A Ch'an̈ B'ab'el Libro Samuel 12:5 - Chuj San Mateo Bible

⁵ —A Jehová yed' vin̈ ix sic'och co reyaloc tic, testigo tz'ajcan eb' to malaj in mul ix och d'ayex, xchi vin̈aj Samuel chi'. —Maay, malaj tasi, xchi eb' anima chi'.

Chuj San Sebastian Bible

⁵ A Jehová yet' win xya'cn 'och qui reyloc tic, a tz'ochcn e testigooc 'a jun c'u tic, chajtlto may in mul x'ilchj eyu'uj, xchi Samuel. —'Ixtnta', xchi eb' chon̈b' cha.

A Ch'an̈ B'ab'el Libro Samuel 12:5 ပူးပေါင်းရင်းမြစ်များ

Gn 31:50

Tato ol ixtej eb' ix visil tic, mato ol a say juntzan̈ocxo eb' ix ol och etb'eyumoc, vach'chom malaj mach tz'ac'an testigoal, palta a Dios testigo, xchi vin̈.

Job 16:19

Ay jun ayoch in testigooc ayec' d'a satchaan̈, a' ol och ved'oc.

Job 42:7

Ayic ix lajvi yalan juntzan̈ tic Jehová d'a vin̈aj Job chi', ix yalanpax d'a vin̈aj Elifaz chi' icha tic: Scot val voval d'ayach yed' chavan̈xo eb' vin̈ ajun ed' chi', yujto man̈ vach'oc tas ix eyal d'a in patic, man̈ lajanoc ix eyutej e b'a yed' vin̈ in checab' aj Job tic.

Salmos 17:3

Ojtac masanil tas tzin na'a, vach'chom d'ac'valil. Ix in a b'eyc'olej, palta malaj jab'oc chucal ix ilchaj uuj d'ayin. Toxo ix in na' to malaj tas chuc ol vala'. Icha syal a lolonel, najat ix in elcan d'a sb'eal eb' comonxon̈ej smac'an eb' yetanimail.

Jn 18:38

Axo ix yalan vin̈aj Pilato chi' d'ay: —¿Tas jun yel tzal chi'? xchi vin̈ d'ay. Ix lajvi yalan jun chi' vin̈aj Pilato chi', ix elixta vin̈ d'a sti' b'aj aycan eb' aj Judea chi'. Ix yalanelta vin̈ d'a scal eb': —A jun vin̈ tic, malaj jab'oc smul vin̈ svila'.

A Tas Sc'ulejnac Eb' Schecab' Jesús Hechos 23:9

Yuj chi' ix q'ue n̈ilnaj eb' masanil yalani. Ay juntzan̈ eb' c'ayb'um d'a ley Moisés yetb'eyum sb'a yed' eb' fariseo, ix q'ue vaan eb', ix yalan eb': —Malaj jab'oc chucal sc'ulej vin̈aj Pablo tic. Talaj icha chi' ay junoc espíritu, ma junoc ángel ix alan d'a vin̈, xchi eb'.

A Tas Sc'ulejnac Eb' Schecab' Jesús Hechos 24:16

Yuj chi' svil val in b'a, yic max och in mul d'a Dios, yic max och pax in mul d'a eb' vetanimail.

A Tas Sc'ulejnac Eb' Schecab' Jesús Hechos 24:20

A eb' tz'ac'anoch d'a vib'an̈ ayec' tic, yalocab' eb', tato ay in mul ix ilchaj yuj eb' vin̈ sat yajal yaj d'a scal eb' israel ayic ix in sch'olb'itan eb'. An̈ej tato mul jun tic:

1 Co 4:4

Vach'chom a in pensar tz'alani to malaj jab'oc in paltail, man̈ yujoc chi' syal valani to malaj in paltail d'a yichan̈ Dios, yujto an̈ej Cajal Jesús syal sch'olb'itan tas vaji.

2 Co 1:12

Tzon̈ tzalaji, yujto cojtac val to tojol scutej co b'eyb'al d'a masanil eb' anima yed' pax d'ayex. Malaj spaltail co b'eyb'al, yujto scolvaj Dios yed' svach'c'olal d'ayon̈. Man̈ yujoc co jelanil vach' co b'eyb'al.

A Ch'an̈ B'ab'el Libro Samuel 12:4

Yuj chi' ix yalan eb' chon̈ab' chi' icha tic: —Malaj juneloc ix ac' chucal d'ayon̈, malaj b'aj ix a cha junoc tas a montub'aloc, xchi eb'.

A Ch'an̈ B'ab'el Libro Samuel 26:9

Palta ix tac'vi vin̈aj David chi', ix yalan vin̈: —Man̈ a milcham vin̈, yujto yaln̈ej mach smilancham vin̈ rey sic'b'ilel yuj Jehová, yovalil sjavi yaelal d'a yib'an̈.