A Ch'an̈ B'ab'el Libro Samuel 11:1 - Chuj San Mateo Bible

¹ A d'a jun tiempoal chi', ix cot vin̈aj Nahas sreyal eb' Amón yed' soldado yac' oval d'a chon̈ab' Jabes d'a yol yic Galaad, ix oymaj eb' d'a spatic. Ix yalanb'at eb' aj Jabes chi' d'a vin̈aj Nahas chi': —Tato tzac' junoc a trato qued'oc, ol cac'och co b'a d'a yol a c'ab', xchi eb'.

Chuj San Sebastian Bible

¹ Xlajw cha, 'ix cot Nahas win sreyl Amón yet' eb' soldado yic tzya'n owl 'a chon̈b' Jabes 'a yol yic Galaad. Palta xyaln smasnil eb' syajlil eb' cajn 'a Jabes chi 'ixtc 'a Nahas: —B'o junc a trato quet' on̈, tzlajw cha, tzon̈ 'och a checb'oc on̈, xchi eb'.

A Ch'an̈ B'ab'el Libro Samuel 11:1 ပူးပေါင်းရင်းမြစ်များ

Gn 26:28

Ix tac'vi eb' vin̈ d'a vin̈: —Toxo ix quila' to ayoch Jehová ed'oc, yuj chi' ix co na' to smoj sco b'o junoc co trato ed'oc. A jun trato ol co b'o chi', aton jun tic:

A Ch'an̈ Schab'l Libro Samuel 10:1

Ayic toxo ix ec' jun tiempoal, ix cham vin̈aj Na has, sreyal eb' amonita, axo vin̈ yuninal vin̈ scuchan Hanún ix ochcan reyal.

A Ch'an̈ Schab'l Libro Samuel 10:2

Ix sna' vin̈aj rey David chi' to yovalil sch'ox svach'c'olal vin̈ d'a vin̈aj Hanún chi', yujto sch'oxnac svach'c'olal vin̈ smam vin̈ d'a vin̈. Yuj chi' ix schecb'at juntzan̈ schecab' vin̈ d'a vin̈aj Hanún chi' yic syac'an snivanil sc'ool vin̈ yuj schamel smam chi'. Palta ayic ix c'och eb' checab' d'a schon̈ab' eb' amonita chi',

A Ch'an̈ Schab'l Libro Samuel 17:27

Ayic ix c'och vin̈aj David chi' d'a Mahanaim, ix javi jayvan̈ eb' vin̈ vinac d'a vin̈, aton vin̈aj Sobi yune' ix Nahas aj Rabá d'a yol yic Amón, vin̈aj Maquir yuninal vin̈aj Amiel aj Lo-debar yed' vin̈aj Barzilai aj Rogelim d'a yol yic Galaad.

A Ch'an̈ Schab'l Libro Samuel 2:5

yuj chi' ix yac'b'at juntzan̈ eb' schecab' vin̈, yic b'at yal eb' d'a eb' icha tic: Yac'ocab' svach'c'olal Jehová d'ayex yuj tastac vach' ix e c'ulej yujto ix e muc vin̈aj Saúl co reyal.

A Ch'an̈ B'ab'el Libro Yic Yab'ixal Eb' Rey 20:34

Ix lajvi chi' ix yalan vin̈aj Ben-adad chi' icha tic: —A ticnaic a juntzan̈ chon̈ab' yic'nac ec' vin̈ in mam d'a vin̈ a mam, svac'xican d'ayach. Syal sb'at eb' a chon̈vajum d'a Damasco icha sc'ulejnac eb' schon̈vajum vin̈ in mam chi' d'a Samaria, xchi vin̈. —Tato icha chi', ol ach vaq'uel d'a libre, xchi vin̈aj Acab chi'. Icha chi' ix aj sb'oan jun strato eb' chi'. Ix lajvi chi' ix pax vin̈aj Ben-adad chi'.

1 Cr 10:11

Ayic ix yab'an eb' aj Jabes ay d'a yol yic Galaad tas ix yutej snivanil vin̈aj Saúl eb' filisteo chi',

1 Cr 10:12

ix slajtian sb'a masanil eb' vin̈ vinac te tec'an. Ix b'at yic'ancot snivanil vin̈aj Saúl chi' eb' yed' pax snivanil eb' vin̈ yuninal vin̈, ix c'och yuj eb' d'a Jabes chi'. A d'a yich jun te' ji ix smuc snivanil eb' vin̈ chi' eb'. Uque' c'ual ix och eb' d'a tzec'ojc'olal yuj cusc'olal.

