A Ch'an̈ B'ab'el Libro Samuel 27:10 - Chuj San Mateo Bible

¹⁰ Sc'anb'an vin̈aj Aquis chi' d'a vin̈: —¿B'ajtil ach xid'ec' ac' oval chi' ticnaic? xchi vin̈. Syalan vin̈aj David chi': Aton d'a sur yic Judá yed' d'a sur yic Jerameel, mato d'a sur yol smacb'en eb' ceneo, xchi vin̈.

Chuj San Sebastian Bible

¹⁰ A yic tzc'anb'n Aquis junjn 'ejm 'ixtc 'a David: ¿Tas chon̈b'al xit' 'ac' lajwc ticnec? xchi. Atn 'a stojlal sur yic Judá, mto 'a stojlal sur yic Jerameel, mto 'a stojlal sur yic slum eb' ceneo, xchi David cha.

A Ch'an̈ B'ab'el Libro Samuel 27:10 ပူးပေါင်းရင်းမြစ်များ

Gn 27:24

Ix sc'anb'anxi vin̈aj Isaac chi' icha tic: —¿Yel am val a ach, ach vuninal Esaú? xchi vin̈. —I', a in ton Esaú in, xchi vin̈aj Jacob chi'.

A Ch'an̈ Schab'l Libro Samuel 17:20

Axo ix c'och eb' vin̈ schecab' vin̈aj Absalón chi', ix sc'anb'an eb' vin̈ d'a ix: —¿B'ajtil ix c'och vin̈aj Ahimaas yed' vin̈aj Jonatán d'a tic? xchi eb' vin̈. Ix tac'vi ix icha tic: —Ato val yec'b'at eb' vin̈ tic. Van am val sc'och eb' vin̈ d'a sti' a a' chi', xchi ix. Ix comon b'at tzac'an eb' vin̈ d'a spatic eb' vin̈ chavan̈ chi' yalani, palta maj ilchajlaj eb' vin̈ yuj eb' vin̈, yuj chi' ix meltzaj eb' vin̈ d'a Jerusalén.

1 Cr 2:25

Aton sb'i eb' vin̈ yuninal vin̈aj Jerameel tic, vin̈ sb'ab'el unin vin̈aj Hezrón: Vin̈aj Ram vin̈ b'ab'el unin, vin̈aj Buna, vin̈aj Orén, vin̈aj Ozem yed' vin̈aj Ahías.

1 Cr 2:9

A eb' vin̈ yuninal vin̈aj Hezrón: Aton vin̈aj Jerameel, vin̈aj Ram yed' vin̈aj Quelubai.

Salmos 119:163

Max yal-laj in c'ool naojq'ue lolonel, ste taccanel in c'ool yuuj, palta tzin xajanej a c'ayb'ub'al.

Salmos 119:29

Ochan̈ ved'oc yic vach' max vesej, tzac'an a vach'c'olal d'ayin yuj a c'ayb'ub'al.

Pr 29:25

A xivc'olal d'a eb' quetanimail, lajan icha junoc yaal, palta tan̈vab'il on̈ yuj Jehová tato scac'och co pensar d'ay.

Nm 24:21

Ix b'at q'uelan vin̈ d'a schon̈ab' eb' quenita, ix yalan vin̈ icha tic: Ex quenita, vach'chom te ay smay e chon̈ab' yic scolan sb'a, vach'chom d'a schontac q'uen nivac tenam tzeyac'q'ue e pat,

Ef 4:25

Yuj chi', man̈xo eyeslaj e ti'oc junjun ex, an̈ej val junoc tas te yel tzeyala', yujto junn̈ej animail caj co masanil.

Jueces 1:16

A eb' yin̈tilal vin̈aj Hobab vin̈ quenita, aton vin̈ sn̈i' vin̈aj Moisés, ix el eb' d'a schon̈ab'il te' Palma, ix b'at eb' yed' eb' yin̈tilal Judá, ix b'at cajnaj eb' d'a scal eb' anima cajan d'a tz'inan lum d'a yol smacb'en Judá d'a Neguev, d'a slac'anil chon̈ab' Arad.

Jueces 4:11

A d'a Cedes d'a slac'anil jun te' mach' d'a Zaanaim, ata' ay scampamento jun vin̈ quenita scuchan Heber, yic'naquel sb'a vin̈ d'a scal eb' yetchon̈ab', aton eb' yin̈tilal vin̈aj Hobab sn̈i' vin̈aj Moisés d'a peca'.

Jueces 5:24

Te vach' yic ix Jael yetb'eyum vin̈aj Heber ceneo d'a yichan̈ masanil eb' ix ix. Vach' yic ix d'a yichan̈ masanil eb' ix ix cajan d'a yoltac mantiado.

A Ch'an̈ B'ab'el Libro Samuel 15:6

Ix yalanb'at vin̈ d'a eb' quenita: —Elan̈ec d'a scal eb' amalecita, yic man̈ ol ex in satel yed' eb', yujto oc'nac e c'ool d'a eb' quetisraelal ayic sjavinac eb' d'a tic, ayic spetoj eb' d'a Egipto, xchib'at vin̈ d'a eb'. Elan̈chamel ix yiq'uel sb'a eb' quenita chi' d'a scal eb' amalecita chi'.

A Ch'an̈ B'ab'el Libro Samuel 21:2

Ix tac'vi vin̈aj David chi': —Atoni, yujto ay tas ix schec vin̈ rey ul in c'ulej, palta snib'ej vin̈ to malaj mach tz'ojtacaneli, axo pax eb' vin̈ ajun ved' jun, ix val d'a eb' vin̈ b'ajtil ol vil-lajxi in b'a yed' eb' vin̈.

A Ch'an̈ B'ab'el Libro Samuel 23:27

Elan̈chamel ix c'och jun vin̈ checab' d'a vin̈aj Saúl chi', ix yalan vin̈: —Mamin rey, meltzajan̈ d'a elan̈chamel, yujto a eb' filisteo toxo ix och eb' d'a yol co chon̈ab', xchi vin̈.

A Ch'an̈ B'ab'el Libro Samuel 27:11

Man̈xa eb' vin̈ vinac, ma eb' ix ix pitzanto scan yuj vin̈aj David chi', yuj chi' juneln̈ej man̈xa mach b'at alan d'a Gat tas sc'ulej vin̈ chi'. A jantac tiempoal ix ec' cajan vin̈ d'a smacb'en eb' filisteo chi', ichan̈ej chi' ix sc'ulej vin̈.

A Ch'an̈ B'ab'el Libro Samuel 29:8

Ix yalan vin̈aj David chi' icha tic: —Mamin rey, ¿tas ix in c'ulej? ¿Tas ix il d'ayin d'a jun tiempoal ayinec' ed' tic, yuj chi' max yal in b'at vac' oval d'a mach ayoch ajc'olal d'ayach? xchi vin̈.