A Ch'an̈ B'ab'el Libro Samuel 3:10 - Chuj San Mateo Bible

¹⁰ Ix c'och Jehová d'a slac'anil vin̈, ix avaj d'a vin̈ icha ix aj yavtan vin̈ d'a juntac el chi', ix yalani: —Samuel, Samuel, xchi. —Lolonan̈ Mamin, tic svab' a in a checab' in tic, xchi vin̈aj Samuel chi'.

Chuj San Sebastian Bible

¹⁰ Ax Jehová 'ix c'ochx 'a Samuel, 'ix 'och wan ta', 'ix yaln 'icha 'ix yutj yaln 'a yic b'ab'el: ¡Samuel! ¡Samuel! xchi. —Paxtinan̈ Mamin, tic tzin maclj an a checb' in tic, al tas tzal 'ayin, xchi Samuel cha.

A Ch'an̈ B'ab'el Libro Samuel 3:10 ပူးပေါင်းရင်းမြစ်များ

Josué 5:14

—Maay, val yel a in tic Yajal vaj d'a eb' soldado Jehová, xchi. Ayic ix yalan jun chi', ix emc'och n̈ojnaj vin̈aj Josué chi' d'a sat luum d'a yichan̈, ix yalan vin̈ d'ay icha tic: —A checab' in Mamin. ¿Tas a gana tzin c'ulej ticnaic? xchi vin̈.

A Ch'an̈ B'ab'el Libro Samuel 12:2

Aton jun vin̈ tic co reyal, a vin̈ ol ex cuchb'anoc. Ilecnab'i, icham vinac inxo, sacxo xil in jolom, axo eb' vin̈ vuninal ayoch eb' vin̈ eyed'oc. A in ix ex in cuchb'ej yictax quelem in, masanto ticnaic.

A Ch'an̈ B'ab'el Libro Samuel 3:11

Ix yalan Jehová d'a vin̈ icha tic: —Ay jun tas ol in c'ulej d'a chon̈ab' Israel tic, ol te somchajchaan̈ eb' anima yab'ani.

A Ch'an̈ B'ab'el Libro Samuel 3:15

Ix ec'xi jichan vin̈aj Samuel chi', axo yic ix sacb'i, ix sjacan scajnub' Jehová vin̈. Ix xiv vin̈ yalan juntzan̈ chi' d'a vin̈aj Elí chi'.

A Ch'an̈ B'ab'el Libro Samuel 3:21

Ix sch'oxn̈ej sb'a Jehová chi' d'a vin̈ d'a Silo, ix lolon d'a vin̈.

A Ch'an̈ B'ab'el Libro Samuel 3:8

Axo d'a yoxelal ix avajxi Jehová d'a vin̈, ix q'uex vaan vin̈, ix b'atxi vin̈ b'aj ayec' vin̈aj Elí chi': —Ina in tic, yujto a ach tic tzin avtej, xchi vin̈. Ichato chi' ix nachajel yuj vin̈aj Elí to a Jehová tz'avtan vin̈ quelem chi'.

A Ch'an̈ B'ab'el Libro Samuel 3:9

Ix yalan vin̈aj Elí chi' d'a vin̈ icha tic: —Ixic, b'at ec'an̈xi jichan. Tato ay mach tzach avtan junelxo, tzach tac'vi icha tic: Lolonan̈ Mamin, tic svab' a in a checab' in tic, xa chi, xchi vin̈aj Elí chi'. Yuj chi', ix b'at ec'xi jichan vin̈ b'aj vaynac chi'.