A Ch'an̈ B'ab'el Libro Samuel 10:8 - Chuj San Mateo Bible

⁸ Slajvi chi', tzach b'ab'lajc'och d'a Gilgal. Ata' ol co chalaj co b'a, ol in n̈usantz'a silab' yed' pax silab' yic junc'olal yed' Jehová. Uque' c'ual ol in a tan̈vej ta', ato yic ol in c'ochoc. Ichato chi' ol valan d'ayach tas ol a c'ulej, xchi vin̈aj Samuel chi'.

Chuj San Sebastian Bible

⁸ Tzlajw cha, tzach b'ab'l c'och 'ayn 'a Gilgal, tza'n xoj 'oj in c'och o'oj, ax wa'n tz'a no xajmb'al ta', yet' pax no xajmb'al yic junc'ojlal. Tzin a tan̈wj ta uque'oc c'u masnto 'oj in c'och 'ayach, ax waln 'ayach tas 'oj a b'o', xchi Samuel.

A Ch'an̈ B'ab'el Libro Samuel 10:8 ပူးပေါင်းရင်းမြစ်များ

A Ch'an̈ Schab'l Libro Samuel 19:16

An̈ejtona' pax vin̈aj Simei yuninal vin̈aj Gera aj Bahurim, d'a yin̈tilal Benjamín, elan̈chamel ix cot vin̈ yed' eb' aj Judá, yic tzul schaan vin̈ rey chi' eb'.

Lv 3:9

A junoc mach ex tzeyac' junoc noc' silab' chi', tzeyiq'uel junoc macan̈ d'a noc' yic sn̈usjitz'a d'a yichan̈ Jehová, aton juntzan̈ tic tz'ic'jieli: Xepual sn̈e noc', vach' tz'aj yic'jiel smasanil yed' xepu' ayoch d'a noc' yol sc'ool,

Josué 4:19

Ayic ix ec' eb' israel d'a yol a' Jordán chi', d'a val slajun̈il c'ual yoch b'ab'el uj, ix c'och eb' d'a Gilgal, d'a yichan̈cot Jericó d'a stojolal b'aj sjavi c'u.

A Ch'an̈ B'ab'el Libro Samuel 13:4

Masanil eb' israel ix ab'ani to toxo ix satel jun scampamento eb' filisteo yuj vin̈aj Saúl chi', ix yab'anpax eb' to aycot yoval eb' filisteo chi' d'a eb'. Yuj chi', d'a elan̈chamel ix smolb'ej sb'a eb' soldado israel yed' vin̈aj Saúl chi' d'a Gilgal.

A Ch'an̈ B'ab'el Libro Samuel 15:33

Ix yalan vin̈aj Samuel chi' d'a vin̈: —Yuj q'uen espada tic tzijtum eb' ix ix, ix can d'a man̈ uneal. Icha val ix ajcan eb' ix chi', icha chi' ol aj scan ix a nun, xchi vin̈. Maj yac' nivanc'olal vin̈, ix scotacxicanb'at vin̈aj Agag chi' vin̈ d'a yichan̈ Jehová d'a Gilgal chi'.