A Ch'an̈ B'ab'el Libro Samuel 26:21 - Chuj San Mateo Bible

²¹ Ichato chi' ix yalan vin̈aj Saúl chi': —Ach David, svojtaquejel ticnaic ma to a in ix och in mul. Icha junoc malaj spensar, icha chi' svutej in b'a, te chuc tzin c'ulej d'ayach. Yuj chi', meltzajan̈. Man̈xo ol vac'laj chucal d'ayach, yujto a d'a jun c'u tic ix a ch'oxeli to ay velc'och d'a yol a sat, xchi vin̈.

Chuj San Sebastian Bible

²¹ —David 'icha to wunnal ach, a ticnec tzwojquej 'eli to an 'ix 'och in mul; 'icha xoj junc 'anma may snab'en, 'ixta xwutj in b'a. Caw wal niwn 'aj xwac' sat in c'ojol. Palta meltzjan̈, man̈x 'a junc maysch'olnil 'oj in b'o 'ayach, yujto a 'a jun c'u tic, 'ix a ch'oxli to caw 'ay wel'ch 'ayach, xchi Saúl.

A Ch'an̈ B'ab'el Libro Samuel 26:21 ပူးပေါင်းရင်းမြစ်များ

A Ch'an̈ B'ab'el Libro Samuel 24:17

Ix yalan vin̈: —A ach tic te tojol a pensar. Te vach' ix utej a pactzitan in chuc pensaril d'ayach.

A Ch'an̈ B'ab'el Libro Samuel 15:24

Ix tac'vi vin̈aj Saúl chi', ix yalan vin̈: —Yel toni, ix och in mul, maj in c'anab'ajej tas ix yal Jehová yed' tas ix al d'ayin, yujto ix in xiv d'a eb' soldado ajun ved'oc, ix in cha vab' tas ix yal eb'.

Ex 9:27

Yuj chi' ix schecan vin̈ rey avtajxicot eb' vin̈ chavan̈ chi', ix yalan vin̈: —Toxo ix nachajel vuuj ticnaic to a in ay in mul yed' in chon̈ab' tic. Palta a Jehová, te tojoln̈ej syutej.

Mt 27:4

Yuj chi', ix yalan vin̈ d'a eb' vin̈: —Ix och val in mul, yujto ix vac'och Jesús chi' d'a yol sc'ab' chamel, palta malaj jab'oc smul, xchi vin̈. Palta ix yalan eb' vin̈: —A on̈ tic, malaj coch d'a a mul chi'. A chumxo d'a chi', xchi eb' vin̈.

A Ch'an̈ B'ab'el Libro Samuel 15:30

Ix yalan vin̈aj Saúl chi' —Yeltoni ix och in mul, palta elocab' d'a a c'ol tzach meltzaj ved'oc yic ay velc'och d'a yichan̈ eb' yajalil co chon̈ab' yed' d'a yichan̈ eb' quetchon̈ab' smasanil. Meltzajan̈ ved'oc, tzon̈ och ejmelal d'a Jehová co Diosal, xchi vin̈.

Salmos 116:15

Te nivan yelc'och d'a yichan̈ Jehová ayic scham junoc mach yicxo.

Salmos 49:8

Max yal-laj co mananel co q'uinal yic vach' ayon̈n̈ej eq'ui, yic max on̈ chami, yujto max techajlaj co tupani.

A Ch'an̈ B'ab'el Libro Samuel 27:4

Ayic ix yab'an vin̈aj Saúl to toxo ix b'atcan vin̈aj David chi' elelal d'a Gat, ix yactan vin̈ sayanec' vin̈.

A Ch'an̈ B'ab'el Libro Samuel 26:24

Icha ix aj ticnaic, te nivan elc'och d'a yol in sat, ichaton val chi' in gana to ay pax velc'och d'a yol sat Jehová. Aocab' Jehová chi' tzin colanel d'a masanil yaelal sjavi d'a vib'an̈, xchi vin̈.

A Ch'an̈ B'ab'el Libro Samuel 18:30

A eb' filisteo ix te ochn̈ej eb' yac' oval yed' eb' israel, palta a vin̈aj David chi', te jelan vin̈ d'a oval d'a yichan̈ juntzan̈xo eb' yetyajalil soldado vin̈aj Saúl d'a juntac el, yuj chi' ix te b'inaj vin̈.

Nm 22:34

Ix yalan vin̈ d'a yángel Jehová chi' icha tic: —Ix och in mul d'ayach, man̈ vojtacoc tato a ach tza mac in b'e tic, yuj chi' tato max scha a c'ol tzin b'ati, syal in meltzaji, xchi vin̈.

A Ch'an̈ B'ab'el Libro Samuel 26:22

Ix tac'vixi vin̈aj David chi': —Mamin rey, ina yajec' q'uen a lanza d'a tic, cotocab' junoc eb' vin̈ a soldado chi' ul yic' q'ueen.

Salmos 72:14

Ol coljoquel eb' d'a yol sc'ab' eb' ixtum anima yed' d'a yol sc'ab' eb' comonn̈ej sb'at d'a yib'an̈ eb' yetanimail, yujto nivan yelc'och sq'uinal eb' meb'a' chi' d'a yichan̈ vin̈.

A Ch'an̈ B'ab'el Libro Samuel 13:13

Ix tac'vi vin̈aj Samuel chi': —Yuj a man̈ pensaril ix a c'ulan jun tic. Octom to ix a c'anab'ajej tas ix yal Jehová co Diosal d'ayach, tato icha chi', ix am yala' to tzach can reyal d'a scal eb' israel d'a juneln̈ej.

A Ch'an̈ Schab'il Libro Yic Yab'ixal Eb' Rey 1:13

Ix lajvi chi' ix schecanxib'at junxo vin̈ capitán vin̈ rey chi' yed' 50-xo eb' vin̈ soldado d'a yoxelal. Palta a jun vin̈ capitán chi', ix q'uec'och vin̈ b'aj ayec' vin̈aj Elías chi', ix em cuman vin̈ d'a yichan̈ vin̈, ix yalan vin̈: —Mamin schecab' Dios, ac' val nivanc'olal d'a vib'an̈ yed' 50 eb' vin̈ soldado a checab' tic.

A Ch'an̈ Schab'il Libro Yic Yab'ixal Eb' Rey 1:14

Yujto a juntzan̈ eb' vin̈ capitán yed' soldado, eb' vin̈ ix b'ab'laj ja d'ayach, ix tz'ab'at eb' vin̈ yuj c'ac' ix cot d'a satchaan̈. A in tic tzin tevi d'ayach to tzon̈ ac' nivanc'olal yic max on̈ chami, xchi vin̈.