A Ch'an̈ B'ab'el Libro Samuel 2:26 - Chuj San Mateo Bible

²⁶ Axo pax vin̈aj yune' Samuel chi', van sq'uib' vin̈, vach' tas sc'ulej vin̈ d'a sat Jehová yed' pax d'a eb' anima.

Chuj San Sebastian Bible

²⁶ Ax win quelm Samuel 'ipn sq'uib'i, caw wach' snab'en 'a sat Dios yet' 'a sat eb' 'anma'.

A Ch'an̈ B'ab'el Libro Samuel 2:26 ပူးပေါင်းရင်းမြစ်များ

Gn 39:4

Yuj chi', te vach'n̈ej vin̈aj José d'a yichan̈ vin̈ spatrón chi'. Ix yac'och vin̈ vin̈ stan̈vumaloc spat yed' masanil tastac ay d'ay.

Pr 3:3

Man̈ actejcan a b'eyb'alan vach'il, tza c'anab'ajejn̈ej tas ix ala'. Cham val a naani, satta a c'ool d'ay.

Pr 3:4

Yuj chi' vach' ach ol ach yil Dios, ol ach b'inajpax yuj eb' anima.

Lc 1:80

Axo ix q'uib' jun unin chi', ix te och yip d'a yic Dios, ix cajnaj d'a tz'inan luum, masanto ix c'och stiempoal ayic ix sch'oxanelta sb'a d'a eb' yetisraelal.

Lc 2:40

Axo jun unin chi', ipan yel q'uinal d'ay, van sq'uib'i, van sjelanb'i, ay val och svach'c'olal Dios d'ay.

Lc 2:52

Vann̈ej sq'uib' Jesús chi', ipan yaj spensar. Stzalaj val Dios yed'oc, stzalaj pax eb' anima yed'oc.

A Tas Sc'ulejnac Eb' Schecab' Jesús Hechos 2:47

Slaj yalan vach' lolonel eb' d'a Dios, ste tzalaj pax eb' anima smasanil yed' eb'. Axo Jesús Cajal tz'ac'an q'uib' sb'isul eb' d'a junjun c'u, yuj eb' van scolchaj chi' yuuj.

Ro 14:18

Tato icha chi' scutej cac'an servil Cristo, ol tzalaj Dios qued'oc. Ol yilanpax eb' quetanimail to vach' co b'eyb'al.

Jueces 13:24

Ayic ix alji yune' ix chi', Sansón ix yac' ix sb'iej. Ix q'uib' vin̈ unin chi', ix yac' svach'c'olal Jehová d'a yib'an̈ vin̈.

A Ch'an̈ B'ab'el Libro Samuel 2:21

Axo Jehová, ix ac'an svach'c'olal d'a ix Ana chi'. Ix alji oxvan̈ svinac unin ix yed' chavan̈ ix unin. Axo pax vin̈aj Samuel, van sq'uib' vin̈ d'a scajnub' Jehová.

A Ch'an̈ B'ab'el Libro Samuel 3:19

Yacb'an van sq'uib' vin̈aj Samuel chi', a Jehová ayn̈ejoch yed' vin̈. Masanil lolonel syal vin̈ tz'eln̈ejc'ochi.