an b'oxoc sc'ool eb' penaay. Ay on̈ syal tzon̈ colvaji. Ay on̈ tzon̈ cachvaji. Ay on̈ pax tzon̈ lolon d'a juntzan̈xo ch'oc tial.

A Ch'an̈ B'ab'el Libro Samuel 3:5

Ix b'at lemnaj vin̈ b'aj ayec' vin̈aj Elí chi', ix yalan vin̈: —Ina in tic, ¿tas yuj tzin avtej? xchi vin̈. —Malaj in tzach vavtej, ixic b'at ec'anxi jichan, xchi vin̈aj Elí chi'. Ix b'at ec'xi jichan vin̈ b'aj vaynac chi'.