A Ch'an̈ B'ab'el Libro Samuel 14:1 - Chuj San Mateo Bible

¹ Ay jun c'ual ix yal vin̈aj Jonatán vin̈ yuninal vin̈aj Saúl chi' d'a vin̈ ed'jinac syamc'ab' yic oval: —Con̈ ec' d'a junxo c'axep chi', ol on̈ c'och b'aj ayec' eb' filisteo chi', xchi vin̈. Maj yal-laj vin̈aj Jonatán chi' d'a vin̈ smam chi'.

Chuj San Sebastian Bible

¹ 'Ay jun c'ual, 'ix yal Jonatán win yunnal Saúl 'a jun schecb' 'et'jnac syamc'ab' yic owal, xyaln 'a 'ixtic: —Con̈ wet'oc, 'e'con̈ 'a junx c'axp 'ec' cha, ax qui c'och 'a 'aj 'ay yet'l eb' filisteo, xchi. Palta may tas 'ix yal yab' smam.

A Ch'an̈ B'ab'el Libro Samuel 14:1 ပူးပေါင်းရင်းမြစ်များ

Miqueas 7:5

Yuj chi' ex vetchon̈ab', mocab' eyac'och tas syal eb' ay d'a e lac'anil d'a e c'ool, man̈ eyac'och junoc eyamigo yipoc e c'ool. Scham e naan tas tzeyal yed' ix eyetb'eyum.

Jueces 14:6

D'a val jun rato chi', ix och Yespíritu Jehová d'a vin̈, ix te och yip vin̈, malaj val jab'oc tas yed'nac vin̈ yed' val sc'ab' vin̈ ix sjecchitanb'at jun noc' choj chi', icha tz'aj sjecchitajb'at junoc yune' chiva. Maj yal-laj vin̈ d'a smam snun tas ix sc'ulej chi'.

Jueces 14:9

Ix yic'anelta noc' vin̈, ix sloan vin̈, ix b'at vin̈. Axo ix c'och vin̈ d'a spatic smam snun chi', ix yac'an noc' yalchab' chi' vin̈ slo eb'. Maj yal-laj vin̈ d'a eb' tato a d'a yol sjoyumteal sb'aquil noc' choj ix yiq'uelta noc' yalchab' chi' vin̈.

Jueces 6:27

Yuj chi' ix b'at vin̈, ix yic'anb'at lajun̈van̈ schecab' vin̈, ix sc'anab'ajan vin̈ icha ix aj yalan Jehová chi'. Palta ix xiv vin̈ sb'oan d'a c'ualil yuj eb' sc'ab' yoc vin̈ smam. Ix xivpax vin̈ d'a eb' anima cajan d'a chon̈ab' chi', yuj chi' d'ac'valil ix laj sb'o juntzan̈ chi' vin̈.

A Ch'an̈ B'ab'el Libro Samuel 13:2

ix sic'anel oxe' mil soldado vin̈ d'a scal eb' israel. Chab' mil ix can yed' vin̈ d'a Micmas d'a tzalquixtac d'a slac'anil Betel. Axo junxo mil eb' ix can yed' vin̈aj Jonatán yuninal vin̈ d'a Gabaa d'a yol yic eb' yin̈tilal Benjamín. Axo juntzan̈xo eb' ix cani, ix checji pax eb' yuj vin̈ d'a spat.

A Ch'an̈ B'ab'el Libro Samuel 13:22

Yuj chi', malaj junoc eb' soldado israel ed'jinac yespada, ma slanza, an̈ej vin̈aj Saúl yed' vin̈aj Jonatán ed'jinac yico' ayic ix och oval chi'.

A Ch'an̈ B'ab'el Libro Samuel 13:23

Axo jun macan̈ eb' soldado eb' filisteo, macb'il b'aj lod'an yuj eb', aton b'aj tz'ec' sb'eal Micmas.

A Ch'an̈ B'ab'el Libro Samuel 14:2

Axo vin̈aj Saúl chi', a d'a slac'anil Gabaa ay scampamento vin̈, d'a yich jun te' granado b'aj stec'ji ixim trigo, 600 eb' soldado ajun yed' vin̈.

A Ch'an̈ B'ab'el Libro Samuel 25:19

Ix yalan ix d'a eb' schecab' chi': —B'ab'lajan̈ec, tzac'anto ol in b'at eyuuj, xchi ix. Malaj tas ix yal ix d'a vin̈ yetb'eyum chi'.