A Ch'an̈ B'ab'el Libro Samuel 19:4 - Chuj San Mateo Bible

⁴ Ix yalan vin̈aj Jonatán d'a vin̈ smam chi' yuj tastac vach' sc'ulej vin̈aj David chi' icha tic: —Mamin, man̈ vach'oc tato tzach och ajc'olal d'a vin̈aj David a checab', yujto malaj b'aj tz'och smul vin̈ d'ayach, yujto nivan tas vach' ix ic' d'a spatic vin̈.

Chuj San Sebastian Bible

⁴ 'Ix yaln Jonatán 'a Saúl yuj swach'loc David. Xyaln 'ixtic: —Mamin rey, man̈ 'och a mul 'a jun a checb' David, yujto may junc tas tu 'ix 'el sb'on 'ayach. Caw wach'n̈j tas tz'el sb'on 'ayach;

A Ch'an̈ B'ab'el Libro Samuel 19:4 ပူးပေါင်းရင်းမြစ်များ

Gn 42:22

Ix yalanpax vin̈aj Rubén d'a eb' vin̈ yuc'tac chi' icha tic: —Valnac d'ayex to max eyutej e b'a d'a vin̈ icha chi', palta man̈ e chanacoc eyab'i tas valnac chi'. A ticnaic, tic val scot d'a quib'an̈ yuj schamel vin̈, xchi vin̈.

Gn 9:6

A mach smilancham yetanimail, anima pax ol milanchamoc, yujto a ex anima ex tic, icha on̈ tic, icha chi' ex cutej co b'oani.

2 Cr 6:22

Q'uinaloc ay junoc mach tz'ac'jioch d'a yib'an̈ to ix och smul d'a junoc yetanimail, tz'ic'chajcoti, tzul yac'an sti' d'a yichan̈ altar d'a jun a templo tic,

Salmos 35:12

A in vach'c'olal chuc ix yutej eb' spactzitan d'ayin, ix in stzuntzej cus eb'.

Salmos 59:4

Mamin, malaj in mul d'a eb'. Malaj tas chuc ix in c'ulej. Palta snanonec' sc'ol eb' yac'an chucal d'ayin. Mamin, il in coti, cotan̈, tzul in a colani.

Pr 17:13

A eb' chuc syutej spactzitan vach'il, malaj b'aq'uin̈ tz'el yaelal d'a yol spat eb'.

Jeremías 18:20

¿Tom yed' chucal tz'aj spactzitaj vach'c'olal? A eb' chi' toxo ix sna eb' tas ol yutej eb' in smilanchamoc. Nacoti to ix in c'och d'a ichan̈ in tevi d'ayach yuj svach'iloc eb', yic max ac'cot yoval a c'ol d'a yib'an̈ eb'.

1 Co 8:12

Yuj chi', a eb' mantalaj stec'anil chi', tato eyuuj tz'ixtaxel spensar eb', a d'a Cristo tz'och e mul.

1 Jn 3:15

Tato an̈eja' schichonoch co c'ool d'a eb' quetcreyenteal, mac'umcham anima on̈ d'a yichan̈ Dios. Palta cojtac to malaj junoc mac'umcham anima ay sq'uinal d'a juneln̈ej.

A Ch'an̈ B'ab'el Libro Samuel 2:25

Tato ay junoc mach tz'och smul d'a junoc yetanimail, tzato yal scolvaj Dios yed'oc. Palta tato ay junoc mach tz'och smul d'a Jehová, ¿mach ol colanoc? xchi vin̈aj Elí chi'. Malaj jab'oc yelc'och tas ix yal vin̈ smam eb' vin̈ chi' d'ay, yujto toxo ix sna' Jehová to ol cham eb' vin̈.

A Ch'an̈ B'ab'el Libro Samuel 20:32

Ix tac'vi vin̈aj Jonatán chi' icha tic: —¿Tas yuj ol cham vin̈? ¿Tom ay junoc tas chuc ix sc'ulej vin̈, yuj chi' icha chi' tzala'? xchi vin̈.

A Ch'an̈ B'ab'el Libro Samuel 22:14

Ix yalan vin̈aj Ahimelec chi' d'a vin̈ rey chi': —Mamin rey, ¿mach junoc d'a scal eb' a checab' sc'anab'ajej val icha vin̈aj David, an̈ejtona' to a n̈i' pax vin̈, yajal pax yaj vin̈ d'a scal eb' a tan̈vumal, te nivan pax yelc'och vin̈ d'a a palacio?