A Ch'an̈ B'ab'el Libro Samuel 1:17 - Chuj San Mateo Bible

¹⁷ Ix yalan vin̈aj Elí chi' d'a ix: —Paxan̈ d'a junc'olal, aocab' Jehová co Diosal a on̈ israel on̈ tic ol ac'an d'ayach tas ix a c'an chi' d'ay, xchi vin̈.

Chuj San Sebastian Bible

¹⁷ —Paxn̈ 'a junc'ojlal ach 'ix, a cab' qui Diosalec an̈ israel on̈c tic 'oj yac' tas xa c'an 'a 'a, xchi win Elí cha.

A Ch'an̈ B'ab'el Libro Samuel 1:17 ပူးပေါင်းရင်းမြစ်များ

Gn 25:21

A ix Rebeca chi' malaj yune' ix. Axo vin̈aj Isaac ix lesalvi d'a Jehová yic tz'ac'ji yune' eb' yuuj. Icha chi' jun, ix ab'ji slesal eb' yuj Jehová, ix och ix Rebeca yab'ixal.

A Ch'an̈ Schab'l Libro Samuel 15:9

—Ixic d'a junc'olal, xchi vin̈aj rey David chi'. Yuj chi' ix b'at vin̈ d'a Hebrón chi'.

A Ch'an̈ Schab'il Libro Yic Yab'ixal Eb' Rey 5:19

Ix tac'vi vin̈aj Eliseo chi': —Man̈ ac' pensar, ixic, xchi vin̈. Ix b'at vin̈aj Naamán chi'. Palta quenanto sb'at vin̈,

1 Cr 4:10

A vin̈aj Jabes chi', ix och vin̈ ejmelal d'a sDiosal Israel, ix yalan vin̈ d'ay: Tzin c'an d'ayach Mamin to tzac' a vach'c'olal d'a vib'an̈, yic nivan tz'aj in macb'en, to tzach och ved'oc tzin a colanel d'a chucal, yic vach' max vab' syail, xchi vin̈ d'a slesal chi'. Ix yac'an Dios masanil tas ix sc'an vin̈ chi'.

Mr 5:34

Yuj chi' ix yal Jesús chi' d'a ix: —Ach ix, yujto in ac'och d'a a c'ool, yuj chi' ach b'oxi. Paxan̈ d'a tzalajc'olal. Tic ach b'oxi d'a jun a yaelal tic, xchi d'a ix.

Lc 7:50

Axo Jesús ix alan d'a ix: —Ach colchaji yujto in ac'och d'a a c'ool. Yuj chi' junc'olal tzach paxi, xchi d'a ix.

Lc 8:48

Yuj chi' ix yalan Jesús d'a ix: —Ach ix, yujto in ac'och d'a a c'ool, ach b'oxi. Junc'olal a paxi, xchi d'a ix.

Jueces 18:6

Ix yalan vin̈ d'a eb': —Junc'olal tzex b'ati, yujto scha sc'ol Jehová tas van e c'ulan tic, xchi vin̈ d'a eb'.

A Ch'an̈ B'ab'el Libro Samuel 1:16

Man̈ a na' to chuclaj tas tzin c'ulej d'a tic, ayxo tiempo in cajvi in lesalvi yuj jun vilc'olal tic, xchi ix.

A Ch'an̈ B'ab'el Libro Samuel 1:23

Ix tac'vi vin̈aj Elcana chi' icha tic: —Vach' toni tato vach' tza na'. Canan̈ yed' vin̈ masanto ol el vin̈ d'a yim chi'. Aocab' Jehová tz'och ed'oc yic tz'elc'och b'aj ix ac' a ti' d'ay, xchi vin̈. Yuj chi' ix can ix yed' vin̈ unin chi', ix sq'uib'tzitan vin̈ ix, masanto ix el vin̈ d'a yim.

A Ch'an̈ B'ab'el Libro Samuel 20:42

Ix lajvi chi', ix yalan vin̈aj Jonatán chi' d'a vin̈: —Ixic, junc'olal a b'ati yujto a co ti' ix cac' co chavan̈il, d'a yichan̈ Jehová ix cala'. Ix co c'an d'a Jehová chi' to ayn̈ejocab'och qued'oc co chavan̈il yed' eb' quin̈tilal yic tz'elcanc'och b'aj ix cac' co ti', yic vach'n̈ej pax cac'ani yed' eb' quin̈tilal, xchi vin̈. Ix lajvi chi', ix b'atcan vin̈aj David chi', axo vin̈aj Jonatán chi' ix meltzajcancot vin̈ d'a chon̈ab'.

A Ch'an̈ B'ab'el Libro Samuel 25:35

Ix lajvi chi', ix schaanec' vin̈ masanil tastac yed'nac ix chi', ix yalan vin̈: —Vach' tzach meltzaj d'a a pat d'a tzalajc'olal. Tic val scham ilani to ix vab' tas ix ala', tzin c'anab'ajan tas ix a c'ana'.

A Ch'an̈ B'ab'el Libro Samuel 29:7

Yuj chi', meltzajan̈ d'a tzalajc'olal, yic vach' man̈ chucoc syab' eb' uuj, xchi vin̈.