A Ch'an̈ B'ab'el Libro Samuel 21:5 - Chuj San Mateo Bible

⁵ Ix tac'vi vin̈aj David chi' icha tic: —Ayxotax scan eb' ix cuuj, chab'jitax on̈ coti. Vach'chom yel, man̈ yicoc Jehová jun co checnab'il tic, palta yictax on̈ coti, vach'xo yaj eb' vin̈ ved'nac chi' icha yalan ley, yuj chi' yel vach'xo yaj eb' vin̈ ticnaic, xchi vin̈.

Chuj San Sebastian Bible

⁵ —A eb' 'ix 'ix cha, 'ayx xcan eb' 'ix cuj on̈, chab'ji xo on̈ cotcn ticnec. Wach'xam a jun qui checnb'il may wal yel'chi, palta a ewin in checb' cha, wach'x yaj ewin sacb'tzan sb'a yic on̈ cot on̈, ax ticnec yel xo wal sacx yaj ewinac, xchi David cha.

A Ch'an̈ B'ab'el Libro Samuel 21:5 ပူးပေါင်းရင်းမြစ်များ

Ex 19:14

Ix lajvi chi', ix paxta vin̈aj Moisés d'a jolom vitz chi', ix ul yalan vin̈ d'a eb' israel chi' to sacb'itej sb'a eb', sjuc'anpaxel spichul eb'.

Ex 19:15

Ix yalan vin̈aj Moisés chi' d'a eb': —A ticnaic sacb'itejec e b'a, yujto tzex och ejmelal d'a Jehová chab'ej. Man̈xo ex vay yed' eb' ix eyetb'eyum d'a chab' c'ual tic, xchi vin̈ d'a eb'.

Ex 25:30

Sb'ojiem jun mexa chi' d'a vichan̈, tz'em ixim pan vic yaj d'a yib'an̈.

Lv 24:9

Axo juntzan̈ ixim pan tz'ic'jiel chi', yic vin̈aj Aarón yed' eb' yin̈tilal yaj ixim d'a masanil tiempo. A eb' chi' svaan ixim pan chi' d'a junoc lugar to vic yaji, yujto te nivan yelc'och ixim d'a scal juntzan̈xo silab' yictaxon eb' sacerdote tz'ic'jiel d'a juntzan̈ ofrenda sn̈usjitz'a d'a vichan̈, xchi Jehová chi'.

Lv 8:26

Ix yic'ancot jun yune' mooch ixim pan vin̈ malaj yich, ix yac'och vin̈ d'a yichan̈ Jehová. Ix yic'anq'ueta jun ixim pan chi' vin̈ d'a yol mooch chi' yed' junxo ixim calab'il yed' aceite yed' jun ixim c'oxox b'ob'il d'a ixim harina, ix yac'anq'ue vin̈ d'a yib'an̈ noc' xepu' chi' yed' d'a yib'an̈ noc' xub' d'a svach'.

A Tas Sc'ulejnac Eb' Schecab' Jesús Hechos 9:15

Palta ix yalanxi Jesús Cajal chi' d'a vin̈: —Ixic, yujto a vin̈aj Saulo chi', ix in siq'uel vin̈, yic vach' ol yalel in lolonel vin̈ d'a scal eb' man̈ israeloc, d'a yichan̈ eb' rey yed' d'a scal eb' eyetisraelal.

1 Co 7:5

Yuj chi', yovalil tze c'anab'ajej tas sgana eb' ix e yetb'eyum d'ayex. An̈ej, tato jun tz'aj e pensar tzeyactancan jun chi' jayeoc c'ual, yic vach' tzex lesalvi d'a Dios d'a smasanil e c'ool. Slajvi yec'b'at jaye' c'ual chi', junn̈ej tzex ajxicani, yic vach' max ex juviel yuj vin̈ Satanás. Yujto ay smay, max yal e cachan och vaan e nivanil chi'.

A Sb'ab'el Carta San Pedro 3:17

Te vach' tato scab' syail yuj co vach' b'eyb'al, tato icha chi' tz'el d'a sc'ool Dios, d'a yichan̈ to yuj co chuc b'eyb'al scab' syail.