A Ch'an̈ B'ab'el Libro Samuel 12:12 - Chuj San Mateo Bible

¹² Ayic ix eyilani to scot vin̈aj Nahas sreyal eb' amonita yac' oval qued'oc, ix e c'anan junoc e reyal d'ayin, yic tz'och yajalil d'a co cal, vach'chom a Jehová co Diosal co reyal yaji.

Chuj San Sebastian Bible

¹² A yic xeyilni to tzjaw win Nahas sreyl eb' amonita yac' owl eyet'oc, xe c'ann jun rey 'ayin, yic tz'och yajlil 'a qui calec. Tic pax to a Jehová qui Diosalec, a qui reylec yaji.

A Ch'an̈ B'ab'el Libro Samuel 12:12 ပူးပေါင်းရင်းမြစ်များ

Gn 17:7

A jun in trato svac' ed'oc tic yed' masanil eb' in̈tilal chi' to a Diosal in, sDiosal in pax eb' in̈tilal chi' d'a juneln̈ej.

Salmos 74:12

Atax d'a peca' co Reyal achn̈ej. Ach co Diosal, tzijtum b'aj ix cac' ganar oval yuj a colval.

Is 33:22

A sch'an̈al juntzan̈ barco chi', man̈ ol toc'joc tzatzb'oc d'a yoyal, man̈xa b'aj ol yac' yip sch'an̈al sc'apaquil. Ol pojchajec' tastac ay d'a eb' ajc'ol chi', ipan eb' tz'em sb'ey ol ic'an jab'oc yico', yujto a Jehová ol on̈ colanoc. A' ol b'oanel tas caji, co Reyal pax yaji.

Jeremías 40:11

An̈ejtona' jantac eb' aj Judá ayb'at d'a Moab, d'a Amón, d'a Edom yed' d'a juntzan̈xo nación, ix yab'an eb' to ayto anima ix can yuj vin̈ sreyal Babilonia d'a Judá. Ix yab'anpax eb' to a vin̈aj Gedalías yuninal vin̈aj Ahicam, yixchiquin vin̈aj Safán ix ac'jioch gobernadoral.

Os 13:10

Ix e c'an e reyal yed' e cuchb'umal, palta ¿tom a eb' syal tan̈van masanil e chon̈ab' tic?

Nm 23:21

Malaj junoc yaelal syil Jehová to ol javoc d'a yib'an̈ chon̈ab' Israel. Te vach' yic eb' yin̈tilalcan vin̈aj Jacob. A Jehová sDiosal eb', a ayoch sreyaloc eb', ayn̈ejpaxec' d'a scal eb'.

Jueces 8:23

Ix tac'vi vin̈ d'a eb' icha tic: —Man̈ ol in ochlaj eyajaliloc, man̈ ol ochpaxlaj eb' vuninal, palta a Jehová Cajal yaji.

Jueces 9:18

A exxo tic, tas xom val eyaji, yuj chi' tzex meltzajoch ajc'olal d'a yin̈tilal vin̈ in mam chi'. Ix e milcham 70 yuninal vin̈ d'a jun q'uen q'ueen, axo vin̈aj Abimelec yune' jun ix schecab' vin̈ in mam chi' ix eyac'och eyajaliloc, an̈ej am yujto ayto eyuj e b'a yed' vin̈ yuj snun.

A Ch'an̈ B'ab'el Libro Samuel 10:19

Palta axo ticnaic tze patiquejel co Diosal ix on̈ ic'anelta b'aj ix on̈ ec' d'a syaelal yed' d'a cusc'olal chi'. Ix e patiquejcaneli, ix ex och ijan e c'anan junoc co reyal yuj yac'an yajalil d'a quib'an̈. Yuj chi' jun, tzex och d'a yichan̈ Jehová, d'a junjun in̈tilal yed' d'a junjun macan̈il tz'aj eyochi.

A Ch'an̈ B'ab'el Libro Samuel 8:3

Palta man̈oc sb'eyb'al vin̈ smam eb' vin̈ chi' ix sb'eyb'alej. A val d'a q'uen tumin ix yac'och spensar eb' vin̈. Scha q'uen eb' vin̈ d'a elc'altac, malaj svach'il syutej eb' vin̈ sch'olb'itan yaj eb' anima.