A Ch'an̈ B'ab'el Libro Samuel 18:8 - Chuj San Mateo Bible

⁸ A jun chi', te ya ix och ix yab' vin̈aj Saúl chi', yuj chi' ix chichonq'ue sc'ool vin̈, ix yalan vin̈: —Ste ic'jivalchaan̈ vin̈aj David d'a vichan̈, yuj chi' syal eb' ix ix tic to lajlajun̈ miltac ix smilcham vin̈, a inxo tic jayen̈ej mil ix in milchamoc. Jab'xon̈ej val yoch vin̈ tic reyal in q'uexuloc, xchi spensar vin̈ chi'.

Chuj San Sebastian Bible

⁸ Caw wal xcot yowl Saúl 'a yic xyaln eb' 'ix jun tzo'n̈ cha, yuj cha, xyaln win 'ixtic: —Yel xo niwn yel'ch David yuj eb' 'ix 'a wib'an̈, yuj cha, tzyaln eb' 'ix chajtlto 'ec'b'al lajn̈e mil eb' 'ajc'ojl smil chamoc, an xo jab' wal 'ec'b'al jun mil 'ix in mil cham yal eb' 'ix. Jab' xoj wal 'oj ya'ch eb' jun winc tic reyal, xchi Saúl.

A Ch'an̈ B'ab'el Libro Samuel 18:8 ပူးပေါင်းရင်းမြစ်များ

Gn 37:11

Icha chi' ix aj sq'ue vaan schichonc'olal eb' vin̈ yuc'tac vin̈ chi' d'a spatic, palta axo vin̈ smam vin̈ chi', ix snaub'tan̈ej val vin̈ tas val syalelc'och jun svayich vin̈ chi'.

A Ch'an̈ B'ab'el Libro Yic Yab'ixal Eb' Rey 2:22

Ix tac'vi vin̈ d'a ix snun chi': ¿Tas yuj tzul a c'an ix Abisag yetb'eyumoc vin̈aj Adonías chi'? Ichato tzul a c'ana' to svac' vopisio tic d'a vin̈, yujto b'ab'el vinac vin̈, aypaxoch vin̈aj sacerdote Abiatar yed' vin̈aj Joab yune' ix Sarvia yed' vin̈, xchi vin̈ d'a ix.

Ester 3:5

Ayic ix yilan vin̈aj Amán to yel max emlaj cuman vin̈aj Mardoqueo chi', max empax n̈ojan vin̈ d'a yichan̈ vin̈ ayic tz'ec' vin̈, ix te cot yoval vin̈.

Pr 13:10

A eb' ac'umtac, an̈ej oval sq'ue vaan yuj eb'. Axo eb' emnaquil syutej sb'a jun, scha yab' razón eb'.

Pr 27:4

A c'ac'alc'olal te chuc, nivan tas tz'ixtaxb'at yuuj, palta axo chichonc'olal, malaj mach syal stec'b'an sb'a d'a yichan̈.

Ec 4:4

Ix vilanpaxi to ay b'aj squixtej co b'a co munlaji yic sco nib'an nivan tz'aj quelc'och yed' tastac ay d'ayon̈ d'a yichan̈ juntzan̈xo eb'. Malaj yelc'och b'aj squic'chaan̈ co b'a chi', yujto lajan val icha b'aj sco nib'ej sco yam ic', palta max yamchajlaj cuuj.

Nm 11:1

Ay jun c'u ix och ijan eb' israel yalan chucal lolonel d'a Jehová yuj yaelal tz'ec' d'a yib'an̈ eb'. A ix yab'an juntzan̈ lolonel chi' Jehová chi', ix te cot yoval d'a eb', ix yac'cot jun nivan c'ac' d'a scal eb', ix tz'ab'at eb' cajan d'a stitaquel campamento chi'.

Nm 22:34

Ix yalan vin̈ d'a yángel Jehová chi' icha tic: —Ix och in mul d'ayach, man̈ vojtacoc tato a ach tza mac in b'e tic, yuj chi' tato max scha a c'ol tzin b'ati, syal in meltzaji, xchi vin̈.

Santiago 4:5

¿Tom tze na'a to malaj yelc'och Slolonel Dios Tz'ib'ab'ilcani? Aton jun tz'alan icha tic: A Dios ix yac'och cajan Yespíritu d'ayon̈. Axo Yespíritu chi', snib'ej to an̈ej ayon̈ yic d'a juneln̈ej, xchi.

A Ch'an̈ B'ab'el Libro Samuel 13:14

Ocxo jun, man̈xo ol najtilax opisio. Ol say Jehová mach junoc sc'anab'ajan tas snib'ej, a ol och yajalil d'a schon̈ab', yujto ix a tenec' tas ix yala'.

A Ch'an̈ B'ab'el Libro Samuel 15:28

Yuj chi' ix yal vin̈aj Samuel chi' d'a vin̈ icha tic: —Icha val ix utej a n̈ic'chitan in pichul tic, icha chi' ol yutej Jehová yic'anel opisio d'a reyal d'a yol a c'ab', ol yac'anoch d'a yol sc'ab' junxo quetchon̈ab' ec'to vach' d'a ichan̈.

A Ch'an̈ B'ab'el Libro Samuel 16:13

Ix lajvi chi', ix yic'ancot noc' sch'aac vin̈aj Samuel chi', aton b'aj ayem aceite. D'a yichan̈ eb' vin̈ yuc'tac vin̈ chi' smasanil ix yac'q'ue aceite vin̈aj Samuel chi' d'a sjolom vin̈. A vin̈ chi' David sb'i vin̈. Atax d'a jun c'u chi' ix och Yespíritu Jehová d'a vin̈. Axo yic ix lajvi sva eb', ix meltzajxi vin̈aj Samuel chi' d'a Ramá.

A Ch'an̈ B'ab'el Libro Samuel 18:9

Atax ta' ix ochcan chi'an sc'ol vin̈ d'a vin̈aj David chi'.

A Ch'an̈ B'ab'el Libro Samuel 19:1

Ix yalan vin̈aj Saúl d'a vin̈aj Jonatán yed' d'a eb' ay yopisio to smilcham vin̈aj David eb'. Palta te xajan vin̈aj David chi' yuj vin̈aj Jonatán chi',

A Ch'an̈ B'ab'el Libro Samuel 20:31

¿Tom max nachajel jab'oc uuj to yacb'an pitzan vin̈ yuninal vin̈aj Isaí chi', man̈ ol ach och reyal yed' pax eb' in̈tilal? A ticnaic, ac'b'at sayumal vin̈, tzic'ancot vin̈ d'ayin, ol in milancham vin̈, xchi vin̈.