A Ch'an̈ B'ab'el Libro Samuel 22:8 - Chuj San Mateo Bible

⁸ Yuj chi' e masanilxon̈ej a ex ayex ec' tic tzex och ajc'olal d'ayin. Malaj mach tz'alan d'ayin, tato a vin̈ vuninal toxo ix yac' strato vin̈ yed' vin̈ yuninal vin̈aj Isaí chi'. Malaj junoc ex ayex ec' tic tzex och jab'oc ilc'olal vuuj. Malaj junoc ex tzeyal d'ayin tato toxo ix och vin̈ vuninal chi' yac'an sc'ol jun in checab', yic tz'och ajc'olal d'ayin in smilan icha sc'ulej ticnaic, xchi vin̈aj Saúl chi'.

Chuj San Sebastian Bible

⁸ ¿Tom yuj cha, tzex 'och 'ajc'ojlal 'ayn e masnil? May junc mach tzaln 'ayin, toto a win wunnal, tox 'ix yac' win strato yet' win yunnal Isaí cha. May junc ex tzex 'och 'il jac wu'uj. May tas tzeyala toto a win wunnal, wan ya'n win sc'ojloc win in checab', sec tz'och 'ajc'ojlal 'ayin, yic tzmacn in sat 'aj tzin 'eq'ui, 'icha wan yutn tic, xchi.

A Ch'an̈ B'ab'el Libro Samuel 22:8 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 6:11

A vin̈ sreyal Siria chi', ix te somchaj spensar vin̈, yuj chi' ix yavtej eb' vin̈ yajalil soldado vin̈, ix yalan vin̈: —Alec d'ayin mach junoc d'a co cal tic ayoch yed' vin̈ sreyal Israel chi', xchi vin̈ d'a eb' vin̈.

Job 33:16

A Dios slolon d'a co pensar, yic tzon̈ cachjioch vaan d'a tas sco c'ulej, icha chi' tz'aj on̈ xib'tanpaxi.

A Ch'an̈ B'ab'el Libro Samuel 18:1

Ayic ix lajvi slolon vin̈aj David yed' vin̈aj Saúl chi', axo vin̈aj Jonatán yuninal vin̈aj Saúl chi', te vach' ix yil vin̈aj David chi' vin̈ icha val syutej syailan sb'a.

A Ch'an̈ B'ab'el Libro Samuel 18:3

Ix yac' sti' vin̈aj Jonatán d'a vin̈aj David chi' to vach' ol yil-laj sb'a eb' vin̈ d'a masanil tiempo, yujto te xajan vin̈aj David chi' yuj vin̈.

A Ch'an̈ B'ab'el Libro Samuel 20:2

Ix tac'vi vin̈aj Jonatán chi': —Man̈ jab'oc, man̈ ol ach chamlaj. Scham a naani to a masanil tas sc'ulej vin̈ in mam chi', syaln̈ej vin̈ d'ayin, vach'chom nivan yelc'ochi, ma quenn̈ej. ¿Tom ijan man̈ ol yal vin̈ d'ayin yuj jun tic? Maay amlaj, xchi vin̈.

A Ch'an̈ B'ab'el Libro Samuel 20:42

Ix lajvi chi', ix yalan vin̈aj Jonatán chi' d'a vin̈: —Ixic, junc'olal a b'ati yujto a co ti' ix cac' co chavan̈il, d'a yichan̈ Jehová ix cala'. Ix co c'an d'a Jehová chi' to ayn̈ejocab'och qued'oc co chavan̈il yed' eb' quin̈tilal yic tz'elcanc'och b'aj ix cac' co ti', yic vach'n̈ej pax cac'ani yed' eb' quin̈tilal, xchi vin̈. Ix lajvi chi', ix b'atcan vin̈aj David chi', axo vin̈aj Jonatán chi' ix meltzajcancot vin̈ d'a chon̈ab'.

A Ch'an̈ B'ab'el Libro Samuel 20:8

Ina to toxo ix cac' co ti' d'a yichan̈ Jehová to vach' cac'ani, yuj chi' tzin c'an jun tic d'ayach. Palta tato yel ay in mul, syal in a milanchamoc, man̈ yovaliloc tzin ic'b'at d'a yichan̈ vin̈ a mam chi', xchi vin̈.

A Ch'an̈ B'ab'el Libro Samuel 22:13

Ix sc'anb'an vin̈aj Saúl chi' d'a vin̈ icha tic: —¿Tas yuj ayach och ajc'olal d'ayin yed' vin̈ yuninal vin̈aj Isaí chi'? Ix ac' svael vin̈, ix ac'anpax jun q'uen espada d'a vin̈, ix a c'anb'an d'a Dios yuj vin̈, yic tz'och vin̈ ajc'olal d'ayin yic tzin smilani, ichaton sc'ulej vin̈ ticnaic, xchi vin̈.

A Ch'an̈ B'ab'el Libro Samuel 23:21

Ix yalan vin̈aj Saúl chi' d'a eb': —Yac'ocab' svach'c'olal Jehová d'a eyib'an̈, yujto tz'oc' e c'ool d'ayin.