A Ch'an̈ B'ab'el Libro Samuel 20:12 - Chuj San Mateo Bible

¹² Ayic ix c'och eb' vin̈ b'aj man̈xalaj anima, ix yalan vin̈aj Jonatán chi': —Yojtac Jehová co Diosal to yel svala'. A q'uic'an, ma chab'ej yab' icha tic, tzin c'anb'ej d'a vin̈ in mam chi', tas nab'il yuj vin̈. Tato vach' tas sna' vin̈ d'a a patic, svalcot ab'i.

Chuj San Sebastian Bible

¹² Axta xyal Jonatán 'ixtc 'a 'a: —Caw tzwac' in ti 'aych 'a yojltac Jehová qui Diosalec an̈ israel on̈c tic, yab'n 'icha hora tic q'uic'an mto chab'ej 'oj in c'anb'c wab' 'a in mam chi o'oj, toto wach' tas tzna 'a eb'an̈, 'oj wal cot ab'i'.

A Ch'an̈ B'ab'el Libro Samuel 20:12 ပူးပေါင်းရင်းမြစ်များ

A Ch'an̈ Schab'l Libro Samuel 21:7

Maj ac'jilaj vin̈aj Mefi-boset d'a yol sc'ab' eb', aton vin̈ yuninal vin̈aj Jonatán yixchiquin vin̈aj Saúl, yujto yac'nac sti' vin̈aj David d'a vin̈aj Jonatán chi' d'a yichan̈ Jehová to man̈ ol miljoccham yin̈tilal vin̈.

Job 31:4

¿Tocval max yil Dios tas tzin c'ulej yed' b'ajtac tzin eq'ui?

Salmos 17:3

Ojtac masanil tas tzin na'a, vach'chom d'ac'valil. Ix in a b'eyc'olej, palta malaj jab'oc chucal ix ilchaj uuj d'ayin. Toxo ix in na' to malaj tas chuc ol vala'. Icha syal a lolonel, najat ix in elcan d'a sb'eal eb' comonxon̈ej smac'an eb' yetanimail.

Pr 20:5

A tastac c'ub'ab'ilel d'a co pensar, lajan icha junoc a a' ay d'a yol junoc olan jul yich, palta axo eb' ay spensar jun, syaln̈ej snachajel yuj eb' tastac ay d'a co pensar chi'.

Josué 22:22

—A Jehová Syal Yuj Smasanil, yojtac to ix co b'o jun altar chi', man̈ yujoc co paticaneli, man̈ yujoc pax quic'anel co b'a d'ay. Yojtac Jehová chi' tas yaji. Comonoc snachajpaxel eyuuj. Tato yuj co pitan co b'a d'ay, mocab' on̈ eyac' nivanc'olal.

A Ch'an̈ B'ab'el Libro Samuel 20:11

Ix yalan vin̈aj Jonatán chi': —Con̈ ved'oc, con̈ el d'a spatiquel chon̈ab' tic, xchi vin̈. Ix b'at eb' vin̈ schavan̈il.

A Ch'an̈ B'ab'el Libro Samuel 20:13

Tato chuc spensar vin̈ d'a a patic jun, aocab' Jehová ol ac'an in yaelal tato max val d'ayach yuj tas ol aj a colan a b'a. Axo ticnaic, colvajocab' Jehová ed'oc icha ix aj scolvaj yed' vin̈ in mam chi'.

A Ch'an̈ B'ab'el Libro Samuel 23:18

Ix snaanxicot strato eb' vin̈ schavan̈il d'a yichan̈ Jehová. Ix lajvi chi', ix meltzajxi vin̈aj Jonatán chi' d'a spat, axo pax vin̈aj David chi', ix cann̈ej vin̈ d'a Hores chi'.