Job 41:4

¿Tom syal ac'an a trato yed' noc' yic tz'och noc' a checab'oc d'a masanil tiempo?

Ex 23:32

Man̈ val e b'o junoc e trato yed' eb', man̈ ex ochpax ejmelal d'a sdiosal eb'.

Is 36:16

man̈ e cha eyab' d'a vin̈. Yujto a vin̈ sreyal Asiria chi' ix in checancot val d'ayex to tzex och d'a junc'olal yed' vin̈, tzeyac'anoch e b'a d'a yol sc'ab' vin̈ yic vach' ol e lo sat te' eyuva yed' sat te' higo, ol eyuc'anpax a a' eyictaxoni,

Jeremías 40:11

An̈ejtona' jantac eb' aj Judá ayb'at d'a Moab, d'a Amón, d'a Edom yed' d'a juntzan̈xo nación, ix yab'an eb' to ayto anima ix can yuj vin̈ sreyal Babilonia d'a Judá. Ix yab'anpax eb' to a vin̈aj Gedalías yuninal vin̈aj Ahicam, yixchiquin vin̈aj Safán ix ac'jioch gobernadoral.

Jeremías 40:14

ix yalan eb' vin̈ d'a vin̈ icha tic: —¿Ix am ab'i to a vin̈aj Baalis sreyal Amón ix checancot vin̈aj Ismael yuninal vin̈aj Netanías yic tzach smilanchamoc? xchi eb' vin̈. Palta a vin̈aj Gedalías chi', maj schalaj vin̈ d'a eb' vin̈.

Ez 17:13

Ix lajvi chi', axo jun vin̈ yin̈tilal eb' rey ix yac'och vin̈ reyal d'a Judá. A vin̈ sreyal Babilonia chi' ix ac'an pural vin̈ yac'an sti' to c'anab'ajum ol yutej sb'a vin̈ d'a vin̈. Ix yic'ancot eb' nivac vinac yaj d'a Jerusalén chi' vin̈ preso

Dt 23:3

A eb' amonita yed' eb' moabita, juneln̈ej malaj yalan yic eb' yoch d'a scal b'aj molanec' eb' schon̈ab' Jehová, ma yin̈tilal eb' d'a b'aq'uin̈.

Jueces 10:7

Yuj chi' ix cot yoval sc'ol Jehová chi' d'a eb', ix ac'jioch eb' d'a yol sc'ab' eb' filisteo yed' d'a yol sc'ab' eb' amonita. A d'a jun ab'il chi', ix ac'ji ganar eb' yuj eb' ajc'ol chi'.

Jueces 11:4

Ix ec' jun tiempoal, ix c'och eb' amonita yac' oval yed' eb' israel chi'.

Jueces 21:8

¿Ay am eb' quetisraelal maj xid'ec' qued'oc d'a Mizpa molchajel d'a yichan̈ Jehová? xchi eb'. Axo ix snaancot eb' to a eb' cajan d'a Jabes d'a yol yic Galaad, malaj junoc eb' ix xid'ec' d'a molchajel chi'.

A Ch'an̈ B'ab'el Libro Samuel 12:12

Ayic ix eyilani to scot vin̈aj Nahas sreyal eb' amonita yac' oval qued'oc, ix e c'anan junoc e reyal d'ayin, yic tz'och yajalil d'a co cal, vach'chom a Jehová co Diosal co reyal yaji.

A Ch'an̈ B'ab'el Libro Samuel 14:47

Atax yic ix ochcan vin̈aj Saúl sreyaloc chon̈ab' Israel, ix syamanoch vin̈ yac'an oval yed' juntzan̈ chon̈ab' ajc'ool oyanoch d'a spatictac vin̈, aton eb' aj Moab, eb' aj Amón, eb' aj Edom, eb' vin̈ sreyal Soba yed' eb' filisteo. Ix yac'n̈ej ganar vin̈ b'ajtac ix yac' oval.