A Ch'an̈ B'ab'el Libro Samuel 22:1 - Chuj San Mateo Bible

¹ Ix elxi vin̈aj David chi' ta', ix b'at sc'ub'anel sb'a vin̈ d'a jun q'uen n̈aq'ueen d'a yol yic Adulam. Ayic ix yab'an eb' vin̈ yuc'tac vin̈ yed' eb' sc'ab' yoc vin̈ b'aj ayec' vin̈, ix b'at eb' vin̈ sc'ub'ejel sb'a yed' vin̈.

Chuj San Sebastian Bible

¹ Xlajw cha, 'ix 'atx David chi ta', 'ix 'at sc'ub'nc 'el sb'a 'a yol jun n̈aq'uen 'ay 'a yol yic Adulam. Ax yic xyab'n eb' yu'tac yet' eb' yicanto sb'a yet'oc, chajtlto ata 'ayc' ta', 'ix c'och eb' yet'oc.

A Ch'an̈ B'ab'el Libro Samuel 22:1 ပူးပေါင်းရင်းမြစ်များ

Gn 38:1

A d'a jun tiempoal chi', a vin̈aj Judá ix spojel sb'a vin̈ d'a eb' yuc'tac, ix b'at cajnaj vin̈ d'a slac'anil jun vin̈ vinac scuchan Hira, aj chon̈ab' Adulam.

1 Cr 11:15

A d'a junel, a oxvan̈ eb' vin̈ soldado te b'inajnac chi', ix b'at eb' vin̈ d'a sattac q'ueen yic b'at schalan sb'a eb' vin̈ yed' vin̈aj rey David d'a jun q'uen n̈aq'ueen scuchan Adulam. Axo eb' filisteo ay scampamento eb' d'a sch'olanil Refaim.

Salmos 34:1

Svic'chaan̈ Jehová d'a masanil tiempo, svaln̈ej vach' lolonel d'ay.

Miqueas 1:15

Ix yalan Jehová icha tic: Ex cajan ex d'a Maresa, ol vac'och e chon̈ab' chi' d'a yol sc'ab' eb' ajc'ool. A eb' nivac yelc'och d'a scal eb' israel, ol b'at sc'ub'ejel sb'a eb' d'a yoltac q'uen n̈aq'ueen d'a Adulam.

Miqueas 1:3

Ol elta Jehová b'aj cajan, ol b'eycot d'a schontac lum vitz.

A Ch'an̈ Carta D'a Eb' Hebreo 11:38

Man̈ smojoc eb' ay d'a yolyib'an̈q'uinal tic yec' juntzan̈ anima vach' tic d'a scal. A eb' chi', ichn̈ejta' ec'nac eb' d'a tz'inan luum yed' d'a tzalquixtac. Ec'nac cajan eb' d'a yoltac q'uen n̈aq'ueen yed' d'a yoltac olan.

A Ch'an̈ B'ab'el Libro Samuel 24:4

Yuj chi' ix yal eb' vin̈ ajun yed' vin̈aj David chi': —A ticnaic ix elc'och tas ix yal Jehová to syac'och vin̈ ajc'ool d'a yol a c'ab'. A ach tza na'a tas tzutej, xchi eb' vin̈ d'a vin̈. Ix q'ue vaan vin̈, te c'ojanc'olal ix cot vin̈, ix spolanel jab' sti' sjucan pichul vin̈aj Saúl chi' vin̈.