A Ch'an̈ B'ab'el Libro Samuel 1:22 - Chuj San Mateo Bible

²² Maj b'atlaj ix Ana chi' yed' eb', ix yalan ix d'a vin̈ yetb'eyum chi' icha tic: —Man̈ ol in b'atlaj, masanto ol el vin̈ unin tic d'a yim, ichato chi' ol in b'atoc. Svic'ancanb'at vin̈, svac'ancan vin̈ juneln̈ej d'a Jehová, xchi ix.

Chuj San Sebastian Bible

²² Palta ma'ix 'at 'ix Ana chi yet' eb', xyaln 'ix 'a win yichmil chi 'ixtic: —A ticnec ma'oj in 'ati, masnto 'oj 'el win 'unn tic 'a yim. 'Ixta to b'i'an, ax 'at wa'nc can win 'a yojltac Jehová, ax scan win ta 'a jun 'ejmn̈ej, xchi 'ix.

A Ch'an̈ B'ab'el Libro Samuel 1:22 ပူးပေါင်းရင်းမြစ်များ

Salmos 110:4

Yac'nac pax can sti' Jehová, malaj b'aq'uin̈ ol sq'uexa', yalnac d'ayach icha tic: Sacerdote ach d'a masanil tiempo, icha yopisio vin̈aj Melquisedec, xchi.

Salmos 23:6

A a vach'c'olal yed' b'aj tzin a xajanej ayn̈ejec' ved'oc yacb'an pitzan in. Mamin Jehová, ol in aj cajan b'aj ayach d'a masanil tiempo.

Salmos 27:4

Junn̈ej val tas tzin c'an d'a Jehová, aton jun tic tzin nib'ej: To tzin ec' d'a stemplo Dios yacb'an pitzan in yic svil snivanil yelc'och Dios chi', svac'anpaxem in b'a d'ay.

Ex 21:6

tzeyic'b'at vin̈ d'a yichan̈ eb' yajal. Tz'och lin̈an vin̈ d'a smarcoal spuertail sdespacho eb' vin̈ yajal chi', tzeyolan schiquin vin̈ d'a q'uen ol-lab', tz'ochcan yechel vin̈ to scan vin̈ eyed'oc d'a juneln̈ej.

Is 9:7

Ol yac' reyal sq'uexuloc vin̈aj rey David d'a yib'an̈ masanil lugar. Junc'olal ol yac' yajalil d'a juneln̈ej. Ol yic' val yip yajalil chi', ol sch'olb'itan tas d'a stojolal yed' d'a vach'il. A Jehová Yajal d'a Smasanil ol ac'anelc'och jun tic, yujto nab'ilxo yuuj.

Lv 25:23

A lum luum chi', max yal-laj e chon̈anel lum d'a juneln̈ej, yujto vic luum. A ex tic ton̈ej paxyalvum eyaj d'a sat luum, majan lum eyaj d'ayin.

Lc 2:22

Ay juntzan̈ checnab'il yalnaccan vin̈aj Moisés to sc'anab'ajej eb' ix tz'alji yune', yic vach' scan eb' ix d'a yichan̈ ley. D'a sc'ual yic sc'anab'ajan jun checnab'il chi' ix, ix yic'anb'at Jesús eb' d'a chon̈ab' Jerusalén yic syac'anoch jun unin chi' eb' d'a yol sc'ab' Dios Cajal.

Dt 16:16

Masanil eb' vin̈ vinac, yovalil tz'och eb' vin̈ d'a yichan̈ Jehová co Diosal d'a jun lugar ol siq'ueli, oxel tz'och eb' vin̈ d'a yol ab'il, aton d'a oxe' q'uin̈ tic: Q'uin̈ yic ixim pan malaj yich, q'uin̈ yic slajvi jochoj trigo yed' q'uin̈ chinama. Malaj junoc mach sc'och d'a yichan̈ Jehová tato malaj yofrenda yed'nac,

Josué 4:7

ol eyalan d'a eb' icha tic: A syalelc'och juntzan̈ q'uen q'ueen tic to ayic sc'axpajnac ec'ta eb' sacerdote yed' te' scaxail strato Jehová, ix spojan sb'a a' Jordán d'a yichan̈ te' caxa chi'. Yuj chi' a q'uen q'ueen tic nanab'ilcot yajcan q'ueen d'a tas ujinac d'a tic d'ayon̈ israel on̈ tic, xe cham d'a eb', xchi vin̈aj Josué chi'.

A Ch'an̈ B'ab'el Libro Samuel 1:11

Ix yac'an sti' ix d'ay icha tic: Mamin Jehová, Yajal Ach d'a Smasanil, tato smoj val ilanoch in cusc'olal a in a checab' in tic, tato tzin a nacoti, comonoc tz'el val d'a a c'ol ac'an junoc vune' vinac unin. Svac'can d'ayach d'a juneln̈ej, max joxjiel-laj xil sjolom, yic scheclajeli to ic yaji, xchi ix.

A Ch'an̈ B'ab'el Libro Samuel 1:28

Axo ticnaic tz'el d'a in c'ool, svac'ancan vin̈ d'a Jehová. Yacb'an pitzan vin̈, yic Jehová yaj vin̈, xchi ix. Ix lajvi chi' ix em cumnaj eb' ejmelal d'a yichan̈ Jehová.

A Ch'an̈ B'ab'el Libro Samuel 13:13

Ix tac'vi vin̈aj Samuel chi': —Yuj a man̈ pensaril ix a c'ulan jun tic. Octom to ix a c'anab'ajej tas ix yal Jehová co Diosal d'ayach, tato icha chi', ix am yala' to tzach can reyal d'a scal eb' israel d'a juneln̈ej.

A Ch'an̈ B'ab'el Libro Samuel 2:11

Ix pax vin̈aj Elcana d'a spat d'a Ramá, ix can vin̈ unin chi' yac' servil Jehová d'a yol sc'ab' vin̈aj sacerdote Elí.

A Ch'an̈ B'ab'el Libro Samuel 2:18

Axo pax vin̈aj yune' Samuel, ayoch schaleca vin̈ nab'a lino, yic syac'an servil Jehová vin̈.

A Ch'an̈ B'ab'el Libro Samuel 28:2

Ix tac'vi vin̈aj David chi' d'a vin̈: —Ichocab'ta' mamin rey, a ticnaic ol ila' tastac syal vuuj a in a checab' in tic, xchi vin̈. Ix yalanxi vin̈ d'a vin̈aj David chi': —Tzach vac'canoch in tan̈vumaloc d'a juneln̈ej, xchi vin̈.

A Ch'an̈ B'ab'el Libro Samuel 3:1

A vin̈aj Samuel quelemxo vin̈, an̈eja' smunlaj vin̈ d'a scajnub' Jehová d'a yalan̈ smandar vin̈aj sacerdote Elí. A d'a jun tiempoal chi' nib'ab'il slolonel Jehová, yujto man̈ comonoc sch'ox sb'a d'a junoc mach d'a vayichal.